Երևանի անասնաբուծական-անասնաբուժական ինստիտուտում 1968 թվից գործող Կաթի տեխնոլոգիական սարքավորումների ամբիոնը երկար տարիներ ղեկավարել է դոցենտ Թ.Մ. Գաբրիելյանը, իսկ 1995 թ․՝ Հայաստանի Հանրապետության վաստակավոր ինժեներ, պրոֆեսոր Վ.Ա. Թումանյանը: Ամբիոնում տարբեր տարիների դասավանդել են դոցենտներ Ս.Շ. Շաքարյանը, Ս.Վ. Մնացականյանը, Ա.Ռ. Բեգլարյանը, Է.Գ. Մաիլովան, Հ.Ա. Հակոբյանը, Ա.Ռ. Հակոբյանը, Ա.Վ. Թումանյանը, Ռ.Ա. Բակլաչյանը, ավագ դասախոս Հ.Ա. Մինասյանը: Իսկ կաշվի և մորթու տեխնոլոգիայի, սննդի արդյունաբերության սարքավորումների ամբիոններն առանձին-առանձին կազմավորվել են 1995թ: Կաշվի և մորթու տեխնոլոգիայի ամբիոնը ստեղծման օրից ղեկավարել է պրոֆեսոր Ս.Մ. Մարգարյանը:
1998թ. սննդի արդյունաբերության սարքավորումների ամբիոնը վերանվանվեց սննդի արդյունաբերության սարքավորումների և փաթեթավորման տեխնոլոգիայի: 2000-2005թթ. ամբիոնը գլխավորել է Ս.Շ. Շաքարյանը, իսկ 2005-2007թթ.՝ դոցենտ Լ.Վ. Թոքմաջյանը:
2007թ. Կաշվի և մորթու տեխնոլոգիայի, Սննդի արդյունաբերության սարքավորումների և փաթեթավորման տեխնոլոգիաների ամբիոնները միավորվեցին, և կազմավորվեց Սննդի արդյունաբերության սարքավորումների, փաթեթավորման և կաշվի ու մորթու տեխնոլոգիայի ամբիոնը, որը 2007-2010 թթ. ղեկավարել է պրոֆեսոր Ս.Մ. Մարգարյանը, 2010թ. սեպտեմբերից ամբիոնի վարիչ է ընտրվել տ.գ.դոկտոր, պրոֆեսոր Ա.Ռ. Բեգլարյանը: ՀԱԱՀ հոգաբարձուների խորհրդի 2018թ նոյեմբերի 6-ի նիստի որոշմամբ ամբիոնը վերանվանվել է Սննդի արդյունաբերության սարքավորումների ամբիոն:
Ամբիոնում գործում է պրոբլեմային երկու լաբորատորիա՝ կաշվի և մորթու տեխնոլոգիայի, տեխնոլոգիական սարքավորումների: Ամբիոնի կողմից տպագրվել է շուրջ 200 գիտական հոդված, 3 մենագրություն և 4 ուսումնական ձեռնարկ, ստացվել են բազմաթիվ գյուտերի արտոնագրեր և հեղինակային վկայականներ:
«Գյուղատնտեսական արտադրության փաթեթավորման տեխնոլոգիա և դիզայն» մասնագիտության ուսանողները մասնակցել են միջազգային տարբեր ցուցահանդեսների և մրցույթների, շահել են շուրջ 15 միջազգային մրցանակներ: