Հարգելի՛ գործընկեր,
Տեղեկացնում եմ, որ ՀՀ կրթության, գիտության, մշակույթի և սպորտի նախարարությունը մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը:
Մրցույթի նպատակն է զարգացնել երիտասարդների նորարարական մտածողությունը, ներգրավել երիտասարդներին Հայաստանի Հանրապետության սոցիալ-տնտեսական զարգացման խնդիրների լուծման գործընթացներում, խթանել գիտատեխնիկական մշակումներն ու նորարարական նախագծեր իրականացնելու քաղաքացիական նախաձեռնությունները:
Մրցույթն անցկացվում է հետևյալ անվանակարգերով՝
- Ֆիզիկամաթեմատիկական գիտություններ
- Քիմիական գիտություններ
- Կենսաբանական գիտություններ
- Տեխնիկական գիտություններ
- Գյուղատնտեսական գիտություններ
- Պատմական գիտություններ
- Տնտեսագիտություն
- Բանասիրական գիտություններ
- Իրավաբանական գիտություններ
- Մանկավարժական գիտություններ
- Բժշկական գիտություններ
- Դեղագործական գիտություններ
- Արվեստագիտություն
- Ճարտարապետություն
- Հոգեբանական գիտություններ
- Ռազմական գիտություններ
- Սոցիոլոգիական գիտություններ
- Քաղաքական գիտություններ
- Գիտություններ երկրի մասին
- Տեղեկատվական տեխնոլոգիաներ
Մրցույթին ներկայացված գաղափարներից մրցութային հանձնաժողովը կընտրի լավագույն 5 գաղափարները, որոնք կպարգևատրվեն դրամական խրախուսմամբ՝ մինչև 500.000-ական դրամի չափով:
Մրցույթին կարող են մասնակցել Հայաստանի և սփյուռքի 16-35 տարեկան երիտասարդներ կամ հեղինակային խմբեր:
Հայտերն ընդունվում են 2021 թվականի սեպտեմբերի 18-ից մինչև հոկտեմբերի 25-ը ներառյալ:
Խնդրում եմ մրցույթի մասին հայտարարությունը տարածել Ձեր ուսումնական հաստատության կայքէջով և սոցիալական ցանցերով, ինչպես նաև Ձեր բուհի անունից ներկայացնել առնվազն մեկ նորարարական գաղափարի մրցութային հայտ:
ՀՀ ԿԳՄՍ նախարարության հայտարարությանը կարող եք ծանոթանալ հետևյալ հղմամբ՝ https://escs.am/am/news/9852 :
Հայտերն անհրաժեշտ է ուղարկել [email protected] էլեկտրոնային փոստին՝ «Թեմա» բաժնում նշելով մրցույթին ներկայացվող գաղափարի անվանակարգը:
ՀԱՐԳԱՆՔՈՎ՝ ՎԱՀՐԱՄ ԴՈՒՄԱՆՅԱՆ
ՀԱՐԳԱՆՔՈՎ՝ ՎԱՀՐԱՄ ԴՈՒՄԱՆՅԱՆ
