Գյուղմեքենայացման և ավտոմատացման ԳՀԻ

Հիմնադրվել է 2010թ.` որպես ՀԱԱՀ-ի կառուցվածքային ստորաբաժանում` իր կազմում ներառելով դաշտավարության մեքենայացման, կերարտադրության և անասնապահության մեքենայացման, ավտոմոբիլային տրանսպորտի, նախագծակոնստրուկտորական և գիտափորձնական չափումների բաժինները:
Համաձայն կատարված կառուցվածքային փոփոխությունների՝ գիտահետազոտական ինստիտուտի կազմում այժմ գործում են հետևյալ 3 բաժինները.

Հետազոտություններն իրականացնում են ՀՀ ԳԱԱ ակադեմիկոս Ա.Պ. Թարվերդյանը, պրոֆեսոր Դ.Պ. Պետրոսյանը, տեխնիկական գիտությունների թեկնածուներ Ս.Վ. Հովհաննիսյանը, Տ.Մ. Սմոյանը,  Վ.Գ. Սարգսյանը, Վ.Է. Մարգարյանը և կոնստրուկտորներ` Ժ.Մ. Մկրտչյանը, Ջ.Գ. Մկրտչյանը:

Գիտական գործունեության թեմաներն ընդգրկում են հետևյալ ուղղությունները.

      • Մոտոբլոկաքարշ, էներգիայի նվազագույն ծախսումներով մեքենաների համալիրի մշակում (հողուրագ, սրսկիչ, խոտհնձիչ, խաղողի և պտղատու այգիների մշակության մեքենա):
      • Սննդի արդյունաբերության թափոնների (մրգակորիզներ, սպիրտահատիկային տակուցք, բանջարեղենի համակցված չորացում) վերամշակման մեքենաների նախագծում:

Արտադրությունում ներդնելու համար լաբորատորիայում  նախագծվել և պատրաստվել են հետևյալ տեխնիկական միջոցները`

      • մոտոբլոկաքարշ սրսկիչ, գութան, հողուրագ,
      • պտղատու այգիների մշակության մեքենա,
      • մանրահատիկ սերմերի հիդրոպնևմատիկ շարքացան,
      • մրգակորիզների, սպիրտահատիկային տակուցքի, պտուղ-բանջարեղենի վերամշակման հոսքագծեր:

Նախատեսված է առաջիկա տարիներին կերարտադրության և անասնապահության մեքենայացման բաժնի գիտահետազոտական ու նախագծային աշխատանքները կատարել հետևյալ ուղղություններով.

      • Ֆերմերային տնտեսությունների համար նախագծել ու մշակել առանձին կերատեսակների նախապատրաստման տեխնոլոգիական գծեր, դրանք համատեղել լիարժեք կերախառնուրդների պատրաստման կերերի արտադրամասերի նախագծման հետ:
      • Մշակել կթի նոր տեխնոլոգիա և մեքենասարքավորումներ` ապահովելով գյուղատնտեսական կենդանիների կթի կատարումը ինչպես մսուրային, այնպես էլ արոտային շրջաններում:
      • Գոմաղբի հավաքման ու հեռացման ճոպանասկրեպերային տեղակայանքը վերակառուցել և հարմարեցնել փոքր անասնաշենքերին: Վերանայել գոմաղբի ու թռչնաղբի մշակման երեք եղանակները:

Գիտահետազոտական աշխատանքներում ընդգրկված են պրոֆեսորներ Ս.Ե. Մարգարյանը, Ա.Ս. Մարգարյանը,  տեխնիկական գիտությունների թեկնածուներ Գ.Հ. Դանիելյանը, Ա.Գ. Մազմանյանը, Հ.Թ. Հակոբյանը: