hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

Անատոմիական գիտաուսումնական թանգարան

1928-1930 թթ.-ի ընթացքում Երևանի անասնաբուծական-անասնաբուժական ինստիտուտի անատոմիայի ամբիոնի վարիչ` պրոֆեսոր Ս. Մ. Սմիրենսկու ղեկավարությամբ և ամբիոնի դոցենտներ` Մ. Յու. Ստարիցկու և Լ. Ա. Ավագյանի մասնակցությամբ սկսվեցին անատոմիական թանգարանի ստեղծման աշխատանքները:
1930թվին արդեն գործող թանգարանի վարիչ նշանակվեց Յու. Պ. Իզմայիլովը: Նա իր աշխատանքային գործունեության տարիների ընթացքում պատրաստել է մի շարք կենդանիների կմախքներ և պատրաստուկներ, ինչպես նաև ձիու, գոմեշի և բազմաթիվ թռչունների խրտվիլակներ:
1946-1964թթ.-ի ընթացքում թանգարանի վարիչ է աշխատել Կ. Կ. Դալը: Նա տիրապետել է թանգարանային նմուշների պատրաստման վարպետությանն ու ունեցել է գիտահետազոտական ունակությունների լայն շրջանակ: Նրա կողմից են պատրաստված թանգարանում առկա բազմաթիվ հազվագյուտ կենդանիների, թռչունների խրտվիլակները և գիտաուսումնական նպատակներով պատրաստված մի շարք ներքին օրգանների պատրաստուկները, որոնք սևեռված են ապակե տարաների մեջ:
1965-1980թթ-ին, համատեղության կարգով, թանգարանի վարիչ է աշխատել անատոմիայի ամբիոնի դոցենտ Ռ. Ս. Հովհաննիսյանը: Նա ոչ միայն վերանորոգել է թանգարանի ցուցանմուշները, այլև պատրաստել առյուծների, արջի, եղնիկի, օձի, կոկորդիլոսի և մի շարք թռչունների խրտվիլակները, ինչպես նաև փղի և ընձուղտի կմախքները:1980-1992թթ.-ի ընթացքում թանգարանի պահպանման աշխատանքներն իրականացվել են ամբիոնի դասախոսներ Ռ.Ս. Մխիթարյանի և Ս.Խ. Կոբելյանի կողմից` Անատոմիայի ամբիոնի վարիչ Պ.Ի. Հարությունյանի անմիջական ղեկավարությամբ:
1994-2014թթ.-ին թանգարանի վարիչ է աշխատել Մորֆոլոգիայի, ֆիզիոլոգիայի և ախտաբանական անատոմիայի ամբիոնի դոցենտ, ան. գիտ. դոկտոր Ն. Խ. Գրիգորյանը: Նա կատարել է մի շարք թանգարանային նմուշների վերանորոգում, որոնք վնասվել էին տեղափոխման ընթացքում, ինչպես նաև կատարել է մի շարք նոր նմուշների ավելացում` պատրաստելով տարբեր կենդանատեսակների և թռչունների խրտվիլակներ, մի շարք կենդանատեսակների ներքին օրգանների պատրաստուկներ, որոնք պահվում են ապակե տարաների մեջ:
2014թվից թանգարանի վարիչ են աշխատում Ս. Խ. Կոբելյանը և Գ. Ա. Պողոսյանը, որոնք ևս Մորֆոլոգիայի, ֆիզիոլոգիայի և ախտաբանական անատոմիայի վարիչ Ն. Խ. Գրիգորյանի անմիջական ղեկավարությամբ զբաղվում են թանգարանային նմուշների պահպանման, վերանորոգման և նոր նմուշներով համալրման աշխատանքներով:
Շուրջ 87 տարիների ընթացքում հավաքագրված ծավալուն նյութերը, որպես անգնահատելի արժեք` ներկայացված են թանգարանային բազմաթիվ և բազմաբնույթ ցուցանմուշների տեսքով. այն է` կենդանատեսակների, ձկների, երկկենցաղների, սողունների, թռչունների և կաթնասունների կմախքներ (360 հատ), խրտվիլակներ (250 հատ), բոլոր օրգան-համակարգերին վերաբերող տարբեր բնույթի բազմաթիվ պատրաստուկներ (1385 հատ), յուրահատուկ անոմալիաներ (25 հատ), ֆորմալինի լուծույթներում սևեռված կենդանիների, թռչունների դիակներ, դիակամասեր, առանձին օրգաններ (1500 հատ), մուլյաժներ (150 հատ), հնագիտական նմուշներ (50 հատ), ախտաբանաանատոմիական պատրաստուկներ (250 հատ):
Անատոմիական գիտաուսումնական թանգարանն այսօր էլ իր ցուցանմուշների քանակով և որակով առաջիններից է նախկին ԽՍՀՄ նմանատիպ թանգարանների շարքում, գերազանցելով նույնիսկ Մոսկվայի Կ. Սկրյաբինի անվան Անասնաբուժական բժշկագիտության և կենսատեխնոլոգիական համալսարանի նմանատիպ անատոմիական թանգարանին:
Թանգարանն իր հյուրընկալ դռներն է բացում ոչ միայն ՀԱԱՀ ուսանողների, այլև Երևան քաղաքի ու ՀՀ տարբեր մարզերի բազմաթիվ դպրոցների աշակերտների, կենսաբանական ուղղվածություն ունեցող այլ բուհերի ուսանողների, մագիստրոսների, ասպիրանտների, հայցորդների, ինչպես նաև համալսարան այցելած պատվիրակությունների և հյուրերի առջև, որոնք իրենց երախտիքի խոսքն են թողնում թանգարանի գրառումների մատյանում` բարձր պահելով ինչպես ամբիոնի, այնպես էլ ՀԱԱՀ-ի հեղինակությունը:

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10