hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Երեքշաբթի, Հուլիս 19

Ամառային դպրոց Վրաստանում. պատմում են մասնակիցները

Սույն թվականի հունիսի 27-ից հուլիսի 3-ը Վրաստանի ագրարային համալսարանում (Թբիլիսի) տեղի ունեցած «Սեզոնային անտառային դպրոց 2016» կարճաժամկետ վերապատրաստման ծրագրին Հայաստանի ազգային ագրարային համալսարանից մասնակցում էին «Անտառային տնտեսու-թյուն և բնակավայրերի կանաչապատում»

մասնագիտության 4-րդ կուրսի ուսանողուհի Նունե Բաղրամյանը և նույն մասնագիտության 2-րդ կուրսի ուսանող Արգիշտի Ստեփանյանը:
Ահա թե ինչ են պատմում նրանք.
Նունե Բաղրամյան. Ամառային դպրոցը տևեց մեկ շաբաթ: Մեր ժամանման առաջին իսկ րոպեների ջերմ ընդունելությունից հասկացանք, թե մարդիկ որքան բարեհամբույր են այստեղ: Նախապես մշակված ծրագրի համաձայն` մենք մասնակցեցինք դասախոսությունների, լաբորատոր աշխատանքների և տարբեր էքսկուրսիաների, որոնք անցկացվում էին անտառներում: Այստեղ էլ բազմաթիվ փորձերի հետ մեկտեղ կատարեցինք անտառգնահատման աշխատանքներ, որից ունեինք տեսական բավարար գիտելիքներ, բայց չունեինք անհրաժեշտ փորձ: Փորձի պակասն էլ լրացրինք ժամանակակից սարքավորումների և գործիքների օգնությամբ: Այդ կարճ ժամանակահատվածում հասցրինք շատ բան սովորել և բավականին փորձ ձեռք բերել: Դրան նպաստեցին նաև Եվրոպայի տարբեր երկրներից՝ Լեհաստանից, Իտալիայից, Գերմանիայից ժամանած դասախոսների՝ տեղեկատվությամբ հարուստ դասախոսությունները:
Ամառային դպրոցում ինձ շատ դուր եկավ շփումը տարբեր ազգերի ներկայացուցիչների հետ: Օգտվելով առիթից՝ այցելեցինք նաև Թբիլիսիի տեսարժան վայրեր, ծանոթացանք պատմական հուշարձաններին և վրացական մշակույթին:
Ամառային դպրոցում ձեռք բերեցի կարևոր փորձ և բազում ընկերներ:
Արգիշտի Ստեփանյան. Երևանից շուրջ 4 ժամվա հեռավորության վրա գտնվող և Հայաստանին սահմանակից միակ քրիստոնյա երկրում առաջին անգամ էի լինում, սակայն այնպիսի տպավորություն էր, որ հիրավի հարազատ երկրում եմ: Հետո իհարկե հասկացա, որ այդ զգացողության միակ «մեղավորը» երկու երկրների դարավոր բարեկամությունն ու մշակութային սերտ կապերն են:
Ամառային դպրոցի ամենաերիտասարդ մասնակիցն էի, ուստի շատ բան ունեի սովորելու այդ 1 շաբաթվա ընթացքում։ Եղան հետաքրքիր շատ դասախոսություններ, որոնցից մեկն էլ այն մասին էր, թե ինչ գործիքներ են ժամանակին օգտագործվել՝ գնահատելու անտառային ռեսուրսները և որքանով է դրանց ճշգրտության ցածր մակարդակի պատճառով տուժել գիտությունը: Ցավոք, մեր երկրում էլ դեռ օգտվում ենք հին գործիքներից, քանի որ ժամանակակից սարքերի ձեռքբերումը կապված է մեծ ծախսերի հետ: Բանախոսներից մեկն էլ, խոսելով շրջակա միջավայրի վրա մարդու ունեցած ազդեցության մասին, հետաքրքիր մի միտք արտահայտեց. «Անտառագիտությունը գիտություն չէ ծառերի մասին, այլ գիտություն` մարդու մասին»։
Բացի բովանդակալից և գիտական խորը դասախոսություններից՝ մենք հնարավորություն ունեցանք մեր տեսական գիտելիքները կիրառել նաև պրակտիկայում:
Ամառային դպրոցը, բացի մասնագիտական գիտելիքներից, ինձ տվեց նաև շատ ընկերներ, ինչպես նաև հնարավորություն՝ ավելի մոտիկից ծանոթանալու վրացական մշակույթին: Չեմ կարող չնշել հայերիս նկատմամբ վրացիների առանձնահատուկ վերաբերմունքը. միշտ ուշադիր էին, միշտ պատրաստ օգնելու ցանկացած հարցում:

Լուսինե Թովմասյան
Արտաքին կապերի դեպարտամենտ

 

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...

Նիդեռլանդների կրթաթոշակային ծրագիր 2020

Նիդեռլանդների կրթաթոշակային ծրագիր 2020

Orange-Knowledge-Programme-in-the-Netherlands-2Նիդեռլանդների կառավարության կողմից տրամադրվող Orange Knowledge Programme (OKP) կոչվող կրթաթոշակային ծրագրի շնորհիվ Հայաստանի ակադեմիական ոլորտի ներկայացուցիչները կարող են հնարավորություն ստանալ մասնակցելու Ջրային կրթության Դելֆտի համալսարանի 2020 թվականի մագիստրոսական ծրագրերին և կարճաժամկետ դասընթացներին:
Կարճաժամկետ դասընթացներին մասնակցելու համար կրթաթոշակային ծրագրին դիմելու վերջնաժամկետը ս.թ. սեպտեմբերի 23-ն է: Մանրամասն տեղեկություններ կարող եք ստանալ՝ անցնելով
հետևյալ հղմամբ: Մագիստրոսական ծրագրերի հայտադիմումների ընդունումն սկսվելու է ս.թ. հոկտեմբերի 15-ին, իսկ կրթաթոշակային ծրագրին դիմելու վերջնաժամկետը 2020 թվականի փետրվարի 23-ն է: Մանրամասն տեղեկություններ կարող եք գտնել անցնելով հետևյալ հղմամբ:
Ջրային կրթության Դելֆտի համալսարանի բոլոր կրթական ծրագրերին կարող եք ծանոթանալ՝ այցելելով պաշտոնական կայք և ներբեռնելով ուղեցույցը

...

Ֆուլբրայթի կրթաթոշակային ծրագրին դիմելու հնարավորություն

Ֆուլբրայթի կրթաթոշակային ծրագրին դիմելու հնարավորություն 

Հայաստանում Ամերիկայի Միացյալ Նահանգների դեսպանատունը հայտարարում է գիտաշխատողների համար նախատեսված Ֆուլբրայթի կրթաթոշակային ծրագրի մրցույթ 2020 -2021 ուսումնական տարվա համար: Ծրագիրը դրամաշնորհներ է տրամադրում օտարերկրյա գիտնականներին՝ ԱՄՆ բուհերում մեկ ուսումնական տարվա ընթացքում հետբուհական դոկտորանտուրայի հետազոտություն անցկացնելու համար:
Հետաքրքրված դիմորդները պետք է լրացնեն առցանց հայտը
այստեղ: Դիմելու վերջնաժամկետ՝ 2019 թվականի նոյեմբերի 8: 

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10