ՀԱԱՀ-ի Պարենամթերքի տեխնոլոգիաների ֆակուլտետը պատրաստում է ագրոպարենային համակարգի մասնագետներ, որոնք սպասարկում են սննդի արդյունաբերության արագ զարգացող ոլորտը։ Անվտանգ և որակյալ պարենը ենթադրում է բարձր կարողություններով և հմտություններով մասնագետ` ձևավորված համապատասխան կրթական միջավայրում։ Ոլորտը նոր մարտահրավերներ է առաջադրում, որոնք հնարավոր է լուծել բազմագործոն բարեփոխումներով, ինչն արդեն իրականություն է համալսարանում՝ նոր ռազմավարությամբ՝ ամրագրված կայուն զարգացման նպատակներով։ Դրա իրագործման բաղադրիչ մասն է Պարենամթերքի տեխնոլոգիաների ֆակուլտետը, որի զարգացման ծրագիրը բխում է բուհի որդեգրած ռազմավարությունից։
2019-2020 ուստարվանից գործում են նոր ուսումնական պլանները՝ քառամյա կրթական ծրագրերով, որոնք բովանդակությամբ արդիական են, բավարարում են սննդի արդյունաբերության նորագույն տեխնոլոգիաների պահանջներին և անվտանգությանը։
Որակյալ տեխնոլոգ մասնագետների պատրաստման տեսանկյունից կարևորվում է հագեցած նյութատեխնիկական բազայի առկայությունը, որը լիովին համապատասխանում է լաբորատոր, սեմինար, գործնական պարապմունքների և ուսանողների հետազոտական աշխատանքների կատարման պահանջներին:
ՈՒսանողների ուսումնաարտադրական պրակտիկաներն անցկացվում են ՀՀ սննդարդյունաբերության առաջատար ձեռնարկություններում, ինչպես նաև ՀԱԱՀ-ի գիտափորձարարական բազաներում:
Ֆակուլտետը համագործակցում է Ռուսաստանի Կ. Ա. Տիմիրյազևի անվան պետական ագրարային, Մոսկվայի կիրառական կենսատեխնոլոգիայի պետական համալսարանների և Մոսկվայի կաթնարդյունաբերության գիտահետազոտական ինստիտուտի հետ:
Ֆակուլտետի կայուն զարգացման նպատակներն են․

Կրթական ծրագրերի պատշաճ իրականացում հետևյալ բաղադրիչներով.
Կրթական համակարգում էլեկտրոնային հարթակի լիարժեք կիրառում ամբողջ գործիքակազմով։ Տվյալ հարթակի օգտագործման արդյունավետության բարձրացում մշտադիտարկման համակարգի ներդման միջոցով
Դասախոս-ուսանող փոխհարաբերությունների նոր մակարդակ՝ փոխադարձ պատասխանատվության ենթատեքստում
Կրթության որակի ներֆակուլտետային մոնիթորինգի մշակում և կիրառում
Կրթական ծառայություններ մատուցող ենթակառուցվածքների գործունեության մշտադիտարկում և վերլուծություն՝ ընդգրկելով նաև ուսանողական կառույցները
Պրոֆեսորադասախոսական անձնակազմի որակավորման բարձրացման գործընթացի անընդհատության ապահովում՝ մասնագիտական վերապատրաստումների միջոցով
Դասավանդման ժամանակակից մեթոդների կիրառում
Պրոֆեսորադասախոսական անձնակազմի մասնագիտական կոմպետենտության ապահովում
Ժամանակակից տեխնոլոգիաների կիրառմամբ կրթական գործունեության թափանցիկության ապահովում և վերահսկում
Հին կրթական ծրագրերով ուսումնառած ուսանողների համար լրացուցիչ մասնագիտական և ընդհանուր դասընթացների կազմակերպում
Մասնագիտական ամբիոններում ուսումնաճանաչողական այցերի կազմակերպում համապատասխան վայրեր
Համալսարանի ուսումնափորձնական տնտեսություններում գործնական դասերի կազմակերպում
Արժանահավատ գնահատման ապահովում՝ թեստավորման համակարգի ներդրմամբ։