Եւրոպական հանձնաժողովի կողմից ֆինանսավորվող Էրազմուս+ ՀԳ1 ծրագրի շրջանակում ՀԱԱՀ-ն հայտարարում է մրցույթ ս․թ․ մայիսի 5-9-ը Թրակիայի Դոմոկրիտուսի համալսարանում (Հունաստան) կազմակերպվող միջազգային շաբաթին մասնակցելու համար։ Միջազգային շաբաթի թեման է՝ Միջազգային շարժունության ապագան ու գործընկերությունները եւ ԵՄ ֆինանսավորած նախագծերը (The future of international mobility and partnerships & EU funded projects)։
Մասնակիցը պետք է ակտիվորեն մասնակցի էրազմուսյան տարբեր քննարկումների, կազմի եւ ներկայացնի շնորհանդես ԵՄ նախագծերում ՀԱԱՀ փորձի մասին։
Թեկնածուն պետք է ունենա գիտելիքներ եւ փորձ հետեւյալ ուղղություններով (ըստ գնահատվող հերթականությամբ)․
- Էրազմուս+ ՀԳ1 ծրագրերի իրականացում եւ համակարգում,
- Էրազմուս+ ՀԳ2 նախագծերի կազմում, համակարգում եւ մասնակցություն,
- Ժան-Մոնե նախագծերի կազմում, համակարգում եւ մասնակցություն,
- ԵՄ կողմից ֆինանսավորվող ծրագրերի հայտադիմումների կազմում եւ ներկայացում,
- գիտելիքներ ԵՄ կողմից ֆինանսավորվող նախագծերի ֆինանսավորման եւ առաջնահերթությունների մասին,
- Բուհ-աշխատաշուկա կապի հաստատում եւ ամրապնդում։
Մրցույթին մասնակցելու համար պետք է ստորեւ նշված փաստաթղթերը բարձր որակի PDF ձեւաչափով ուղարկել ՄԿԴ պետ Գարեգին Համբարձումյանին ([email protected]), իսկ բնօրինակները հանձնել Միջազգային կապերի դեպարտամենտ․
- անձնագրի պատճեն,
- ինքնակենսագրություն` Europass ձեւաչափով (անգլերենով)
- ապացույց ՀԱԱՀ-ի աշխատակից լինելու վերաբերյալ (տեղեկանք Մարդկային ռեսուրսների կառավարման բաժնից),
- մոտիվացիոն նամակ (անգլերենով)։
Հյուրընկալող համալսարանի մասին՝ https://duth.gr/en/Home։
Փաստաթղթերի էլեկտրոնային տարբերակների անվանումը պետք է պարունակի դիմորդի անուն-ազգանունը, ինչպես նաեւ ցուցադրի փաստաթղթի բնույթը (օրինակ՝ CV_Name Surname)։ Ձեւաչափին չհամապատասխանող փաստաթղթերը չեն ընդունվի։
Հարցազրույցի կհրավիրվեն միայն մոտիվացիոն նամակի նախնական գնահատումն անցած թեկնածուները։
Փաստաթղթերի ընդունման վերջնաժամկետն է 2025 թվականի մարտի 31-ը:
Ծրագիրը հոգում է ճանապարհածախսը, օրապահիկի ու կեցության ծախսերը:
Հարցերի դեպքում կարող եք դիմել ՄԿԴ պետ Գ․ Համբարձումյանին ([email protected]):