Ագրարային  էկոնոմիկայի ամբիոնը համարվում է  թողարկող «Ագրոբիզնես», «Ագրարային արտադրության  էկոնոմիկա և կառավարում», «Ագրոէկոնոմիկա և սննդարդյունաբերության էկոնոմիկա», «Սննդարդյունաբերության էկոնոմիկա և կառավարում», «Ապրանքագիտություն և ապրանքի որակի փորձաքննություն» բակալավրական կրթական ծրագրերով, ինչպես նաև «Շուկայագիտություն», «Ապրանքագիտություն և ապրանքի որակի փորձաքննություն»,  «Ագրարային էկոնոմիկա»,  «Սննդարդյունաբերության էկոնոմիկա» մագիստրոսական  կրթական ծրագրերով ուսուցանվողների համար։

Ամբիոնում  դասավանդողների ամենօրյա հիմնական առաքելությունն ուսանողակենտրոն գործունեությունն է բուհում իրականացվող մասշտաբային բարեփոխումների համատեքստում։ Ամբիոնի զարգացման տեսլականն ուղղված է այնպիսի ռազմավարական նպատակների իրագործմանը, ինչպիսիք են երկրի ագրոպարենային համակարգի համար մրցունակ  կադրերի պատրաստումը, կրթության որակի շարունակական բարելավումը և ուսանողակենտրոն միջավայրի ստեղծումն ու զարգացումը։ Ամբիոնն իր ակտիվ մասնակցությունն է բերում նոր ու ժամանակակից կրթական ծրագրերի նեդրման և ծրագրային ապահովման գործում։ Այսպես, 2019-2020 ուստարում մշակվել ու հաստատման են նարկայացվել նոր ու ժամանակակից  առարկայական ծրագրեր․  «Կանաչ տնտեսության  հիմունքներ», «Վարքագծային էկոնոմիկա», «Թվային էկոնոմիկա»,  «Ինովացիոն էկոնոմիկա», «Թվային մարքեթինգ», «Սննդամթերքի անվտանգության համակարգերի կառավարում»։

Ամբիոնի դասախոսները կատարում են գիտական ու հետազոտական աշխատանքներ, նաև ներգրավված են գիտական տարբեր թեմաներում։ Նրանց գիտական գործունեության արգասիքն են հրատարակված բազմաթիվ  դասագրքերը, հարյուրավոր գիտական հոդվածներն ու  ուսումնամեթոդական տարաբնույթ աշխատանքները։ Հետաքրքիր է, որ ամբիոնի դասախոսներն  ամեն ինչ անում են, որ ապահովեն լավագույն ուսանողների ներգրավվածությունն իրենց գիտական ու հետազոտական աշխատանքներում։ Ամբիոնի դասախոսների մեծ մասը տիրապետում է օտար լեզուների և պարբերաբար վերապատրաստվում հայաստանյան ու արտասահմանյան առաջատար բուհերում։