Հողաշինարարության և հողային կադաստրի ամբիոնը կազմավորվել է 1997թ.: Ամբիոնի առաջին վարիչն է եղել դոցենտ Ռ.Հ. Զաքոյանը, ով պաշտոնավարել է 1997-1999թթ.: Այնուհետև 1999-2003թթ. ամբիոնի վարիչի պաշտոնը զբաղեցրել է Գ.Մ.Եղիազարյանը: 2003-2018 թթ. ամբիոնը ղեկավարել է Պ. Էֆենդյանը:
Ամբիոնի դասախոսական անձնակազմի գիտական ուսումնասիրությունները նվիրված են հողաշինարարությանը և հողաշինարարական նախագծմանը, գյուղատնտեսական հողատեսքերի արդյունավետ օգտագործմանը, հողերի խոշորացմանը և միավորմանը, կադաստրային գնահատման նոր մեթոդների մշակմանը:
Կազմվել և հրատարակվել են 30 մեթոդական ցուցումներ, 2 դասագիրք, 3 ուսումնական ձեռնարկ:

Շրջանավարտների մեծ մասը հաջողությամբ աշխատում է ՀՀ կառավարությանն առընթեր Անշարժ գույքի կադաստրի պետական կոմիտեում և դրա ստորաբաժանումներում, կադաստրային գնահատման, հողային ռեսուրսների հեռանկարային արդյունավետ օգտագործման, գյուղատնտեսական նշանակության հողերի հողաշինարարական աշխատանքների բնագավառներում:
Ամբիոնը համագործակցում է ՀՀ կառավարությանն առընթեր Անշարժ գույքի կադաստրի պետական կոմիտեի, «Հողշինմոնիտորինգ», «Գեոդեզիայի և քարտեզագրման կենտրոն» ՊՈԱԿ-ների, «Տեղեկատվական կենտրոն» և տարածքային ստորաբաժանումների, տեղական ինքնակառավարման մարմինների հետ: