hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Երկուշաբթի, Դեկտեմբեր 04

Կրկնակի դիպլոմներ՝ ՀԱԱՀ-ի «Ագրարային մենեջմենթ» մագիստրոսական միջազգային ծրագրի շրջանավարտներին 

Հայաստանի ազգային ագրարային և Գերմանիայի Վայհենշտեֆանի կիրառական գիտությունների համալսարանների միջև դեռևս 2000-ին մեկնարկած «Ագրարային մենեջմենթ» միջազգային կրթական ծրագիրը հասել է նոր փուլի: Այսուհետ այս ծրագրի շրջանավարտները կստանան կրկնակի դիպլոմներ:

ՀԱԱՀ ռեկտոր, ՀՀ ԳԱԱ իսկական անդամ Արշալույս Թարվերդյանն այս մասին օրերս պայմանավորվածություն է ձեռք բերել Գերմանիա կատարած աշխատանքային այցի շրջանակներում`ՎԿԳՀ-ի միջազգային համալսարանների «Ագրարային մենեջմենթ» մագիստրոսական ցանցի համակարգող, պրոֆեսոր Ռալֆ Շլաուդերերի հետ ունեցած հանդիպման ընթացքում: Ամփոփելով հիշյալ, ինչպես նաեւ «Ագրարային մենեջմենթ» միջազգային մագիստրոսական ծրագրի գործընկեր համալսարանների կատարած համատեղ աշխատանքները՝ պրոֆեսոր Շլաուդերերն առանձնապես բարձր եւ արդյունավետ է գնահատել երկարամյա գործակցությունը՝ նշելով, որ ծրագրի անդամ հետխորհրդային 20 համալսարանների շարքում առաջինը ՀԱԱՀ-ն է բավարարում ներկայացվող պահանջները: 

«Ագրարային մենեջմենթ» ծրագիրն իրականացվում է արդեն 17 տարի, նախ «Գերմանական միջազգային/տեխնիկական համագործակցության» (GIZ/GTZ), իսկ այժմ արդեն «Գերմանական ակադեմիական փոխանակման ծառայության» (DAAD) աջակցությամբ: Այս ժամանակահատվածում ՀՀ-ից շուրջ 60 մագիստրանտ Գերմանիայում ստացել է միջազգային չափանիշներին համապատասխան բարձրորակ կրթություն եւ անցել աշխատանքի՝ հայրենիքում եւ արտերկրի միջազգային, հեղինակավոր կազմակերպություններում: Իսկ ՀԱԱՀ-ի շուրջ 120 մագիստրանտ, Վայհենշտեֆանի կիրառական գիտությունների համալսարանում անցնելով գյուղատնտեսական ուսումնաարտադրական պրակտիկա, շարունակել է ուսումը ՀԱԱՀ-ում կամ ՎԿԳՀ-ում: Համագործակցության ընթացքում երկու բուհի ուսանողների եւ աշխատակիցների համար իրականացվել են փորձի փոխանակման եւ ճանաչողական փոխայցելություններ, ՎԿԳՀ-ի բազթմաթիվ պրոֆեսորներ դասախոսություններ են կարդացել ՀԱԱՀ-ում եւ հակառակը: ՀԱԱՀ-ի մագիստրատուրայում «Ագրարային մենեջմենթ» մասնագիտությամբ ծրագրի ուսուցումը մինչև 2011թ. իրականացվում էր հայերեն, ներկայումս դրան զուգահեռ գործում է նաեւ գերմանալեզու կուրսը, որտեղ մրցութային կարգով տարեկան ընդունվում է բակալավրիատի համակարգի 12-15 շրջանավարտ: Ընդսմին, գերմաներենի դասընթացների կազմակերպումը դյուրացնում է լեզվի իմացության մակարդակի բարձրացումը: 2016թ. ծրագրի կարևորագույն ձեռքբերումը միջազգային հավատարմագրումն էր, որից հետո սկսվեցին քնարկումներ՝ շրջանավարտներին կրկնակի դիպլոմներ շնորհելու հարցի շուրջ:

Այժմ Ագրարային համալսարանը ստեղծում է ուսումնագիտաարտադրական կենտրոն, որի համար որպես լավագույն օրինակ դիտարկվել է Վայհենշտեֆան-Թրիսդորֆի համալսարանի  փորձը: Գերմանացի գործընկերներն այս հարցում ևս կաջակցեն խորհրդատվությամբ, կմասնակցեն արտադրության աշխատողների վերապատրաստման, վարպետության բարձրացման կարևոր գործընթացներին:
Այս տարի եվրոպական գործընկեր համալսարանների միջոցով Ագրարայինն առաջին անգամ ունեցավ նաև ինստիտուցիոնալ կարողությունների զարգացմանն ուղղված միանգամից 2 նոր` Էրազմուս+, ՀԳ2 ծրագիր:
Դրանցից առաջինի գլխավոր համակարգողը հենց Վայհենշտեֆան-Թրիսդորֆի համալսարանն է: «Ագրարային ուսուցման ոլորտում տեսական ուղղվածությունից անցում դեպի գործնական կրթության» (TOPAS - From Theoretical-Oriented to Practical education in Agrarian Studies) նախագիծը 36 ամիս տեւողությամբ ծրագիր է (2017-2020 թթ.), որի նպատակն է լրացնել Ուկրաինայի, Հայաստանի եւ Ուզբեկստանի`նախկին ԽՍՀՄ-ից ժառանգած բարձրագույն կրթական համակարգերում գյուղատնտեսական գիտությունների ոլորտում առկա բացը, ներդնել և բարելավել կրթական վերջնարդյունքների վրա հիմնված մասնագիտական կողմնորոշման գործնական ծրագրեր: Կմշակվեն ագրարային կրթության այն գործիքները, որոնք կնպաստեն գործնական հմտությունների ձեռքբերմանն ուսուցման ընթացքում, և տեսության վրա հիմնված կրթությունից անցում կկատարվի գործնականին: Մասնակից երկրներն են՝ Գերմանիան, Ռումինիան, Լեհաստանը, Միացյա Թագավորությունը, Հայաստանը (ՀԱԱՀ եւ ԵՊՀ), Ուկրաինան և Ուզբեկստանը:

Նազելի Ավագյան

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10