hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Երեքշաբթի, Սեպտեմբեր 10

Ակնկալվող համագործակցության նոր, անսպասելի հասցե՝ Աֆղանստան

Սեպտեմբերի 9-ին Ագրարային համալսարանը հյուրընկալել էր Աֆղանստանի Իսլամական Հանրապետության ագրարային բուհերից և մասնավոր հատվածից 12 ներկայացուցչի: Բուհի հետ ծանոթությունը սկսվեց Ագրոբիզնեսի դեպարտամենտից և Ագրոբիզնեսի հետազոտությունների և կրթության

միջազգային կենտոնից (ICARE): Կենտրոնի տնօրեն Արթուր Գրիգորյանի օգնությամբ հյուրերը մանրամասնորեն եւ հետաքրքրությամբ ծանոթացան Հայաստանում յուրօրինակ այս ուսումնագիտական հաստատության մոդելին, ձեռքբերումներին, գործունեության ոլորտներին:
Այնուհետեւ ընդհանուր հարցերով պրոռեկտոր Հրաչյա Զաքոյանը հյուրերին ուղեկցեց ՀԱԱՀ պատմության թանգարան: Նրանք հետաքրքրությամբ դիտում-դիտարկում էին հին ու նոր ցուցանմուշները, ակնհայտորեն համեմատելով, զուգահեռներ անցկացնելով իրենց եւ մեր ավանդույթների, սովորույթների միջեւ:

ՀԱԱՀ ռեկտորատի դահլիճում կարիերայի եւ շարունակական կրթության բաժնի վարիչ Լիանա Վարդանյանը շատ հակիրճ, բայց համընդգրկուն ներկայացրեց բուհի ստարաբաժանումները, կիրառական հմտություններ սերմանալու հարցում անփոխարինելի՝ ուսումնափորձնական տնտեսության ընձեռած լայն հնարավորությունները, տեսանելի ապագայում ակնկալվող նորությունները՝ ժամանակակից ջերմատան ստեղծում, քիմիայի լաբորատորիաների, գնահատման եւ թեստավորման կենտրոնի հիմնում, որոնց շինարարական աշխատանքները սկսված են: Վերջինը՝ կենտրոնի ստեղծումը, հատկապես հետաքրքրեց հյուրերին, եւ նրանց հարցերին հիմնավոր պատասխաններ տվեց պարոն Զաքոյանը. «Ի տարբերություն նախկինի, որ գնահատականն էր կարեւոր, հիմա՝ գիտելիքն է առաջնահերթություն: Գնահատականի համար պայքարողներին փոխարինելու է գալիս գիտելիքի համար ջանացող սերունդը»:

Աֆղանստանցի մեր գործընկերներին հետաքրքրում է հատկապես ագրոբիզնեսի ուսուցման մոդելը, սննդամթերքի արտադրության՝ շոկոլադ, պահածոյացում եւ այլն, հայաստանյան փորձը: Պաշտոնական հանդիպումներից հետո, արդեն գիտնականները (մեր կողմից օրինակ՝ պրոֆեսոր Հունան Ղազարյանը) բավականին երկար խոսում ու քննարկում էին երկրագործության առանձնահատկությունները ընդհուպ մինչեւ տեղումների տարեկան միջին ցուցանիշներ, հողատեսքեր, գոտիականություն… Նորահայտ գործընկերների հետ վերլուծության, քննարկման ենթակա հարցեր` որքան կամենաք:
Պարոն Զաքոյանը ՀԱԱՀ-ի ռեկտորի անունից գոհունակությամբ ընդունեց աֆղանստանցի գործընկերների` համագործակցության առաջարկը եւ հավաստիացրեց, որ մեր համալսարանը պատրաստակամ է Աֆղանստանի համալսարանների և մասնավոր հատվածի կազմակերպությունների հետ կնքել փոխըմբռնման հուշագիր, որը կներառի ուսանողների ու դասախոսների փոխանակում, համատեղ հետազոտական նախագծերի իրականացում` միջազգային կազմակերպությունների ներգրավմամբ: Հանդիպումը ցույց տվեց, որ արդյունավետ գործակցության ու գործընկերության համար կան հնարավորություններ:

 

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կալիֆոռնիայի Լա Վերնե համալսարանը (University of La Verne) առաջարկում է ամառային և ձմեռային կարճաժամկետ բիզնես դասընթացներ, որոնց մասնակցելու համար հնարավոր է դիմել կրթաթոշակի: Կրթաթոշակը կարող է ծածկել ծախսերի մինչև 70%-ը:
Կրթաթոշակին դիմելու վերջնաժամկետը ս/թ սեպտեմբերի 22-ն է: Դիմումը լրացնելու համար անհրաժեշտ է անցնել
հետևյալ հղումով: Դիմումին կից ուսանողները պետք է ներկայացնեն նաև CV և տեղեկանք համալսարանից:
(Մանրամասն տեղեկություններ կարող եք գտնել այստեղ:

...

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...

Նիդեռլանդների կրթաթոշակային ծրագիր 2020

Նիդեռլանդների կրթաթոշակային ծրագիր 2020

Orange-Knowledge-Programme-in-the-Netherlands-2Նիդեռլանդների կառավարության կողմից տրամադրվող Orange Knowledge Programme (OKP) կոչվող կրթաթոշակային ծրագրի շնորհիվ Հայաստանի ակադեմիական ոլորտի ներկայացուցիչները կարող են հնարավորություն ստանալ մասնակցելու Ջրային կրթության Դելֆտի համալսարանի 2020 թվականի մագիստրոսական ծրագրերին և կարճաժամկետ դասընթացներին:
Կարճաժամկետ դասընթացներին մասնակցելու համար կրթաթոշակային ծրագրին դիմելու վերջնաժամկետը ս.թ. սեպտեմբերի 23-ն է: Մանրամասն տեղեկություններ կարող եք ստանալ՝ անցնելով
հետևյալ հղմամբ: Մագիստրոսական ծրագրերի հայտադիմումների ընդունումն սկսվելու է ս.թ. հոկտեմբերի 15-ին, իսկ կրթաթոշակային ծրագրին դիմելու վերջնաժամկետը 2020 թվականի փետրվարի 23-ն է: Մանրամասն տեղեկություններ կարող եք գտնել անցնելով հետևյալ հղմամբ:
Ջրային կրթության Դելֆտի համալսարանի բոլոր կրթական ծրագրերին կարող եք ծանոթանալ՝ այցելելով պաշտոնական կայք և ներբեռնելով ուղեցույցը

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10