ՀԱԱՀ-ի Ագրոբիզնեսի ուսուցման կենտրոնի Ագրոբիզնեսի մագիստրոսական ծրագիրը (MAB), հայտարարում է 2020-2021 թթ. ուսումնական տարվա ընդունելություն։ MAB-ն Հայաստանի ազգային ագրարային համալսարանի եւ Տեխասի A&M («Էյ ընդ Էմ») համալսարանի համատեղ կրթական ծրագիր է։
MAB-ն ագրոբիզնեսի տնտեսագիտության ոլորտում մասնագիտացված միակ մագիստրոսական ծրագիրն է երկրում եւ տարածաշրջանում, որը ապագա ֆինանսիստներին, մարկետինգի մասնագետներին եւ ձեռնարկատերերին օժտում է քանակական, կառավարչական եւ որոշումների ընդունման հմտություններով։
Միջազգայնորեն մրցունակ 18-ամսյա ծրագրի դասավանդման լեզուն անգլերենն է։
Հայտերի ընդունման վերջնաժամկետը հուլիսի 5-ն է։
ԱՈՒԿ-ի մագիստրատուրան գործում է սկսած 2010թ․-ից։
Ագրոբիզնեսի մագիստրոսական ծրագիրն ընտրելու պատճառներն են՝
- գործարար ուղղվածության ուսումնական պլան․
- դասերն անցկացվում են երեկոյան ժամերին, որը թույլ է տալիս ուսանողներին աշխատել լրիվ դրույքով․
- բարձրակարգ դասախոսներ, որոնք ոլորտում գործող մասնագետներ են․
- համանման կրթական ծրագրերի համեմատությամբ մատչելի ուսման վարձ․
- առաջավոր տեխնոլոգիաներ (տեսակապի սրահ, լիարժեքորեն համալրված համակարգչային սրահ եւ այլն)․
- դասախոս-ուսանող հարաբերությունների ու գործակցության եզակի որակ։
Մանրամասներին կարելի է ծանոթանալ այստեղ։
Լրացուցիչ տեղեկությունների համար կարելի է զանգահարել (098) 334 565 հեռախոսահամարով կամ էլեկտրոնային նամակ ուղարկել [email protected] հասցեով։
