hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

Ագրարային ճարտարագիտության ֆակուլտետ

simonyan-armen

Դեկանի պաշտոնակատար՝

տեխ. գիտ. թեկ., դոցենտ Սիմոնյան Արման Ռոբերտի

Ագրարային ճարտարագիտության ֆակուլտետը ձևավորվել է ՀԱԱՀ հոգաբարձուների խորհրդի 2018 թվականի նոյեմբերի 6-ի նսիտի՝ համալսարանի կառուցվածքային փոփոխությունների արդյունքում՝ նախկին Գյուղատնտեսության մեքենայացման և ավտոմոբիլային տրանսպորտի ու Հիդրոմելիորացիայի, հողաշինարարության և հողային կադաստրի ֆակուլտետների միավորմամբ:  
Հայկական գյուղատնտեսական ինստիտուտի Գյուղատնտեսության մեքենայացման ֆակուլտետը կազմավորվել է 1942 թ.: Առաջին դեկանն է եղել Ա.Ա. Մաթևոսյանը: Հետագայում ֆակուլտետի դեկան են աշխատել Է.Ա. Մկրտումյանը, Ս.Ս. Սահակյանը, Զ.Ա. Մելքոնյանը, Գ.Գ. Աղաջանյանը, Հ.Վ. Մաքսապետյանը, Վ.Մ. Ատոմյանը, Գ.Մ. Կարապետյանը, Ծ.Ք. Քանքանյանը, Հ.Մ. Սարգսյանը: Հայկական գյուղատնտեսական ակադեմիայի հիմնադրումից հետո՝ 1994թ., Գյուղմեքենայացման և Հիդրոմելիորացիայի ֆակուլտետների միավորման արդյունքում, ձևավորվեց Ճարտարագիտական ֆակուլտետը, որը տարբեր տարիների ղեկավարել են Հ.Մ. Սարգսյանը, Ա.Ջ. Աղասարյանը, Ն.Ա. Բազիկյանը, Ա. Մ. Եսոյանը:
Իսկ Հիդրոմելիորացիայի ֆակուլտետը կազմավորվել է 1951թ. Հայկական գյուղատնտեսական ինստիտուտում: Հետագայում ֆակուլտետը մի քանի անգամ վերակազմավորվել և առանձնացվել է Գյուղատնտեսության մեքենայացման և տրանսպորտային փոխադրումների ֆակուլտետից: Ֆակուլտետը երկար տարիներ ղեկավարել է վաստակաշատ գիտնական և մանկավարժ, պրոֆեսոր Ս. Մ. Ղազարյանը, ապա Պ. Ս. Էֆենդյանը, Գ.Մ. Եղիազարյանը և Ա. Ա. Աղասարյանը: Տարիներ շարունակ Հիդրոմելիորացիայի, հողաշինարարության և հողային կադաստրի Ֆակուլտետը պատրաստել է միջազգային չափորոշիչներին համապատասխան մասնագետներ, որոնք մեծ պահանջարկ ունեն հանրապետության ժողովրդական տնտեսության բոլոր ճյուղերում:
Գյուղմեքենայացման ֆակուլտետում երկար տարիներ զբաղվել են Հայաստանում մշակաբույսերի համալիր մշակման և բերքահավաքի մեքենայացման աշխատանքներով, կերարտադրության և ֆերմաների մեքենայացման արդյունավետության բարձրացման, գյուղատնտեսության ավտոմատացման, լեռնային երկրագործության էներգախնայողական տեխնիկական միջոցների կատարելագործման, լեռնային պայմաններում աշխատող տրակտորային ագրեգատի դինամիկայի և տեխնոլոգիական բնութագրերի բարելավման, ավտոմոբիլների շահագործական հատկանիշների ուսումնասիրության, տրանսպորտային փոխադրումների արդյունավետության բարձրացման և անվտանգ երթևեկության կազմակերպման, գյուղատնտեսական մեքենաների հուսալիության բարձրացման հարցերով:
Երկու ֆակուլտետներում էլ գիտահետազոտական աշխատանքներ են տարվել մի քանի ուղղություններով. գյուղատնտեսական մշակաբույսերի ջրասպառման ռեժիմների ճշգրտում Պենման-Մոնթեյթ FAO-56 մեթոդով, արոտավայրերի ջրարբիացման հիմնախնդիրների ուսումնասիրություն, ոռոգելի հողատարածությունների ջրաաղային ռեժիմի կարգավորում, բազմաշերտ ջրատար հողաշերտերի դեպքում ստորերկրյա ջրերի հիդրոդինամիկական ռեժիմների հետազոտում, հողային պատվարների ֆիլտրացման և անհամասեռ գրունտներում հորիզոնական դրենաժների հաշվարկման մեթոդների կատարելագործում, և հողային պաշարների արդյունավետ օգտագործում, արտակարգ իրավիճակներում բնակչության անվտանգությունն ապահովող միջոցառումների մշակում և այլն: Երկու ֆակուլտետներում էլ ուշադրություն է դարձվել ուսանողների արտադրական հմտությունների ձեռք բերման հիմնախնդիրներին: Ուսումնաարտադրական պրակտիկաները կազմակերպվել են հանրապետության առաջատար գյուղացիական և գյուղացիական կոլեկտիվ տնտեսություններում, ոլորտի այլ ձեռնարկություններում:
Դասախոսների կողմից հրատարակվել են դասագրքեր, ուսումնական ձեռնարկներ, ինչպես նաև մենագրություններ, հանձնարարականներ, գիտական հոդվածներ և ուսումնամեթոդական աշխատանքներ:

