Էրազմուս+ ՀԳ1 Միջազգային կրեդիտային շարժունություն ծրագրի շրջանակում Միջազգային կապերի դեպարտամենտը հայտարարում է 4 տեղի մրցույթ Խմորման արտադրության տեխնոլոգիա եւ գինեգործություն կրթական ծրագրով սովորողների համար՝ 2023 թ․ գարնանային կիսամյակում (ապրիլ-հուլիս) Գայզենհայմի համալսարանում (Գերմանիա) սովորելու համար։
Մրցույթին կարող են մասնակցել երկրորդ եւ երրորդ կուրսի բակալավրիատի այն ուսանողները, որոնք տիրապետում են անգլերենին (B2) կամ գերմաներենին (B1): Խրախուսվում է հատուկ կարիքավոր ուսանողների մասնակցությունը:
Մրցույթին մասնակցելու համար պետք է ստորեւ նշված փաստաթղթերը բարձր որակի PDF ձեւաչափով ուղարկել ՄԿԴ պետ Գ․ Համբարձումյանին ([email protected]), իսկ բնօրինակները հանձնել Միջազգային կապերի դեպարտամենտ․
- ապացույց ՀԱԱՀ ուսանող լինելու վերաբերյալ՝ տեղեկանք դեկանատից
- անձնագրի պատճեն
- մոտիվացիոն նամակ (անգլերենով)
- ինքնակենսագրական (Europass ձեւաչափով, անգլերենով)
- ակադեմիական տեղեկագիր (հայերենով)
- առարկաների կրեդիտների ճանաչման ձեւաթուղթ։
Փաստաթղթերի էլեկտրոնային տարբերակների անվանումը պետք է պարունակի դիմորդի անուն-ազգանունը, ինչպես նաեւ ցուցադրի փաստաթղթի բնույթը (օրինակ՝ CV_Name Surname)։ Փաստաթղթերի ընդունման վերջնաժամկետն է սույն թվականի նոյեմբերի 30-ը։
Ուշադրություն․
- Առարկաներ կարող եք ընտրել International Wine Business Bachelor of Science կրթական ծրագրի միայն 2-րդ, 4-րդ եւ 6-րդ կիսամյակներից (https://www.hs-geisenheim.de/fileadmin/pruefungsverwaltung/Bachelor-Studiengaenge/International_Wine_Business__B.Sc._/Curricula_und_Modulhandbuecher/IWBB_PO_2013_-_Module_Manual_-_engl..pdf)
- Քանի որ Գայզենհայմի համալսարանում առարկաների մեծ մասը սկսվում է աշնանը (Winter semester) եւ շարունակվում գարնանային կիսամյակում (Summer semester), մասնակից ուսանողները պետք է սկզբնական գիտելիքներ ունենան իրենց ընտրած առարկաների մասին` դասընթացներին մասնակցելու եւ քննությունները բարեհաջող հանձնելու համար:
Օգտակար հղումներ․
- Գայզենհայմի համալսարանի վերաբերյալ՝ https://www.hs-geisenheim.de/en/
- Առարկաների ցանկը՝ https://www.hs-geisenheim.de/en/studies/prospective-students/degree-programs/international-wine-business-bsc-english-program/#
- Անհրաժեշտ փաստաթղթեր եւ շարժունության ժամանակ կրեդիտների փոխճանաչման ընթացակարգ՝ https://drive.google.com/drive/folders/1-2-PxNyA0Qfbxxa-Z99mKoKlMhy0SfmN
Ծրագիրը հոգում է ճանապարհածախսը, օրապահիկի ու կեցության ծախսերը: Ծրագիրը չի հոգում վիզայի եւ ապահովագրության հետ կապված ծախսերը։
Հարցերի դեպքում կարող եք դիմել Գ․ Համբարձումյանին՝ [email protected] էլհասցեով: