Հարգելի դիմորդ,  մեկնարկում է 2023-2024 ուսումնական տարվա մագիստրատուրայի հեռակա վճարովի ուսուցման համակարգի  ընդունելությունը:

Մագիստրատուրայի հեռակա վճարովի ուսուցման համակարգի ընդունելության համար կարող են դիմել՝   Հայաստանի ազգային ագրարային համալսարանի 2023-2024 ուստարվա շրջանավարտները, նախորդ տարիների շրջանավարտները, ինչպես նաև այլ բարձրագույն ուսումնական հաստատությունների շրջանավարտները։

Դիմում-հայտերը կլարող եք լրացնել սույն թվականի սեպտեմբերի 11-ից մինչև հոկտեմբերի 27 -ը ներառյալ (երկուշաբթի – ուրբաթ՝ ժամը 09։00-17։00)։

Մագիստրատուրա ընդունվելու համար դիմումը տրվում է ռեկտորի անունով` կցելով համապատասխան փաստաթղթերը`

• բակալավրի, դիպլոմավորված մասնագետի, մագիստրոսի դիպլոմի և դրա հավելվածի (միջուկի) պատճենները (օտարերկրյա պետություններում բարձրագույն կրթություն ստացածների համար` փաստաթուղթ նրանց կրթության համարժեքության մասին),
• ինքնակենսագրություն և 3 լուսանկար (3×4 չափի),
• հրատարակված կամ հրատարակման ընդունված գիտական աշխատությունների ցուցակ (դրանց առկայության դեպքում),
• զինվորական գրանցման փաստաթղթերի պատճեն բնօրինակի առկայությամբ (ներկայացնում են անձամբ),
• անձը հաստատող փաստաթղթի պատճենը բնօրինակի առկայությամբ,
• ստացած մրցանակների, վկայականների, դիպլոմների պատճենները՝ առկայության դեպքում,
• Համալսարանի կողմից սահմանված այլ փաստաթղթեր: