hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

Զարգացման ֆրանսիական գործակալության հետ քննարկվել են գյուղատնտեսության ոլորտում նախատեսվող համատեղ ծրագրերը 

ՀՀ գյուղատնտեսության նախարարի պաշտոնակատար Գեղամ Գևորգյանն այսօր ընդունել է ՀՀ-ում Ֆրանսիայի արտակարգ և լիազոր դեսպան Ջոնաթան Լաքոտին, Զարգացման ֆրանսիական գործակալության (ԶՖԳ) Հարավային Կովկասի հարցերով գրասենյակի տնօրեն Գայել Ասայագին, ինչպես նաև գյուղի և գյուղատնտեսության զարգացման գծով ծրագրի ղեկավար Ալեքսիա Հոֆմանին։


Ողջունելով հյուրերին` նախարարի պաշտոնակատար Գեղամ Գևորգյանը նշել է, որ Զարգացման ֆրանսիական գործակալության հետ ձևավորվել է երկկողմ համապարփակ համագործակցություն: Այնուհետև նախարարի պաշտոնակատարը հյուրերին համառոտ ներկայացրել է գյուղատնտեսության ոլորտի զարգացման տեսլականն ու նոր մոտեցումները, պետության կողմից իրականացվող ագրարային քաղաքականության թիրախային ուղղությունները:
Գեղամ Գևորգյանը, մասնավորապես, կարևորել է բարձրարժեք գյուղմթերքի արտադրության կազմակերպումը, ինտենսիվ այգիների հիմնումը, ոռոգման և հակակարկտային նորագույն համակարգերի ներդրումը, անասնապահության ոլորտում գյուղատնտեսական կենդանիների համարակալումը, տեղական գինեգործական արտադրանքի իրացման շուկաների ընդլայնումը:
Կարևորելով հայ-ֆրանսիական փոխգործակցությունը գյուղատնտեսության ոլորտում` դեսպանը շնորհավորել է նախարարին պաշտոնում նշանակվելու առթիվ և մաղթել արդյունավետ աշխատանք:
Այնուհետև նախարարի պաշտոնակատարն անդրադարձել է Զարգացման ֆրանսիական գործակալության աջակցությամբ Գյուղատնտեսության զարգացման հիմնադրամի կողմից առաջիկայում մեկնարկելիք «Ոռոգելի գյուղատնտեսությունը ՀՀ Արարատի և Արմավիրի մարզերում» դրամաշնորհային ծրագրին:
Ծրագրի նպատակն է տեխնիկական աջակցության և ներդրումների միջոցով զարգացնել ինտենսիվ գյուղատնտեսություն, ներդնել արդի ոռոգման համակարգեր՝ վերացնելով ջրի պահպանման, ոռոգման ենթակառուցվածքների, ծառայությունների ու վարկերի մատչելիության հետ կապված խոչընդոտները:
Հույս հայտնելով, որ այս ծրագիրը կարող է դրական նախադեպ դառնալ ոլորտում նմանատիպ այլ ծրագրերի իրականացման համար` նախարարի պաշոտանակատար Գեղամ Գևորգյանն առաջարկել է հնարավորինս սեղմ ժամկետներում ավարտել նախապատրաստական աշխատանքները և անցնել գործնական քայլերի: ԶՖԳ Հարավային Կովկասի հարցերով գրասենյակի տնօրեն Գայել Ասայագն իր հերթին հույս է հայտնել, որ այն կունենա բարեհաջող ընթացք:
Կարևորելով ֆրանսիական փորձը գյուղատնտեսական կրթության բնագավառում` նախարարի պաշտոնակատարն առաջարկել է ուսումնասիրել գյուղատնտեսական կրթական քոլեջների ստեղծմանն օժանդակելու հարցը, ինչը հնարավորություն կտա ագրարային ոլորտն ապահովել ժամանակակից գիտելիքներով օժտված բարձրակարգ մասնագետներով: Ի պատասխան հնչած առաջարկի` Ջոնաթան Լաքոտը նշել է, որ համատեղ կրթական ծրագրերի իրականացումը կարող է հետաքրքրել ֆրանսիացի մասնագետներին և լինել երկուստեք շահավետ:
Հանդիպման ընթացքում քննարկվել է նաև խաղողագործության և գինեգործության ճյուղերում արտադրության վերահսկողության համատեղ մեխանիզմների մշակման և կիրառման հնարավորությունը:
Անդրադարձ է կատարվել գյուղատնտեսության ոլորտի ընթացիկ և նախատեսվող մի շարք այլ ծրագրերի:
Աղբյուրը՝ ՀՀ գյուղատնտեսության նախարարության կայքէջ

 

AutoCAD ծրագրակազմի ուսուցման դասընթացներ

AutoCAD ծրագրակազմի ուսուցման դասընթացներ 

ՀԱԱՀ-ի «Կիրառական մեխանիկայի և գրաֆիկայի» ամբիոնը կազմակերպում է AutoCAD ծրագրակազմի կարճաժամկետ ուսուցման անվճար դասընթացներ՝ ապագա շրջանավարտների մասնագիտական մրցունակությունն աշխատաշուկայում բարձրացնելու նպատակով:
Մասնակիցները կսովորեն՝
• Ինքնուրույն իրականացնել փորձարարական և նախագծային աշխատանքներ,
• Նախագծել մեքենաներ, մեխանիզմներ, դրանց հանգույցներ և մեքենամասեր,
• Իրականացնել գեոդեզիական քարտեզների համակարգչային նախագծում,
• Մշակել տեխնիկական փաստաթղթեր, տեխնիկական պայմաններ և այլ նորմատիվային փաստաթղթեր:
Դասընթացները կկազմակերպվեն ս.թ. հոկտեմբերի 1-ից 30-ը՝ շաբաթական 3 անգամ, 1,5 ժամ տևողությամբ: Ցանկացողները կարող են դիմել ՀԱԱՀ-ի 2-րդ մասնաշենք, 509 սենյակ, Արմինե Մարտիրոսյանին: Գրանցման վերջնաժամկետն է սեպտեմբերի 25-ը՝ ժամը 17:00-ը:
Դասընթացներին ակտիվ մասնակցած ուսանողներին կտրվեն նաև վկայագրեր:

...

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կալիֆոռնիայի Լա Վերնե համալսարանը (University of La Verne) առաջարկում է ամառային և ձմեռային կարճաժամկետ բիզնես դասընթացներ, որոնց մասնակցելու համար հնարավոր է դիմել կրթաթոշակի: Կրթաթոշակը կարող է ծածկել ծախսերի մինչև 70%-ը:
Կրթաթոշակին դիմելու վերջնաժամկետը ս/թ սեպտեմբերի 22-ն է: Դիմումը լրացնելու համար անհրաժեշտ է անցնել
հետևյալ հղումով: Դիմումին կից ուսանողները պետք է ներկայացնեն նաև CV և տեղեկանք համալսարանից:
(Մանրամասն տեղեկություններ կարող եք գտնել այստեղ:

...

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10