hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Ապրիլ 06

Բրազիլիայի դեսպանի այցը ՀԱԱՀ 

ՀԱԱՀ Արտաքին կապերի դեպարտամենտը շարունակում է ընդլայնել իր աշխարհա-գրությունը: Ապրիլի 5-ին ՀԱԱՀ էր ժամանել Բրազիլիայի Դաշնային Հանրապետության արտակարգ և լիազոր դեսպան Ն.Գ. պարոն Էդսոն Մարինյո Դուարտե Մոնտեյրոն: Նա հանդիպում ունեցավ ՀԱԱՀ ռեկտոր, պրոֆ. Ա.Թարվերդյանի հետ: Հանդիպման ընթացքում քննարկվեցին կրթության, գիտության և տեխնոլոգիաների ոլորտներում համագործակցության հնարավորությունները:

Բրազիլիայի դեսպանը նախ նշեց, որ գյուղատնտեսությունը Բրազիլիայի համար առանցքային նշանակություն ունեցող ճյուղ է, և այդ երկիրն աշխարհին հայտնի էր նախ շաքարեղեգով, ապա սուրճով և հետո մսամթերքներով, սոյայով, նարինջով և այլ մթերքներով: 2003թ. Բրազիլիայի նախագահ (այժմ՝ նախկին) Լուիս Իգնասիու Լուլա դա Սիլվան և արտգործնախարարը ձեռնամուխ եղան Բրազիլիայի կրթական և գիտական ոլորտների արդիականացմանը, որն առաջին հերթին արտահայտվեց շուրջ 55 երկրների հետ ինտենսիվ կրթագիտական կապերի և սեփական տեխնոլոգիաների ու նորարարությունների զարգացմամբ: Հատկապես նոր թափ ստացավ դեռևս 1973թ. երկրում ներդրված «EMBRAPA-Enterprise Brazil Agriculture» պետական ձեռնարկությունը, որի գործունեությունն ամբողջովին ուղղված է գյուղատնտեսական հետազոտությունների զարգացմանը: Այդ ծրագրի շրջանակներում բրազիլացի մասնագետները որակավորումներ անցան ԱՄՆ-ի, Եվրոպայի և Ասիայի առաջատար բուհերում և հետազոտական կենտրոններում և ապա իրենց փորձառությամբ նպաստեցին սեփական երկրի  գյուղատնտեսության զարգացմանը:
ՀԱԱՀ ռեկտոր, Ա.Թարվերդյանը նշեց ՀՀ գյուղատնտեսության ոլորտում ՀԱԱՀ-ի եզակի դերի, ինչպես նաև բուհի կրթական, գիտական ու արտադրական ձեռքբերումների մասին: Առանձնակի ներկայացվեցին ՀԱԱՀ-ում գործող հայ-ամերիկյան Ագրոբիզնեսի ուսուցման կենտրոնը, հայ-գերմանական Ագրարային մենեջմենթ միջազգային մագիստրոսական և ՀԱԱՀ-ի բազմաթիվ այլ միջազգային ծրագրերը (Տեմպուս, Էրասմուս Մունդուս, Էրասմուս+ և այլն): Ընդգծելով դրանց կարևորությունը` խոսեցին նաև ՀԱԱՀ-ի ուսումնա-արտադրական տնտեսությունների և ագրարային կրթական ու գիտական հնարավորությունների առկայության ու զարգացման մասին: «Լոկալ, պարփակված կրթությունը ո´չ անհրաժեշտ է և ո´չ էլ մրցունակ»,-ասաց ՀԱԱՀ ռեկտորը և հավելեց, որ բոլոր այս առումներով համագործակցությունը կենսական անհրաժեշտություն է: Պարոն Դուարտե Մոնտեյրոն նշեց, որ ՀՀ-ի հետ համագործակցության հեռանկար է բացվում: Այժմ նախապատրաստված են երկու երկրների միջև կրթական և տեխնիկական համագործակցության հուշագրերը, որոնք ստորագրելու համար առաջիկայում ՀՀ պետք է այցելի Բրազիլայի արտգործնախարարը: Այդ հուշագրի ստորագրումն ամուր հիմք կստեղծի ՀԱԱՀ-ի և Բրազիալիայի համապատասխան բուհերի միջև համագործակցության ծավալման համար:
ՀԱԱՀ-ն համագործակցության համար արդեն իսկ կապեր է ստեղծել Սան Պաուլոյի համալսարանի հետ: Դեսպանը նշեց, որ այդ հայտնի բուհի փոխնախագահներից մեկը բրազիլահայ է: Ներկայումս ՀՀ-ից Բրազիլիայում պայմանագրով թվով 8 պրոֆեսորներ են աշխատում ֆիզիկայի, քիմիայի, մաթեմատիկայի և այլ բնագավառներում: Ե´վ Բրազիլիայի դեսպանը, և´ ՀԱԱՀ ռեկտորը գոհունակություն հայտնեցին հանդիպաման արդյունքներից և պայմանավորվեցին համագործակցության հետագա քայլերի մասին:

Լուսինե Թովմասյան
Արտաքին կապերի դեպարտամենտ

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10