ru
Armenian (Հայերեն)Russian (Русский)English (United Kingdom)

Национальный аграрный университет Армении

Anything in here will be replaced on browsers that support the canvas element

Боль которая не забудется

Консультация в онлайн режиме, понедельник, среда, пятница, с 10:00 до 12:00
These articles are available only in armenian.

 «Պատվավոր դոկտորի կոչումը ուղեկցում է մարդուն ողջ կյանքի ընթացքում»

Հայաստանի ազգային ագրարային համալսարանի գիտխորհրդի որոշմամբ, «Պատվավոր դոկտորի» կոչման է արժանացել Գերմանիայի Դաշնային հանրապետության գյուղատնտեսական առաջատար բուհի` Վայհենշտեֆան-Թրիսդորֆի կիրառական գիտությունների համալսարանի միջազգային համագործակցության պատասխանատու, «Ագրարային մենեջմենթի եւ տարածաշրջանային զարգացման միջազգային ցանցի» խորհրդի նախագահ, Կենտրոնական եւ Արևելաեվրոպական երկրների գյուղատնտեսական հետազոտությունների աշխատանքային խմբի անդամ, դոկտոր, պրոֆեսոր, Ռալֆ Շլաուդերերը:


 ՀԱԱՀ-ի պատվավոր դոկտորի կոչում շնորհվում է այն անհատներին, որոնք մեծ, անուրանալի ավանդ ունեն բուհի և ոլորտի զարգացման գործում: Արժանիների ընտրությունը կատարվում է բծախնդրորեն, անաչառ: Ասվածի վկայությունն է այն փաստը, որ մինչ օրս ընդամենը երեք անհատի է շնորհվել պատվավոր դոկտորի կոչում: ՀԱԱՀ ռեկտոր, ՀՀ ԳԱԱ ակադեմիկոս, հանրապետության գիտության վաստակավոր գործիչ Արշալույս Թարվերդյանը բացելով հանդիսությունը ներկայացրեց Գերմանիայից ժամանած հյուրին ու նույն բուհի առաջատար գիտաշխատող Արամ Արիստակեսյանին: Վերջինս ՀԱԱՀ լավագույն շրջանավարտներից է, ով այսօր աշխատում է Գերմանիայում և իր նպաստն է բերում հայրենի երկրի տնտեսության, մասնավորապես ագրարային ոլորտի գիտակրթական համակարգի զարգացման կարևոր գործին: «Պատմական փորձը վկայում է, որ առանց զարգացած ագրոարդյունաբերական ճյուղի անհնար է ունենալ տնտեսապես ազդեցիկ և հզոր պետություն: Այդ պատճառով էլ ագրոարդյունաբերական ոլորտի զարգացման եւ այդ բնագավառի բարձրակարգ մասնագետների պատրաստման եւ վերապատրաստման խնդիրը մեր հանրապետության առաջնահերթություններից է».-ասաց Արամ Արիստակեսյանը:
Հայաստանի ագրարային համալսարանը գերմանացի գործընկերների հետ փոխադարձ հետաքրքրություն ներկայացնող գիտակրթական բազում ծրագրեր է իրականացնում: Հատկապես հիշատակության է արժանի ագրարմենեջմենթ մասնագիտության հիմնումը, որի ուսումնական պլանները, ծրագրերը համադրված են եվրոպականի հետ, կրթությունը իրականացվում է և՛ մայրենի լեզվով, և՛ գերմաներեն: Դիպլոմների փոխճանաչելիության հարցը լուծվել է տարիներ առաջ, այժմ օրակարգում կրկնակի դիպլոմներ շնորհելու խնդիրն է, որը տեսանելի ապագայում կլուծվի:
ՀԱԱՀ ռեկտոր Ա. Թարվերդյանը Ռալֆ Շլաուդերերին հանձնեց պատվավոր դոկտորի դիպլոմը, հավաստագիր և Ագրարային համալսարանի «Ոսկե հուշամեդալ»:
Ռալֆ Շլաուդերերը շնորհակալություն հայտնեց բարձր գնահատականի համար, որը ոչ միայն արված աշխատանքի առհավատչյան է, այլև պարտավորեցնող, պատասխանատու գործոն` հետագա գործունեության համար. «ՀԱԱՀ-ը, վստահաբար, մեր լավագույն ու հուսալի գործընկերներից է: Մեր բոլոր ջանքերը միտված են զարգացմանն ու առաջընթացին»:
Նա մեկ անգամ ևս շեշտեց այն ոլորտները, որոնց շուրջ համատեղ ու մեծ աշխատանք պետք է իրականացնեն հայ եւ գերմանացի գիտնականները` միջազգային, միասնական հավատարմագրում, միջազգային գիտական պորտալի ստեղծում, գիտահետազոտական աշխատանքների իրականացում, առցանց ուսուցման կազմակերպում: Նա հստակեցրեց սկզբունքները, որոնցով պետք է առաջնորդվեն, նպատակները, որոնց հաջող իրականացումը շոշափելի արդյունք կտա ագրարային ոլորտի զարգացման տեսանկյունից:

Անի Խուդավերդյան
«Կրթություն» շաբաթաթերթ

 

Календарь

Март 2019
Вс Пн Вт Ср Чт Пт Сб
24 25 26 27 28 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6