hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Հունվար 10

«Ոսկե հասկ» 11-րդ մրցանակաբաշխություն

Հայաստանի ազգային ագրարային համալսարանում արդեն 11-րդ անգամ տարին ամփոփվում է ավանդույթ դարձած «Ոսկե հասկ» մրցանակաբաշխությամբ, որն ասես ամբողջ տարվա «հունձքն» ամբարելու և դրանից լավագույն ոսկե հասկերն ընտրելու խորհուրդ ունի:

Մրցանակաբաշխությանը ներկա էին ՀՀ գյուղատնտեսության փոխնախարար Ռոբերտ Մակարյանը, Հայաստանի երիտասարդական հիմնադրամի հոգաբարձուների խորհրդի համակարգող, ՀՀ Ազգային ժողովի պատգամավոր Կարեն Ավագյանը, համալսարանի պրոֆեսորադասախոսական կազմը, ուսանողներ, շրջանավարտներ, հյուրեր: Մրցանակաբաշխությունը նախաձեռնել էին ՀԱԱՀ ռեկտորատը և ուսանողական խորհուրդը՝ Հայաստանի երիտասարդական հիմնադրամի աջակցությամբ ՝ նպատակ ունենալով գնահատել և խրախուսել տարվա ընթացքում համալսարանի ուսումնագիտական, արտադրական, ուսանողական ու հասարակական ոլորտներում ակտիվ մասնակցություն և նշանակալի ներդրում ունեցած անձանց ու կառույցներին: «Ոսկե հասկ»-ում այս տարի ներկայացված էր 10 անվանակարգ, որից 3-ն՝ առաջին անգամ:

«Լավագույն գիտահետազոտական աշխատանք» անվանակարգում հաղթող ճանաչվեց Տնտեսագիտական ֆակուլտետի «Ագրարային արտադրության էկոնոմիկա և կառավարում» մասնագիտության 4-րդ կուրսի ուսանող Հովհաննես Ասատրյանը, ում աշխատանքը վերջերս ներկայացվել է նաև Կուբայի համալսարանում: Համալսարանի«Լավագույն կառուցվածքային ստորաբաժանում»անվանակարգում հաղթող ճանաչվեց ՀԱԱՀ հաշվապահությունը, «Լավագույն ամբիոն»՝ Բարձրագույն մաթեմատիկայի և տեսական մեխանիկայի ամբիոնը, «Լավագույն ֆակուլտետ»՝ Անասնաբուժական բժշկագիտության և անասնաբուծության ֆակուլտետը, իսկ «Լավագույն ֆակուլտետային ուսանողական խորհուրդ»՝ Ագրոնոմիական ֆակուլտետի ուսանողական խորհուրդը: 2017թ. Ագրարային համալսարանի «Լավագույն գործընկեր կազմակերպություն»-ը «Հովսեփյանների մսի պահածոների գործարան»-ն է, «Լավագույն կուրս»-ը՝ Պարենամթերքի տեխնոլոգիաների ֆակուլտետի «Գյուղատնտեսական հումքի և պարենամթերքի փորձաքննություն, ստանդարտացում և սերտիֆիկացում» մասնագիտության 4-րդ կուրսը:

«Ոսկե հասկ» մրցանակ շնորհվեց «Օգնություն ֆերմերներին» ձեռնարկի աշխատանքային խմբին՝ որպես «Գյուղատնտեսության վարման քաղաքականության մշակման լավագույն աշխատանքային խումբ»: Երիտասարդ հետազոտողներին ոգեշնչելու համար այս տարի առաջին անգամ մրցանակ շնորհվեց «Երիտասարդ հետազոտող»անվանակարգում, որին արժանացավ Բուսաբուծական մթերքների վերամշակման ամբիոնի դասախոս Նարինե Հովսեփյանը:

«Ոսկե հասկ» -ի 11-ամյա պատմության մեջ առաջին անգամ էր նաև «Համալսարանի հետ համագործակցող շրջանավարտների լավագույն կուրս» անվանակարգը, որին արժանացավ Հայկական գյուղատնտեսական ինստիտուտի «Գյուղատնտեսության մեքենայացում» մասնագիտության 1992թ. շրջանավարտների կուրսը: Կուրսի 125 շրջանավարտներից ավելի քան 25-ը ներկա էին միջոցառմանը: ՀԱԱՀ ռեկտոր, ՀՀ ԳԱԱ իսկական անդամ Արշալույս Թարվերդյանը, մրցանակը հանձնելով կուրսի ներկայացուցիչներին, նշեց. «Ագրարային համալսարանի լավագույն վարկանիշի երաշխիքներից մեկն էլ նրա շրջանավարտներն են: Իր գործունեության 87 տարիների ընթացքում համալսարանը տվել է շուրջ 70.000 շրջանավարտ, ովքեր իրենց ներդրումն են ունեցել երկրի գյուղատնտեսության և ագրարային ոլորտի զարգացման մեջ: Այս կուրսի շրջանավարտների 35%-ը գերազանցիկներ էին և այսօր էլ, գերազանց գործունեություն ծավալելով Հայաստանի և աշխարհի ծայրերում, ժամանակ են գտնում տարին մեկ անգամ հավաքվելու և համալսարան այցելելու համար»: Կուրսի ներկայացուցիչները շնորհակալություն հայտնեցին պարտավորեցնող մրցանակի համար՝ ներկայիս ուսանողներին հորդորելով մշտապես պահել սերտ կապը հարազատ բուհի հետ:

Միջոցառման տոնական տրամադրությունն ապահովեցին հայկական ժողովրդական և էստրադային երգիչ-երգչուհիներ Սոնա Ռոբենյանը, Դավիթ Սասունցին, Սոֆի Մխեյանը, Սյուզաննա Մելքոնյանը, տարբեր պարային համույթներ: Ամփոփելով մրցանակաբաշխությունն ու օրացուցային տարին՝ ռեկտոր, ՀՀ ԳԱԱ իսկական անդամ Ա. Թարվերդյանը նախ շնորհավորեց մրցանակակիրներին, ապա բոլորին՝ գալիք տոների առթիվ. «Մաղթում եմ ձեր ընտանիքներում առողջություն, երջանկություն ու հաջողություն, որոնք կարևոր երաշխիք են թե՛ ուսանողերի, թե՛ աշխատակիցների համար՝ համալսարանում իրենց առաքելությունը լավագույնս կատարելու գործում»:

Նազելի Ավագյան

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10