hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

SIU_program_logo

 Հայ-նորվեգական համագործակցության ծրագիր բույսերի մոլեկուլային կենսաբանության և կենսատեխնոլոգիայի բնագավառների զարգացման ուղղությամբ

Հայաստանի Ազգային Ագրարային Համալսարանում մեկնարկել է Հայաստանի և Նորվեգիայի միջև նոր գիտակրթական ծրագիր՝ բույսերի կենսատեխնոլոգիայի և մոլեկուլային կենսաբանության ուղղությամբ (2017–2019թթ.): Ծրագիրը ֆինանսավորվում է Եվրասիա ծրագրի շրջանակներում` Նորվեգական կրթության միջազգային համագործակցությունների կենտրոնի աջակցությամբ։

Ծրագրի համառոտ նկարագրությունը: Ծրագրի հիմնական նպատակն է, Բոլոնիայի գործընթացի համատեքստում, Նորվեգիայի Տրոմսոյի Արկտիկական համալսարանի, Նորվեգիայի Կենսաէկոնոմիակայի ինստիտուտի, Հայաստանի Ազգային Ագրարային համալսարանի, ՀՀ ԳՆ Բանջարաբոստանային և տեխնիկական մշակաբույսերի Գիտական Կենտրոնի և Երևանի Պետական Համալսարանի մասնակցությամբ՝ բարձրացնել կրթության որակը Հայաստանում, նպաստելով բույսերի մոլեկուլային կենսաբանության և կենսատեխնոլոգիայի բնագավառում ուսուցման զարգացմանը և բարձր որակավորում ունեցող մասնագետների պատրաստմանը, որոնք կհամապատասխանեն սննդի և կերի արտադրության ոլորտների պահանջներին։ Նպատակներից է նաև հետագա ծրագրերում ընդգրկելով ուսանողներին, նրանց մոտ զարգացնել փորձարարական հմտություններ Հայաստանի գյուղատնտեսության ոլորտում` համախմբելով ակադեմիական ինստիտուտների և առևտրային ձեռնարկությունների ջանքերը:

Ծրագրի հիմնական ուղղվածությունն է նպաստել գիտահետազոտական, ուսումնական և վերապատրաստման աշխատանքներում ուսանողների ակտիվ ներգրավվածությանը։ Նախատեսվում են նաև համատեղ աշխատանքներ ինտենսիվ կարճաժամկետ դասընթացների, դաշտային աշխատանքների, ինչպես նաև սեմինարների և գործնական հանդիպումների միջոցով, նպատակ ունենալով կատարելագործել դասընթացների վարման մեթոդները դասակառավարման ուղղությամբ։ Այս ամենը կստեղծի արդյունավետ գործնական հարթակ, ուղղված ընդհանուր նպատակների զարգացմանն ու գիտելիքի կառավարմանը:

Ծրագրի շրջանակներում նախատեսվում է՝ բարձրագույն կրթության հետագա միջազգայնացում և ակադեմիական և գիտական կապերի հաստատում Հայաստանի և Նորվեգիայի միջև: Այս բոլորը կնպաստեն բարձրորակ մասնագետների պատրաստմանը, որոնք ապագայում իբրև նորվեգական գործընկերներ կարող են մասնակցել համատեղ գիտահետազոտական ծրագրերին։ Սույն ծրագրի իրականացումը նախադրյալներ կստեղծի կրթության որակի բարձրացմանը և կնպաստի մասնակից հաստատությունների միջև սերտ համագործակցությանը: Ծրագիրը, նաև կարող է նպաստել տարածաշրջանային կայունությանը, բարգավաճմանը, որպես միացնող կամուրջ կհանդիսանա Եվրասիայի և Եվրոպայի գիտության և կրթության միջև։

Ովքեր կարող են մասնակցել.
Ծրագիրը նախատեսված է հիմնականում ասպիրանտների և մագիստրոսների համար, սակայն, բակալավրիատի այն շնորհալի ուսանողների թեկնածությունները, որոնք պատրաստ են և ցանկություն ունեն մասնակցել այս նախագծին, կքննարկվեն և հավանության դեպքում կարող են ընդգրկվել: Մասնակցության համար պարտադիր նախապայման է՝ հիմնական կենսաբանական առարկաների վերաբերյալ գիտելիքների տիրապետումը։ Ծրագրի ընդհանուր գործունեությունը և դասընթացները հիմնականում լինելու են անգլերենով, հետևաբար, լավ անգլերենի իմացությունը պարտադիր է:

