hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Հուլիս 10

Լոռու մարզպետի այցը ՀԱԱՀ-ի Վանաձորի մասնաճյուղ 

Հայաստանի ազգային ագրարային համալսարանի Վանաձորի մասնաճյուղում օրերս ճանաչողական այցով հյուրընկալվեց ՀՀ Լոռու մարզպետ Անդրեյ Ղուկասյանը՝ մարզպետարանի այլ պաշտոնատար անձանց հետ միասին: Մասնաճյուղի տնօրեն գ.գ. դոկտոր, պրոֆեսոր Ալեքսանդր Հակոբյանը շրջայցի ընթացքում մարզի ղեկավարին

ծանոթացրեց մասնաճյուղի ստեղծման պատմությանը, շենքային պայմաններին, նյութատեխնիկական հնարավորություններին, ուսումնական գործընթացի եւ արտադրական պրակտիկաների կազմակերպմանը՝ հանգամանորեն ներկայացնելով տարիների ընթացքում ստեղծված ձեռքբերումները: Հյուրերը ծանոթացան մասնաճյուղի լաբորատոր-լսարանային պայմաններին, եղան գրադարան-ընթերցասրահում, մարզասրահում, խորհրդակցությունների դահլիճում, աշխատասենյակներում: Մարզի ղեկավարն ականատես եղավ «խելացի» լսարաններում ինտերակտիվ գրատախտակների կիրառությանը, հողերի և ջրերի հետազոտությունների, անասնաբուժական-սանիտարական փորձաքննության և սննդի անվտանգության լաբորատորիաներում իրականացվող փորձերին: Այցը շարունակվեց գիտաժողովների դահլիճում, որտեղ հյուրերը դիտեցին ՀԱԱՀ-ի եւ Վանաձորի մասնաճյուղի մասին պատմող, ինչպես նաեւ գյուղատնտեսության ոլորտի մասնագիտությունները լուսաբանող տեսահոլովակներ:

Այնուհետեւ մարզպետը հանդիպեց բուհի պրոֆեսորադասախոսական կազմի հետ՝ անմիջական զրույց ծավալելով ներկաների հետ: «Ես հաճելիորեն զարմացած եմ,-իր խոսքն այսպես սկսեց մարզի ղեկավարը. - բուհի շեմից արդեն իսկ պարզ է դառնում, թե որքան ջանացավ է թե՛ տնօրենի, թե՛ աշխատակազմի վերաբերմունքը իրենց ուսումնական հաստատության նկատմամբ: Մեր իրականության մեջ այսօր քիչ են համանման բուհերը, որտեղ ամեն բան այսքան լավ եւ ճիշտ է կազմակերպված»: Արժեւորելով գյուղատնտեսության զարգացման մեջ արհեստավարժ, բանիմաց մասնագետների դերը՝ մարզի ղեկավարն առանձնակիորեն շեշտադրեց վանաձորյան ագրոբուհի կարեւորությունը: Նա շնորհակալություն հայտնեց պարոն Հակոբյանին եւ նրա ղեկավարած հանրույթին՝ կարճ ժամանակում նման բարձրակարգ պայմաններ ստեղծելու, բուհը ժամանակակից ուսումնական լաբորատորիաներով ու տեխնոլոգիաներով հագեցնելու եւ այդ ամենն աչքի լույսի պես պահելու համար:

Մարզի ղեկավարը նաեւ իր պատրաստակամությունը հայտնեց աջակցել Վանաձոր մասնաճյուղին՝ առավել մեծ ճանաչելիության ձեռք բերելու եւ այլ հարցերում: Շնորհակալություն հայտնելով մարզպետին ուշադրության համար՝ մասնաճյուղի տնօրենն ընդգծեց մարզպետարան-բուհ փոխգործակցության կարեւորությունը մարզի գյուղատնտեսության ոլորտի զարգացման գործում: Հանդիպման վերջում Ալեքսանդր Հակոբյանը բուհերի գյուղատնտեսական մասնագիտությունների ուսանողների համար իր հեղինակած «Երկրագործություն հողագիտության հիմունքներով» դասագիրքը նվիրեց պարոն Ղուկասյանին՝ միշտ հյուրընկալելու պատրաստակամությամբ:

Աննա Խառատյան
ՀԱԱՀ –ի Վանաձորի մասնաճյուղի մեթոդիստ

 

Մրցույթ՝ Պորտուգալիայի Մինhոյի համալսարանում ուսումը շարունակելու նպատակով

Դասընթաց գյուղում չիրացվող բիզնես ռեսուրսների մասին

Կներկայացվի «Մենդելեևի պարբերական համակարգը 150 տարեկան է» դասախոսությունը

Կներկայացվի «Մենդելեևի պարբերական համակարգը 150 տարեկան է» դասախոսությունը

Հոկտեմբերի 16-ին, ժ. 14:30-ին 2-րդ մասնաշենքի 337 լսարանում տեղի կունենա ակադեմիկոս Յուրի Հովհաննիսյանի «Դ. Ի. Մենդելեևի քիմիական տարրերի պարբերական համակարգը 150 տարեկան է» թեմայով դասախոսության ներկայացումը, որը նա կարդացել է ԵՊՀ ֆիզիկայի ֆակուլտետի 60-ամյակին նվիրված գիտաժողովում:
Զեկուցումը կներկայացնի ՀԱԱՀ-ի Ընդհանուր քիմիայի ամբիոնի պրոֆեսոր Օլեգ Քամալյանը:

...
ԱԳՐՈԼՈՒՐ

Իրադարձությունների օրացույց

Հոկտեմբեր 2019
Կիր Երկ Երք Չրք Հնգ Ուբթ Շբթ
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Գրանցվեք նորությունների համար

10