hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը


Հայաստան-Սփյուռք 5-րդ համահայկական 
համաժողով

Սեպտեմբերի 19-ից 20-ը Ալ. Սպենդիարյանի անվան օպերայի և բալետի ազգային ակադեմիական թատրոնում ՀՀ սփյուռքի նախարարության նախաձեռնությամբ տեղի ունեցավ Հայաստան-Սփյուռք 5-րդ համահայկական համաժողովը, որին իրենց մասնակցությունն էին բերել աշխարհի շուրջ 60 երկրների հայկական կազմակերպությունների ու կառույցների ներկայացուցիչներ: Համաժողովի բացման օրը ելույթներ ունեցան ՀՀ վարչապետ Հ. Աբրահամյանը, Լեռնային Ղարաբաղի Հանրապետության նախագահ Բակո Սահակյանը, Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ն, Ն.Ս.Օ.Տ.Տ. Արամ Ա Մեծի Կիլիկիո Կաթողիկոսը, ՀՅԴ բյուրոյի ներկայացուցիչ Հրանտ Մարգարյանը, ՀՀԿ և ՌՀՄ նախագահ Արա Աբրահամյանը և ուրիշներ: Բոլոր ելույթ ունեցողներն էլ, անդրադառնալով Հայոց Ցեղասպանության 100-րդ տարելիցին, ընդգծեցին այն հսկայածավալ աշխատանքի մասին, որ տարվում է Հայաստան-Արցախ-Սփյուռք եռամիասնության կողմից միջազգային հանրության դիրքորոշումը Հայոց Ցեղասպանության միջազգային ճանաչմանն ուղղելու կապակցությամբ:

«Հայոց Ցեղասպանության 100-րդ տարելիցին ընդառաջ մենք իրավունք չունենք անտարբեր մնալ ազգի բռնաբարված արժեքների նկատմամբ: Յուրաքանչյուր հայ պարտավոր է իր ներդրումը բերել ցեղասպանության ճանաչման, դատապարտման և հետևանքների վերացման ճշմարիտ և ազնիվ պայքարին»,-իր ելույթում նշեց Արամ Ա Մեծի Տանն Կիլիկիո Կաթողիկոսը:

Լիագումար 2-րդ նիստում զեկուցումներով հանդես եկան ՀՀ Սփյուռքի նախարար Հ. Հակոբյանը, ՀՀ ԳԱԱ Հայոց ցեղասպանության թանգարան-ինստիտուտի տնօրեն և միաժամանակ Հայոց Ցեղասպանության 100-րդ տարելիցին նվիրված միջոցառումները համակարգող պետական հանձնաժողովի նախագահ Հայկ Դեմոյանը, սիրիահայերի հետ տարվող աշխատանքները համակարգող աշխատանքային խմբի ղեկավար, ՀՀ սփյուռքի նախարարության աշխատակազմի ղեկավար Ֆիրդուս Զաքարյանը և Լրագրողների համահայկական համաժողովները համակարգող մարմնի նախագահ, «Ազդակ» օրաթերթի գլխավոր խմբագիր Շահան Գանտահարյանը:

Հայոց Ցեղասպանության 100-րդ տարելիցին նվիրված Հայաստան-Սփյուռք 5-րդ համահայկական համաժողովի մասնակիցները հանդիպումներ ունեցան ՀՀ պաշտպանության նախարար Սեյրան Օհանյանի, ՀՀ արտգործնախարար Էդվարդ Նալբանդյանի հետ, այցելեցին Մայր Աթոռ Սուրբ Էջմիածին, Եռաբլուր, որից հետո Կ. Դեմիրճյանի մարզահամերգային համալիրում մասնակցեցին ՀՀ Նախագահի՝ Անկախության օրվան նվիրված ընդունելությանը: ՀՀ Նախագահը, անդրադառնալով Հայոց Ցեղասպանության 100-րդ տարելիցին, մասնավորապես ընդգծեց. «2015թ. մենք ազգովի ոգեկոչելու ենք Հայոց Ցեղասպանության 100-րդ տարելիցը: Այն վերստին հաստատելու է հայրենազրկված հայ ժողովրդի՝ ապրելու և արարելու, հարատևելու կամքն ու վճռականությունը, փաստելու է մեր միասնականության, ազգային իղձերի իրականացման մեր հետևողականությանը: 2015 թվականը քաղաքական լուրջ նախաձեռնությունների և ձեռքբերումների տարի պետք է դառնա Հայաստան-Սփյուռք-Արցախ եռամիասնության համար»:

 

Դրամաշնորհային ծրագիր

Ուսումը Արևմտյան Ատտիկայի համալսարանում շարունակելու հնարավորություն

Ուսումը Արևմտյան Ատտիկայի համալսարանում շարունակելու հնարավորություն

Erasmus+ ՀԳ1 «Միջազգային կրեդիտային շարժունություն» ծրագրի շրջանակում ՀԱԱՀ-ն հայտարարում է մրցույթ Արևմտյան Ատտիկայի համալսարանում (Աթենք, Հունաստան) ուսումը 3 ամսով շարունակելու համար (1 ուսանող): Մրցույթին կարող են մասնակցել Ագրոբիզնեսի և տնտեսագիտության, Ագրարային ճարտարագիտության ֆակուլտետների, ԱՈՒԿ-ի բակալավրիատի 2-րդ, 3-րդ և 4-րդ կուրսի ուսանողները և ասպիրանտները/հայցորդները:
Մրցույթին մասնակցելու համար պետք է

...

ՀԱՅՏԱՐԱՐՈՒԹՅՈՒՆ

ԱԳՐՈԼՈՒՐ

Իրադարձությունների օրացույց

Հոկտեմբեր 2019
Կիր Երկ Երք Չրք Հնգ Ուբթ Շբթ
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Գրանցվեք նորությունների համար

10