Կրթաթոշակներ
Կրթաթոշակները տրամադրվում են ուսանողներին գիտահետազոտական աշխատանքները Նորվեգիայում եւ Հայաստանում իրականացնելու նպատակով: Կրթաթոշակները շնորհվում են ըստ հետևյալ չափանիշների՝
• ընդհանուր ուսումնական առաջադիմություն (գնահատականներ),
• հիմնավորում (նամակի տեսքով) 
•անգլերենի իմացության թեստ (Նորվեգիայում դասընթացներին մասնակցելու համար):

Անգլերեն լեզվի նախապատրաստական դասընթացներ Ծրագրի աջակցությամբ մասնակիցների համար իրականացվում են ընդհանուր և մասնագիտական անգլերենի դասընթացներ, որոնց մասնակցությունը անվճար է: Ծրագրին կարող են մասնակցել նաև այլ բուհերի մագիստրոսները և ասպիրանտները։

Բոլոր նրանք ովքեր հետաքրքրված են սույն ծրագրով, կարող են դիմել լրացուցիչ տեղեկությունների համար՝

Պրոֆ. Դոկ. Անդրեաս Մելիքյանին

Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

Դոկ. Զառա Հարությունյանին

Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

Դոկ. Աննա Ավետիսյանին

Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

 Կամ այցելել մեր ֆեյսբուքյան էջը՝

https://www.facebook.com/groups/238318809951305/

 

Պորտուգալիայի Մինhոյի համալսարանում դասավանդելու կամ վերապատրաստվելու հնարավորություն

Պորտուգալիայի Մինhոյի համալսարանում դասավանդելու կամ վերապատրաստվելու հնարավորություն

Եվրոպական հանձնաժողովի կողմից ֆինանսավորվող Erasmus+ ՀԳ1 «Միջազգային կրեդիտային շարժունություն» ծրագրի շրջանակներում Մինհոյի համալսարանը հայտարարում է մրցույթ' Պորտուգալիայում 5 օրով դասավանդելու կամ վերապատրաստվելու նպատակով: Մրցույթին կարող են մասնակցել ՀԱԱՀ-ի այն աշխատակիցները, ովքեր ունեն անգլերենով կամ պորտուգալերենով հաղորակցվելու բավարար հմտություններ, դասախոսություն անցկացնելու համար անհրաժեշտ գիտելիքներ ու փորձ, ինչպես նաև Մինհոյի համալսարանում կգտնեն իրենց մասնագիտությանը կամ աշխատանքին համապատասխանող ոլորտը։

...

ՀԱՅՏԱՐԱՐՈՒԹՅՈՒՆ

ՀԱՅՏԱՐԱՐՈՒԹՅՈՒՆ

«Բալթյան հետազոտություն.19» խորագրով միջազգային գիտական և մեթոդաբանական ամենամյա գիտաժողովը տեղի կունենա 2019 թ. մայիսի 8-10-ը Կաունասում (Լիտվա): Գիտաժողովի կազմակերպիչն է Վիտովտ Մագնուսի համալսարանի Գյուղատնտեսական ակադեմիան (նախկինում՝ Ալեքսանդրաս Սթուլգինսկիսի անվան համալսարան): Հոդվածները կարող եք ուղարկել baltic.surveying1@gmail.com էլ/ հասեցով կամ վերբեռնել http://baltic.surveying1.en/կայքում:

Այլ տեղեկությունների համար կարող եք գրել հետևյալ էլ. հասցեին. Virginija.gurskiene@asu.lt

...

Մրցույթ ուսանողների համար Պորտուգալիայի Մինhոյի համալսարանում ուսումը շարունակելու նպատակով

Մրցույթ՝ Պորտուգալիայի Մինhոյի համալսարանում ուսումը շարունակելու նպատակով

Եվրոպական հանձնաժողովի կողմից ֆինանսավորվող Erasmus+ ՀԳ1 «Միջազգային կրեդիտային շարժունություն» ծրագրի շրջանակներում Մինհոյի համալսարանը հայտարարում է մրցույթ` Մինհոյի համալսարանում (Բրագա,Պորտուգալիա) ուսումը 5 ամսով շարունակելու նպատակով: Մրցույթին կարող են մասնակցել ՀԱԱՀ-ի բակալավրիատի, մագիստրատուրայի և ասպիրանտուրայի առաջին կուրսը հաջողությամբ ավարտած այն ուսանողները, որոնք տիրապետում են անգլերենին

...
ԱԳՐՈԼՈՒՐ

Իրադարձությունների օրացույց

Հունվար 2019
Կիր Երկ Երք Չրք Հնգ Ուբթ Շբթ
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Գրանցվեք նորությունների համար

10