Էրազմուս+ ՀԳ1 Միջազգային կրեդիտային շարժունություն ծրագրի շրջանակում
Վալադոլիդի համալսարանը (Իսպանիա) հայտարարում է մրցույթ 2024-25 ուստարվա աշնանային կամ գարնանային կիսամյակներում ուսումը 5 ամսով շարունակելու համար (1 տեղ):

Մրցույթին կարող են մասնակցել ՀԱԱՀ-ի Ագրոնոմիական, Ագրարային ճարտարագիտության ֆակուլտետների բակալավրիատի, Ագրոբիզնեսի եւ տնտեսագիտության ֆակուլտետի եւ Ագրոբիզնեսի ուսուցման կենտրոնի բակալավրիատի եւ մագիստրատուրայի ուսանողները (բացառությամբ առաջին կուրսում եւ ավարտական կիսամյակում սովորողների):

Դիմումների վերջնաժամկետն է 2024 թ․ մայիսի 17-ը (23։59 Իսպանիայի ժամանակով)։
Նախքան հայտադիմումը լրացնելը պետք է ստորեւ նշված բոլոր փաստաթղթերը բարձր որակի PDF ձեւաչափով ուղարկել ՄԿԴ առաջատար մասնագետ Օֆելյա Տերտերյանին ([email protected]), իսկ բնօրինակները հանձնել Միջազգային կապերի դեպարտամենտ․

• Անձնագիր
  • Ինքնակենսագրական EUROPASS ձեւաչափով (https://europass.europa.eu/en)
  • Երաշխավորագիր
  • Ակադեմիական տեղեկագիր (անգլերենով)
  • Ապացույց ՀԱԱՀ-ի ուսանող լինելու վերաբերյալ՝ տեղեկանք դեկանատից (անգլերեն)
  • Լեզվի տիրապետման հավաստագիր (B2)
  • Շարժունության պայմանագիր (ստորագրված, https://uvamobplus2.uva.es/)
  • Մոտիվացիոն նամակ
  • Սոցիալապես անապահով ուսանողները պետք է տրամադրեն համապատասպան փաստաթղթեր՝ որպես ապացույց
  • Հաշմանդամություն ունեցող ուսանողները պետք է տրամադրեն հաշմանդամությունը հավաստող համապատասխան փաստաթղթեր
  • Հարկային եւ ազգային ապահովագրական պարտավորությունների կատարման մասին դիմորդի ստորագրած հայտարարագիր
  Ուսանողները պետք է ընտրեն 25-30 կրեդիտ Վալադոլիդի համալսարանում սովորելու համար։ Ավելի քիչ կրեդիտների դեպքում ուսանողը չի ընտրվի։
• Դիմելու ընթացակարգ`
  https://uvamobplus2.uva.es/publico/download/62/en/Convocatoria_Completa_EN.pdf
  Անգլերենով դասավանդվող առարկաներ`
  https://uvamobplus2.uva.es/publico/courses
  Դիմումների լրացում՝
  https://uvamobplus2.uva.es/
  Էրազմուս+ ՀԳ1 Միջազգային կրեդիտային շարժունություն ծրագրի շրջանակում
  Վալադոլիդի համալսարանում իրենց ուսումը շարունակած ուսանողների փորձառություն՝ https://erasmusplusuva.wordpress.com/

• Մասնակիցների գնահատումը կիրականացվի երկփուլ մեխանիզմով՝ ՀԱԱՀ-ի եւ Վալադոլիդի համալսարանի կողմից։

Ծրագիրը հոգում է ճանապարհածախսը, օրապահիկի ու կեցության ծախսերը: Ծրագիրը չի հոգում վիզայի եւ ապահովագրության հետ կապված ծախսերը։

Ուշադրություն․ Իսպանիայի ազգային վիզա ստանալու համար ՀՀ քաղաքացիները հնարավոր է մեկնեն Ռուսաստան՝ Մոսկվայում գտնվող Իսպանիայի Թագավորության դեսպանություն։

Հարցերի դեպքում կարող եք դիմել Օֆելյա Տերտերյանին՝ [email protected] էլհասցեով կամ այցելել ՄԿԴ: