Առաքելություն

Հայաստանի ազգային ագրարային համալսարանը՝ Հայկական գյուղատնտեսական և Երևանի անասնաբուծական-անասնաբուժական ինստիտուտների իրավահաջորդն ու ավանդույթների կրողը, հանրապետությունում ագրարային ոլորտի բարձրագույն կրթությամբ մասնագետներ պատրաստող միակ կրթական օջախն է:
Համալսարանի առաքելությունը   կրթության և գիտության կադրային և նյութական ռեսուրսների կենտրոնացմամբ  ու որակյալ կրթություն ապահովելու միջոցով Հայաստանում և տարածաշրջանում ագրարային ոլորտի աշխատաշուկայի ժամանակակից պահանջները բավարարող և դրանց դինամիկ փոփոխությունները հաշվի առնող առաջատար կրթական, գիտահետազոտական և խորհրդատվական ծառայություններ մատուցող կենտրոն դառնալն է:
Իր առաքելությունն իրականացնելիս համալսարանը, օգտագործելով իր մարդկային և նյութական ողջ ներուժն ու կարողությունները, պետք է կարողանա իրագործել.

  • Կրթության և գիտության բնագավառում ազգային ընդհանուր շահերի ապահովում
  • Աշխատաշուկայի հարափոփոխ պահանջներին համապատասխան ուսանողների գիտելիքների, հմտությունների և կարողությունների ձևավորմանը նպաստող կրթական միջավայրի ստեղծում
  • Մասնագիտական կրթության արդյունավետության բարձրացում և հասարակության առաջ հաշվետվողակաության ապահովում
  • Կրթության որակի, կրթական չափանիշների, չափորոշիչների և մակարդակի պահպանում ու զարգացում, ժամանակակից պահանջներին համահունչ կրթության բովանդակության անընդհատ համալրում, համալսարանում որակի մշակույթի ձևավորում
  • Գիտական հետազոտությունների և կրթական գործընթացի առաջընթաց զարգացում ու ինտեգրում, կրթական և գիտահետազոտական գործընթացներում ինովացիոն տեխնոլոգիաների ներդրում
  • Կրթության մատչելիության լայն ապահովում
  • Համաշխարհային բարձրագույն կրթական համակարգին  ինտեգրում, հիմնարար և կիրառական գիտական հետազոտությունների ոլորտում միջազգային հանրության հետ  լայն գործակցության ապահովում
  • Ազգային և միջազգային մակարդակներում համալսարանի կողմից մատուցվող ծառայությունների համադրելիության և մրցունակության, ինչպես նաև թափանցիկության ապահովում
  • Բարձրագույն, հետբուհական և լրացուցիչ մասնագիտական որակյալ կրթության մատուցում
  • Գիտելիքների և առաջավոր տեխնոլոգիաների տարածման խթանում ու շուկայական ենթակառուցվածքների ինովացիոն գործունեության ձևավորում
  • Համալսարանում  ուսանողակենտրոն կրթական միջավայրի ձևավորում:

Համալսարանն իր ապագան կառուցում է` հաշվի առնելով երկրի սոցիալ-տնտեսական զարգացման բարձր դինամիկան, Հայաստանի ակտիվ մուտքը համաշխարհային տնտեսական հարթություն, արտադրության, կրթության և հասարակական կյանքի այլ ոլորտներում նոր տեխնոլոգիաների հանդես գալը, ինչպես նաև Հայաստանում ինֆորմացիոն հասարակության ձևավորումը:
Իր առաքելությունն իրականացնելու ճանապարհին համալսարանը կատարելագործելու ու զարգացնելու է կրթական, գիտական, խորհրդատվական ու տեղեկատվական, կառավարման համակարգի, նյութատեխնիկական բազայի, սոցիալական ոլորտի և միջազգայնացման ոլորտներում իրականացվող գործընթացները: