hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

Ագրարային համալսարանի սփյուռքահայ ուսանողները հանդիպեցին Սփյուռքի նախարարության ներկայացուցիչների հետ

Մարտի 20-ին ՀԱԱՀ-ում սովորող սփյուռքահայ ուսանողները հավաքվել էին նիստերի դահլիճում՝ հանդիպելու ՀՀ սփյուռքի նախարարության ներկայացուցիչների հետ: Ուսումնական աշխատանքների գծով պրոռեկտոր Յու. Մարմարյանը, ողջունելով բոլորին, ներկայացրեց հյուրերին՝ ՀՀ սփյուռքի նախարարության համահայկական ծրագրերի վարչության պետ Գագիկ Գյանջումյանին և Սփյուռքահայ ուսանողների խորհրդի հիմնադիր

, հոգաբարձուների խորհրդի նախագահ Սամվել Մկոյանին: Հանդիմպան նպատակն էր մոտիկից ծանոթանալ սփյուռքահայ ուսանողների խնդիրներին և տեղեկացնել նրանց Սփյուռքի նախարարության կողմից իրականացվող ծրագրերի մասին:
Գ. Գյանջումյանը ներկայացրեց Նախարարության կողմից իրականացվող «Արի տուն», «Իմ Հայաստան», «Ամառային դպրոց» և մյուս համահայկական ծրագրերը, որոնց յուրաքանչյուր տարի մասնակցում է շուրջ 3500 սփյուռքահայ երիտասարդ: Ս. Մկոյանը խոսեց Սփյուռքահայ ուսանողների խորհրդի գործունեության և առաքելության մասին: Խորհուրդն ստեղծվել է 2010թ.-ին Սփյուռքի նախարարության կողմից, գործունեության 8 տարիների ընթացքում իրականացրել 300-ից ավել ծրագրեր՝ դասընթացներ, սեմինարներ, մշակութային հանդիպումներ, համերգներ, հոգեբանական, իրավական բնույթի տարբեր նախաձեռնություններ ու միջոցառումներ: Ուսանողներն իրենց հուզող հարցերն ուղղեցին նախարարության ներկայացուցիչներին՝ ստանալով դրանց պատասխանները:
Նշենք, որ Ագրարային համալսարանում սովորում է 60 սփյուռքահայ ուսանող Ջավախքից, Լիբանանից, Սիրիայից և Ռուսաստանից: Նրանց մեծ մասը Ջավախքից է: Ի տարբերություն հայաստանյան մի քանի այլ պետական բուհերի՝ Ագրարային համալսարանում վարձավճարները բոլոր ուսանողների համար՝ թե՛ հայ, թե՛ սփյուռքահայ և թե՛ արտասահմանցի, հավասար են: «Բոլորը հավասարապես ստանում են նույն կրթությունը, հետևաբար պետք է վճարեն հավասար, ոչ թե՝ ավել կամ պակաս»,-նշեց Յու. Մարմարյանը՝ հավելելով, որ սոցիալապես անապահով, լավ սովորող և կարգապահ ուսանողներին համալսարանը մշտապես փորձում է աջակցել իր հնարավորությունների սահմաններում:
Ագրարայինում սովորող, ոչ տեղաբնակ ուսանողները չունեն նաև կեցության խնդիր, քանի որ համալսարանը հանրապետության միակ բուհն է, որը պահպանել է դեռևս Խորհրդային տարիներին կառուցված ուսանողական հանրակացարանը, որտեղ Ագրարայինի ուսանողները կարող են ապրել՝ վճարելով ամսական ընդամենը 3000 դրամ: Բուհը յուրաքանչյուր աշխատանքային առավոտ կազմակերպում է նաև նրանց անվճար ուղևորափոխադրումը հանրակացարանից համալսարան:
Սփյուռքի նախարարությունը նման հանդիպումներ իրականացնում է նաև այլ բուհերի հետ: Նախարարության հետ կապը ամրապնդելու համար յուրաքանչյուր բուհից ընտրվում են սփյուռքահայ ուսանողներ, ովքեր պետք է պարբերաբար այցելեն նախարարություն, հանդիպեն Սփյուռքի նախարարի հետ՝ դառնալով կապող օղակ նախարարության և իրենց համալսարանի սփյուռքահայ ուսանողների միջև: Ագրարային համալսարանից ուսանողների առաջարկով ընտրվեց երկու ներկայացուցիչ՝ «Ֆինանսներ և վարկ» մասնագիտւթյան երրորդ կուրսի ուսանող Ժորա Մանուկյանը և «Ագրոբիզնես և շուկայաբանություն» մասնագիտության երկրորդ կուրսի ուսանող Սիմոն Չնավայանը:
Նախարարության ներկայացուցիչները կոչ արեցին բոլոր ուսանողներին ակտիվորեն ընդգրկվել առաջարկվող երիտասարդական, ուսանողական, կրթամշակութային տարբեր ծրագրերում, քանի որ ուսանողական կյանքը միայն համալսարան գալ և տուն վերադառնալը չէ, պետք է այդ կյանքն ապրել բուռն և լիարժեք:
Հանդիպման վերջում Յու. Մարմարյանը համալսարանի և ուսանողների անունից շնորհակալություն հայտնեց հյուրերին՝ նշելով, որ իր աշխատանքային գործունեության 30-40 տարիների ընթացքում առաջին անգամն է, որ սփյուռքահայ ուսանողների հետ նման հանդիպում է կազմակերպվել: «Լիահույս եմ, որ այսօրվանից սկզբնավորվող համագործակցությունը լինելու է շարունակական և արդյունավետ: Հայաստանի ազգային ագրարային համալսարանը մշտապես պատրաստ է աջակցել սփյուռքահայ ուսանողների համար կազմակերպվող տարբեր ծրագրերին»,-խոսքը եզրափակեց պրոռեկտորը:
Նազելի Ավագյան

 

Վերապատրաստման կամ դասավանդման հնարավորություն Հունաստանում

Մրցույթ գերմաներենի դասախոսների համար

Մեկնարկեց երկու և ավելի անչափահաս երեխա ունեցող ուսանողների ուսման վարձավճարների փոխհատուցման ծրագիրը

Մեկնարկեց երկու և ավելի անչափահաս երեխա ունեցող ուսանողների ուսման վարձավճարների փոխհատուցման ծրագիրը 

Հիմք ընդունելով Հայաստանի Հանրապետության կառավարության 2018 թվականի դեկտեմբերի 13-ի որոշումը, Հայաստանի երիտասարդական հիմնադրամի և ՀՀ կրթության և գիտության նախարարության միջև կնքված նվիրաբերության պայմանագրի շրջանակներում սույն թվականի փետրվարի 11-ից մարտի 1-ը հայտարարում է ՀՀ մասնակցությամբ հիմնված բարձրագույն ուսումնական հաստատությունների անվճար համակարգում չընդգրկված երկու և ավելի անչափահաս երեխա ունեցող առկա ուսուցմամաբ բակալավրի կրթական ծրագրում ընդգրկված ուսանողների ուսման վարձավճարների փոխհատուցման նպատակով փաստաթղթերի ընդունելություն:

...
ԱԳՐՈԼՈՒՐ

Իրադարձությունների օրացույց

Փետրվար 2019
Կիր Երկ Երք Չրք Հնգ Ուբթ Շբթ
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 1 2

Գրանցվեք նորությունների համար

10