Ագրոբիզնեսի դեպարտամենտ

Արթուր Գրիգորյան

տնտ.գիտ.թեկնածու

Դեպարտամենտի պետ

Հետադարձ կապ

ՀՀ, Երևան, 0009, Տերյան 74
(+374 10) 58-79-57
[email protected]

Պատմությունը

Հայաստանի ազգային ագրարային համալսարանի Ագրոբիզնեսի դեպարտամենտը (Ագրոբիզնեսի ուսուցման կենտրոնը) հիմնադրվել է 2000թ., ՀԱԱՀ-ի, Տեխասի A&M համալսարանի, և ԱՄՆ գյուղդեպարտամենտի գործակցային համաձայնագրի հիման վրա: Կենտրոնը ագրոպարենային համակարգի և հարակից ոլորտների համար պատրաստում է տնտեսագիտական, շուկայագիտական և կառավարման լայն մտահորիզոն ունեցող մասնագետներ` անգլերենի գերազանց իմացությամբ և արդիական հաղորդակցական հմտություններով: 2010թ.-ից գործում է ագրոբիզնեսի մագիստրոսական ծրագիրը (MAB)՝ տարածաշրջանում միակը, որը մասնագիտացված է Ագրոբիզնեսի տնտեսագիտության ոլորտում:
Ագրոբիզնեսի ուսուցման կենտրոնը առաջարկում է ագրոբիզնես մասնագիտության բակալավրական և մագիստրոսական ծրագրեր: Ագրոբիզնեսի ուսուցման կենտրոնի բակալավրական ծրագրի տևողությունը 2 տարի է և հիմնված է ՀԱԱՀ-ի տնտեսագիտական ֆակուլտետում ուսումնառած բակալավրիատի առաջին երկու տարիների վրա։ Ուսումնական պլանները հիմնված են Տեխասի A&M համալսարանի գյուղատնտեսական տնտեսագիտության համապատասխան ուսումնական պլանների վրա: Ուսուցումն իրականացվում է անգլերենով: Դասախոսները ԱՄՆ-ի և եվրոպական առաջատար համալսարաններում գիտական աստիճաններ ստացած մասնագետներ են, ինչպես նաև իրենց ոլորտներում կայացած ներկայացուցիչներ Շրջանավարտները ստանում են ՀԱԱՀ-ի դիպլոմ, ինչպես նաև Տեխասի A&M համալսարանի ավարտական վկայական:
2025թ. հունիսի դրությամբ ԱՈՒԿ-ի բակալավրիատն ավարտել է 549 ուսանող. ևս 146-ը ավարտել է մագիստրոսական ծրագիրը: Շրջանավարտներից մոտ 60-ը Վրաստանի Հանրապետությունից են: Ավարտելուց 3-4 ամիս անց շրջանավարտների ավելի քան 90 տոկոսն արդեն մասնագիտական աշխատանքի է անցնում:
ԱՈՒԿ-ն ապահովում է եզակի կրթական միջավայր, որտեղ արժևորվում են նախաձեռնողականությունը, ինքնուրույն աշխատանքը, ստեղծագործական մոտեցումն ու սեփական երկրին օգտակար լինելու պատրաստակամությունը: Ժամանակակից սարքավորումների և տեխնոլոգիաների կիրառումը լիարժեք աշխատանքային միջավայր է ստեղծում ուսանողների համար: Բակալավրական ծրագրի ուսանողների համար 4 ամսյա աշխատանքային պրակտիկայի կիսամյակի ընթացքում հնարավորություններ են ստեղծվում պրակտիկայի անցնել Հայաստանի խոշոր ագրոբիզնեսի կազմակերպություններում, ֆերմերային կազմակերպություններում, բանկերում և հասարակական կազմակերպություններում: ԱՈՒԿ-ի ուսանողները մրցակցային ակնհայտ առավելություններ ունեն ուսանողների փոխանակման և արտերկրում ուսումնառության ծրագրերին մասնակցելու առումով:

Ագրոբիզնեսի ուսուցման կենտրոնի կայք

Ագրոբիզնեսի ուսուցման կենտրոնի բակալավրիատ ընդունվելու համար դիմորդը պետք է բավարարի հետևյալ պահանջներից առնվազն մեկը՝

ավարտած լինի ՀԱԱՀ տնտեսագիտական ֆակուլտետի առաջին երկու կուրսերի ծրագիրը,
ցուցաբերի անգլերենի բավարար իմացություն(B1 և ավել)

Ընդունելության կարգը

Ներկայացնել հայտադիմումի ամբողջական փաթեթ
Անցնել ընդունելության հարցազրույցը։ Հարցազրույցները անցկացվում են անգլերեն լեզվով։
Մասնակցել անվճար ամառային դպրոցին և հաջողությամբ հանձնել քննությունները հետևյալ առարկաներից՝ գործարար անգլերեն, ագրարային տնտեսագիտություն և մաթեմատիկա։ ( Քննական առարկաները կարող են փոփոխվել ըստ ուսանողների պատրաստվածության)

Ագրոբիզնեսի ուսուցման կենտրոնի բակալավրի ուսման վարձը համապատասխանում է համալսարանի տնտեսագիտական ֆակուլտետի ուսման վարձին

Մագիստրոսական ծրագիր ընդունվելու համար պահանջվում է՝

Բակալավրի աստիճան
Անգլերենի բավարար իմացություն (B1 և ավել) և համակարգչային հմտություններ:
Նախընտրելի է բակալավրիատի ծրագրում ուսումնասիրած լինել տնտեսագիտական ոլորտի առարկաներ։

Ընդունելության կարգը

Ներկայացնել հայտադիմումի ամբողջական փաթեթ
Անցնել հարցազրույց։ Հարցազրույցները անցկացվում են անգլերեն։
Մասնակցել անվճար նախապատրաստական դասընթացներին և հանձնել քննությունները։
Երկու երաշխավորագիր դասախոսից կամ գործատուից, ով ծանոթ է ակադեմիական և/կամ մասնագիտական ձեռքբերումներին։

Ագրոբիզնեսի ուսուցման կենտրոնի մագիստրատուրայի ուսման վարձը 1,320,000 դրամ է։

Ինչու ընտրել Ագրոբիզնեսի ուսուցման կենտրոնը (ATC)

Ժամանակակից ուսումնական ծրագիր՝ ամբողջությամբ անգլերեն լեզվով
Բիզնեսին ուղղված մրցունակ կրթական ծրագրեր՝ համակցված տեսական և գործնական մոտեցմամբ
Ուսանողակենտրոն և աջակցող կրթական միջավայր
Ճկուն դասացուցակ, որը հնարավորություն է տալիս համատեղել ուսումը աշխատանքը
Արդյունաբերության հետ ամուր կապեր՝ իրական փորձ և կարիերայի հնարավորություններ ապահովելու համար
Փոքր խմբեր՝ անհատական մոտեցման և ուսանող–դասախոս սերտ համագործակցության համար
Ընտանեկան մշակույթ՝ հիմնված ազնվության, պատասխանատվության, թիմային աշխատանքի և փոխադարձ հարգանքի վրա
Երկու երաշխավորագիր դասախոսից կամ գործատուից, ով ծանոթ է ակադեմիական և/կամ մասնագիտական ձեռքբերումներին։

Ագրոբիզնեսի ուսուցման կենտրոնի մագիստրատուրայի ուսման վարձը 1,320,000 դրամ է։

Ագրոբզինեսի մագիստրոսական ծրագրում ուսումնասիրվող առարկաները