Ապագա շրջանավարտների մասնագիտական մրցունակությունը բարձրացնելու նպատակով համալսարանը կազմակերպում է MS Office (Word, Excel, Solver, Power Point) համակարգչային ծրագրակազմերի անվճար կարճաժամկետ դասընթացներ:
Դասընթացները կկազմակերպվեն մարտի 2-21-ը, շաբաթական 3 անգամ, ժամը 13:30-ից 15:00: Դասընթացները վարելու են ամբիոնի փորձառու դասախոսները:
Որպես արդյունք մասնակիցները կսովորեն՝
- մոդելավորման գործողությունների ավտոմատացում,
- Power Point-ի միջոցով համակարգչային շնորհանդեսի նախագծում,
- աշխատանք Word տեքստային խմբագրիչով,
- MS Excel էլեկտրոնային աղյուսակների միջոցով աղյուսակների մշակում, թվաբանական գործողությունների իրականացում, տվյալների վերլուծություն:
Ցանկացողները կարող են դիմել Սոնա Ավետիսյանին՝ մինչեւ փետրվարի 26-ը, յուրաքանչյուր աշխատանքային օր, ժամը 9:00-ից մինչեւ 17:00 (2-րդ մասնաշենք, 406 սենյակ):
Դասընթացներին ակտիվ մասնակցած ուսանողներին կտրվեն հավաստագրեր:
