Ֆակուլտետն առաջնորդվում է կրթության ուսանողակենտրոն և «Smart» մոտեցումներով, խրախուսում է արտալսարանային ուսուցումը, արժանահավատ և վերջնարդյունքահեն գնահատումը: Դիպլոմային աշխատանքների և մագիստրոսական թեզերի թեմատիկայի ընտրությունն իրականացվում է արտադրությունում դրանց կիրառականության ապահովման նկատառումներով: Մագիստրանտների հետազոտական աշխատանքների ղեկավարման համար ներգրավված են գյուղատնտեսության ոլորտի առաջատար գիտաշխատողներ: Ֆակուլտետի որոշ ուսանողներ և մագիստրանտներ ինտեգրված են և մասնակցում են միջազգային ուսումնական, գիտական և պրակտիկ ծրագրերում: Ակտիվ է դասախոսների և հետազոտողների մասնակցությունը միջազգային կազմակերպությունների հետ համատեղ ծրագրերին։
Իրականացնում է ուսանողների և մագիստրանտների փորձուսուցումը հանրապետության գյուղոլորտի առաջավոր կազմակերպություններում (ԲԲՏՄ, Սպայկա, Օռվակո, Էկոգլոբ, Սևան ազգային պարկ, Կանաչ արահետ, Ագրոտրենդ, Սյունիք ֆուդ և այլն), մասնավոր ֆերմերային տնտեսություններում, ՀՀ Էկոնոմիկայի նախարարության ստորաբաժանումներում, Սննդամթերքի անվտանգության տեսչական մարմնում, ինչպես նաև համալսարանի ուսումնափորձնական տնտեսություններում:
Ֆակուլտետի մի շարք երիտասարդ դասախոսներ ներգրավված են և վերապատրաստումներ են անցնում միջազգային ծրագրերում և արտերկրի առաջատար բուհերում:
Ֆակուլտետի դասախոսական կազմն, ըստ մասնագիտական առանձնահատկությունների, մասնակցում է արտադրությանը մատուցվող խորհրդատվական գործընթացներին:

ֆակուլտետը համագործակցում է ՄԱԿ-ի պարենի և գյուղատնտեսության համաշխահային գրասենյակի, Կովկասի տարածաշրջանի ագրոկենսաբազմազանության պահպանման հայկական գրասենյակի, Նորվեգիայի Սաէրհեիմի կենսաէկոնոմիկայի ինստիտուտի, Թրոմսոյի արկտիկական համալսարանի, Իտալիայի Դելլ Մանշ պոլիտեխնիկական համալսարանի (Անկորա), Ռուսաստանի մի շարք գյուղատնտեսական համալսարանների և գիտական կենտրոնների հետ:

‹‹Oրգանական գյուղատնտեսություն›› մագիստրոսական ծրագրի նպատակն է պատրաստել օրգանական գյուղատնտեսության ոլորտի մասանագետների՝ զինված համապատասխան գիտական և գործնական գիտելիքներով։
Ծրագրի շրջանավարտները կունենան գիտելիքներ հողի բերրիության, օրգանական հավաստագրման, տեղական և միջազգային օրգանական չափորոշիչների, բնական ռեսուրսների հարակայուն կառավարման, օրգանական մշակաբույսերի ու մրգերի արտադրության և վերամշակման, օրգանական անասնաբուծության վերաբերյալ։

Ֆակուլտետում թողարկվող երեք մասնագիտությունների հինգ կրթական ծրագրերով   մասնագետների նկատմամբ արտադրությունում առկա է մեծ պահանջարկ:  Շրջանավարտների հիմնական մասն աշխատում է ըստ մասնագիտության: Այդ մասնագիտություններն են.

Կրթական ծրագիրն ավարտած մասնագետները տիրապետում են`

• ֆերմերային տնտեսությունների ձևավորման, վարման և կառավարման ժամանա­կակից մոտեցումներին,
• գյուղատնտեսական մշակաբույսերի մշակության ժամանակակից տեխնոլոգիանե­րին, շուկայի պահանջները բավարարող սորտերի (հիբրիդների) ստեղծման տեխնոլո­գիաներին,
• պտղատու և խաղողի ինտենսիվ այգիների հիմնման և մշակության տեխնոլոգիական առանձնահատկություններին:

Կրթական ծրագիրն ավարտած մասնագետները տիրապետում են`

• մշակաբույսերի և անտառային ծառատեսակների վնասակար օրգանիզմների դեմ արդյունավետ պայքարի միջոցառումների պլանավորոման և իրականացման գործառույթներին,
• սահմանային հսկիչ կետերում, լաբորատորիաներում, ջերմատներում և դաշտում բուսասանիտարական փորձաքննության գործառույթներին:

Կրթական ծրագիրն ավարտած մասնագետ­ները տիրապետում են`

• ջերմոցա-ջերմատնային տնտեսությունների ստեղծմանը (աերոպոնիկ, հիդրոպոնիկ և գրունտային),
• ջերմոցա-ջերմատնային պայմաններում մշակաբույսերի մշակության ամբողջական համակարգերի կիրառությանը: