Էրազմուս+ ՀԳ1 Միջազգային կրեդիտային շարժունություն ծրագրի շրջանակում ՀԱԱՀ միջազգային կապերի դեպարտամենտը հայտարարում է 2 տեղի մրցույթ «Խմորման արտադրության տեխնոլոգիա և գինեգործություն» կրթական ծրագրով սովորողների համար՝ 2026-27 ուս․ տարում Գայզենհայմի համալսարանում (Գերմանիա) 10 ամսով սովորելու համար։

Մրցույթին կարող են մասնակցել բակալավրիատի երկրորդ կուրսի այն ուսանողները, ովքեր տիրապետում են անգլերենին (B2) կամ գերմաներենին (B1): Խրախուսվում է հատուկ կարիքավոր ուսանողների մասնակցությունը:

Մրցույթին մասնակցելու համար պետք է ստորև նշված փաստաթղթերը բարձր որակի PDF ձևաչափով ուղարկել ՄԿԴ պետ Գ․ Համբարձումյանին ([email protected]), իսկ բնօրինակները հանձնել Միջազգային կապերի դեպարտամենտ․

1. ապացույց ՀԱԱՀ ուսանող լինելու վերաբերյալ՝ տեղեկանք դեկանատից
2. անձնագրի պատճեն
3. մոտիվացիոն նամակ (անգլերենով)
4. ինքնակենսագրական (Europass ձևաչափով, անգլերենով)
5. ակադեմիական տեղեկագիր (հայերենով)
6. առարկաների կրեդիտների ճանաչման ձևաթուղթ։

Փաստաթղթերի էլեկտրոնային անվանումները պետք է պարունակեն դիմորդի անուն-ազգանունն ու փաստաթղթի բնույթը (օրինակ՝ CV_Name Surname), իսկ յուրաքանչյուր փաստաթղթի ծավալը չպետք է գերազանցի 2 ՄԲ-ն։ Պայմաններին չբավարարող փաստաթղթերը չեն ընդունվի։ Դիմորդը հարցազրույցի կհրավիրվի մոտիվացիոն նամակի նախնական դրական գնահատումից հետո։ Փաստաթղթերի ընդունման վերջնաժամկետն է սույն թվականի ապրիլի 17-ը։

Ուշադրություն․

• Առարկաները պետք է ընտրել International Wine Business Bachelor of Science կրթական ծրագրից (https://www.hs-geisenheim.de/en/studies/prospective-students/bachelors-programs/international-wine-business-bsc-english-program):

Օգտակար հղումներ․

• Գայզենհայմի համալսարանի վերաբերյալ՝https://www.hs-geisenheim.de/en/
• Ուսումնական պլանը՝ https://www.hs-geisenheim.de/fileadmin/pruefungsverwaltung/Bachelor-Studiengaenge/International_Wine_Business__B.Sc._/Curricula_und_Modulhandbuecher/IWBB_PO_2023_-_Curriculum_-_engl.__Website.pdf
• Անհրաժեշտ փաստաթղթեր և շարժունության ժամանակ կրեդիտների փոխճանաչման ընթացակարգ՝https://drive.google.com/drive/folders/1BG6iGzfSCXyGldLKY5wgETGUMquEC44L?dmr=1&ec=wgc-drive-globalnav-goto։

Ծրագիրը հոգում է ճանապարհածախսը, օրապահիկի ու կեցության ծախսերը: