en
Armenian (Հայերեն)Russian (Русский)English (United Kingdom)

Armenian National Agrarian University

Anything in here will be replaced on browsers that support the canvas element

Unforgettable Soreness

Online Consulting with Skype Monday, Wednesday, Friday at 10:00-12:00
Tuesday, February 12
These articles are available only in armenian.

Ագրարայինցիների այցը «Բոնիլատ» ընկերություն 

ՀԱԱՀ Պարենամթերքի տեխնոլոգիաների ֆակուլտետի «Կաթի, կաթնամթերքի, մանկական և ֆունկցիոնալ սննդի տեխնոլոգիա» մասնագիտության տարբեր կուրսերի շուրջ 30 ուսանողներ դեկանի պաշտոնակատար Կարեն Մինասյանի, մի քանի դասախոսների և ՀԱԱՀ

կարիերայի և շարունակական կրթության բաժնի պրակտիկաների համակարգող Մարտին Հովհաննիսյանի ուղեկցությամբ այցելեցին կաթնամթերքի արտադրության «Բոնիլատ» ընկերություն: 

Ընկերության շուկայի զարգացման պատասխանատու Լիլիթ Օրդուխանյանն ու արտադրության պետ Հովհաննես Հայրապետյանը, ջերմորեն ընդունելով առաջին անգամ իրենց հյուր եկած ագրարայինցիներին, նախ «Բոնիլատի» համեղ կաթնամթերք հյուրասիրեցին: Այնուհետև նրանք ներկայացրեցին ընկերության կաթնամթերքի տեսականու (կաթ, կակաո, թթվասեր, մածուն, մածնաբրդոշ, թան, կեֆիր, յոգուրտ, կաթնաշոռ) արտադրության գործընթացը՝ անդրադառնալով յուրաքանչյուր արտադրատեսակի պատրաստման և պահպանման առանձնահատկություններին:


Ընկերությունում խստիվ պահպանվում են սանիտարահիգիենիկ նորմերը․ այցելուները արտադրական գործընթացին հետևում էին էկրանների և դիտապակու միջոցով: Ագրարայինցիների հարցերը գլխավորապես առնչվում էին արտադրության մեջ ժամանակակից տեխնոլոգիաների կիրառման առավելություններին: «Այցելությունը «Բոնիլատ» ընկերություն տպավորիչ էր, հետաքրքիր էր հատկապես արդիական տեխնոլոգիաներին մոտիկից ծանոթանալը և դասախոսությունների ժամանակ սովորածը իրականում տեսնելը», - նշեց «Կաթի, կաթնամթերքի, մանկական և ֆունկցիոնալ սննդի տեխնոլոգիա» մասնագիտության երրորդ կուրսի ուսանող Սարգիս Գևորգյանը:


Ճանաչողական այս այցը կարևորվեց ոչ միայն ուսանողների տեսական գիտելիքներն ավելի առարկայական դարձնելու տեսանկյունից, այլև՝ գործընկերային հարաբերությունների հաստատմամբ։ Մասնավորապես պայմանավորվածություն ձեռք բերվեց «Բոնիլատ»-ում ՀԱԱՀ-ի ուսանողների ուսումնաարտադրական պրակտիկաներ կազմակերպելու վերաբերյալ:

 

Calendar of Events

August 2019
S M T W T F S
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31