Ագրարային ճարտարագիտության ֆակուլտետի կազմում ընդգրկված են հետևյալ 7 ամբիոնները`

Բարձրագույն մաթեմատիկայի և տեսական մեխանիկայի ամբիոն
Ավտոտրակտորների և գյուղատնտեսական մեքենաների ամբիոն
Գյուղատնտեսական մեքենաշինության, ավտոմատացման և տեխնիկայի շահագործման ամբիոն
Կենսագործունեության անվտանգության ամբիոն
Կիրառական մեխանիկայի և գրաֆիկայի ամբիոն
Ջրային ռեսուրսների կառավարման ամբիոն
Հողաշինարարության և հողային կադաստրի ամբիոն:

Ագրարային ճարտարագիտության ֆակուլտետը պատրաստում է ճարտարագետներ հետևյալ մասնագիտությունների գծով՝

Գյուղատնտեսության մեքենայացում, մեքենաներ և սարքավորումներ
Փոխադրումների և ճանապարհային երթևեկության կազմակերպում և կառավարում
Գյուղատնտեսության էլեկտրիֆիկացում և ավտոմատացում
Հողաբարելավում, հողային և ջրային պաշարների օգտագործում և հիդրոտեխնիկական կառուցվածքներ
Հողաշինարարություն, հողային կադաստր
Կենսագործունեության անվտանգություն:

 

Միջազգային գիտաժողով ՀԱԱՀ-ում «Բույսերի կենսատեխնոլոգիա՝ հանուն գյուղատնտեսության զարգացման» թեմայով

Միջազգային գիտաժողով ՀԱԱՀ-ում «Բույսերի կենսատեխնոլոգիա՝ հանուն գյուղատնտեսության զարգացման» թեմայով 

«Հայ-նորվեգական համագործակցություն բույսերի մոլեկուլային կենսաբանության և կենսատեխնոլոգիայի ոլորտում՝ հանուն գյուղատնտեսության զարգացման» նախագծի շրջանակում սեպտեմբերի 25-ին եւ 26-ին ՀԱԱՀ-ի փոքր դահլիճում տեղի կունենա «Բույսերի կենսատեխնոլոգիա՝ հանուն գյուղատնտեսության զարգացման» թեմայով միջազգային գիտաժողով։
Նախագծի ամփոփիչ հանդիպում-գիտաժողովի աշխատանքային լեզուն անգլերենն է։ Մանրամասներին կարելի է ծանոթանալ
այստեղ։ Գիտաժողովի ժամանակացույցին կարելի է ծանոթանալ այստեղ։

...

AutoCAD ծրագրակազմի ուսուցման դասընթացներ

AutoCAD ծրագրակազմի ուսուցման դասընթացներ 

ՀԱԱՀ-ի «Կիրառական մեխանիկայի և գրաֆիկայի» ամբիոնը կազմակերպում է AutoCAD ծրագրակազմի կարճաժամկետ ուսուցման անվճար դասընթացներ՝ ապագա շրջանավարտների մասնագիտական մրցունակությունն աշխատաշուկայում բարձրացնելու նպատակով:
Մասնակիցները կսովորեն՝
• Ինքնուրույն իրականացնել փորձարարական և նախագծային աշխատանքներ,
• Նախագծել մեքենաներ, մեխանիզմներ, դրանց հանգույցներ և մեքենամասեր,
• Իրականացնել գեոդեզիական քարտեզների համակարգչային նախագծում,
• Մշակել տեխնիկական փաստաթղթեր, տեխնիկական պայմաններ և այլ նորմատիվային փաստաթղթեր:
Դասընթացները կկազմակերպվեն ս.թ. հոկտեմբերի 1-ից 30-ը՝ շաբաթական 3 անգամ, 1,5 ժամ տևողությամբ: Ցանկացողները կարող են դիմել ՀԱԱՀ-ի 2-րդ մասնաշենք, 509 սենյակ, Արմինե Մարտիրոսյանին: Գրանցման վերջնաժամկետն է սեպտեմբերի 25-ը՝ ժամը 17:00-ը:
Դասընթացներին ակտիվ մասնակցած ուսանողներին կտրվեն նաև վկայագրեր:

...

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կալիֆոռնիայի Լա Վերնե համալսարանը (University of La Verne) առաջարկում է ամառային և ձմեռային կարճաժամկետ բիզնես դասընթացներ, որոնց մասնակցելու համար հնարավոր է դիմել կրթաթոշակի: Կրթաթոշակը կարող է ծածկել ծախսերի մինչև 70%-ը:
Կրթաթոշակին դիմելու վերջնաժամկետը ս/թ սեպտեմբերի 22-ն է: Դիմումը լրացնելու համար անհրաժեշտ է անցնել
հետևյալ հղումով: Դիմումին կից ուսանողները պետք է ներկայացնեն նաև CV և տեղեկանք համալսարանից:
(Մանրամասն տեղեկություններ կարող եք գտնել այստեղ:

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10