Մասնակցե՛ք «B2B վաճառք եւ նորարարություն» անվճար ինտերակտիվ դասընթացներին

Սիրելի՛ ուսանողներ:

Փնտրու՞մ եք հմտությունների զարգացման հնարավորություններ, որոնք կնպաստեն կարիերայի աճին։

Միացե՛ք Եւրամիության  ERASMUS+ «Սովորի՛ր  – նորարարի՛ր – վաճառի՛ր – հաջողի՛ր» (LISS24) նախագծի շրջանակում կազմակերպվող «B2B ՎԱՃԱՌՔ ԵՒ ՆՈՐԱՐԱՐՈՒԹՅՈՒՆ» անվճար ինտերակտիվ դասընթացներին, որոնք կանցկացվեն երկու փուլով։

Դասընթացները նախատեսված են համալսարանի բոլոր ֆակուլտետների ուսանողների համար։

Դասընթացներից յուրաքանչյուրի  տեւողությունը՝ 3 շաբաթ, շաբաթական 3 հանդիպում։ Ամփոփումը՝ մրցույթով։

Դիմում-հայտերի ներկայացման վերջնաժամկետը ս․թ․ ապրիլի 11-ն է։

  • 1-ին փուլ՝ «Նորարարական բիզնես գաղափարի գեներացում» դասընթացի մեկնարկ՝ 14.04-02.05.2025
  • 2-րդ փուլ՝ «B2B (Business to Business) վաճառքներ» դասընթացի մեկնարկ՝ 12․05-30․05․2025

Մասնակցության համար գրանցվել կարող եք գրանցվել այստեղ :

Ինչո՞ւ մասնակցել․

«Նորարարական բիզնես գաղափարի գեներացում» դասընթացի շրջանակում ձեռք կբերեք՝

  • նորարարական բիզնես գաղափարների գեներացման,
  • գաղափարի գնահատման,
  • բիզնես Canvas մոդելի կազմման,
  • գաղափարի ներկայացման (pitching) արդի գիտելիքներ եւ գործնական հմտություններ։

«B2B (Բիզնեսը բիզնեսին) վաճառքներ» դասընթացի շրջանակում ձեռք կբերեք՝

  • շուկայի վերլուծելության, սպառողների կարիքների բացահայտման եւ գնահատման,
  • գործարար հաղորդակցության, բանակցությունների վարման եւ հակամարտությունների կառավարման,
  • B2B վաճառքների գործընթացների կառավարման եւ ռազմավարական որոշումների կայացման արդի գիտելիքներ եւ գործնական հմտություններ։

Դասընթացի ավարտին մասնակիցները կստանան մասնակցության վկայական եւ հնարավորություն ներգրավվելու եւրոպական Վաճառքների եւրոպական մրցույթ (European Sales competition) 2026-ում։