hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Ուրբաթ, Հունիս 07

Տեղի ունեցավ ՀԱԱՀ միջֆակուլտետային ուսանողական խաղերի մրցանակաբաշխությունը

61996885_2227586324003155_7069182501796708352_n_1Հունիսի 6-ին Ագրարային համալսարանի մեծ դահլիճում տեղի ունեցավ ՀԱԱՀ միջֆակուլտետային ուսանողական խաղերի արդյունքների ամփոփումը և մրցանակաբաշխությունը, որին զուգահեռ ընթացավ նաև երգի-պարի ուսանողական միջֆակուլտետային մրցույթը՝ մրցանակաբաշխության

տոնական մթնոլորտը դարձնելով էլ ավելի ուրախ և հանդիսավոր:
ՀԱԱՀ-ի ուսանողական խորհրդի նախաձեռնած և մայիսի 8-ին մեկնարկած մարզամշակութային և մտավոր մրցույթները մեկ ամիս շարունակ հաճելի լարվածության մեջ պահեցին ոչ միայն ուսանողներին, այլև պրոֆեսորադասախոսական ու վարչական անձնակազմին՝ ռեկտոր Վարդան Ուռուտյանի, պրոռեկտորների ու դեկանների ակտիվ ներկայությամբ:

Մրցանակաբաշխության մեկնարկին ռեկտոր Վարդան Ուռուտյանն իր ողջույնի խոսքում շնորհակալություն հայտնեց ուսանողական խորհրդին՝ երկար տարիների ընդմիջումից հետո Միջֆակուլտետային ուսանողական խաղերը բարձր մակարդակով կազմակերպելու և համալսարանի ուսանողական առօրյան բովանդակալից դարձնելու համար: Նա նաև շնորհակալություն հայտնեց խաղերի բոլոր մասնակիցներին ու աջակիցներին. «Իսկապես այս տարի մասնակցությունն Ուսանողական խաղերին աննախադեպ էր, և այս խաղերը դեռ երկար վառ կմնան իմ հիշողության մեջ: Էական չէ, թե ով ինչ մրցանակ է շահել, էականը լավ ուսանողական կյանք ունենալն է, ժամանակը արդյունավետ անցկացնելը և իհարկե այն թիմային, պայքարող ոգին, որ մեկ ամիս շարունակ միավորել էր ոչ միայն մրցակցող թիմերին, այլև ամբողջ համալսարանը: Շարունակեք լինել ակտիվ, նախաձեռնող, իսկ մենք շարունակելու ենք լինել ձեր կողքին ձեր բոլոր նախաձեռնություններում»,-դիմելով ուսանողներին՝ ասաց պարոն Ուռուտյանը:

Ռեկտորը նախ շնորհակալագրեր հանձնեց բոլոր նրանց (ուսանողներ, դասախոսներ, աշխատակիցներ), ովքեր ակտիվ մասնակցություն են ունեցել «ՀԱԱՀ ուսանողական խաղեր 2019»-ի պատշաճ կազմակերպման և իրականացման գործում: Այնուհետև հանդիսավարներ, ՀԱԱՀ-ի ուսանողական խորհրդի մշակութային հանձնաժողովի նախագահ Մարինա Վարդանյանն ու մարզական հանձնաժողովի նախագահ Հայկ Ղուկասյանը ներկայացրեցին մարզական, մշակութային, մտավոր մրցույթների եզրափակիչ արդյունքները:

«Պարանի ձգում» մրցաշարում առաջին պատվավոր հորիզոնականը զբաղեցրել է Անասնաբուժական բժշկագիտության և անասնաբուծության ֆակուլտետը: Վոլեյբոլի մրցաշարում առաջատարը Պարենամթերքի տեխնոլոգիաների ֆակուլտետի թիմն է: Լավագույն ֆուտբոլիստներն Ագրոբիզնեսի և տնտեսագիտության ֆակուլտետի ուսանողներն են: Հրաձգության մրցույթում առաջատարը դարձյալ Ագրոբիզնեսի և տնտեսագիտության ֆակուլտետի թիմն է, իսկ ամենաուժեղ բազկամարտիկներն Ագրարային ճարտարագիտության ֆակուլտետում են:

«Ի՞նչ, որտե՞ղ, ե՞րբ» մտավոր խաղ-մրցույթում առաջին տեղը գրավել է Ագրոբիզնեսի և տնտեսագիտության ֆակուլտետի թիմը: Մտավոր մարզաձևում՝ շախմատի մրցաշարում, առաջատարը դարձյալ Ագրոբիզնեսի և տնտեսագիտության ֆակուլտետն է: Ագրարային համալսարանի ամենաուրախներն ու ամենահնարամիտներն էլ սովորում են Անասնաբուժական բժշկագիտության և անասնաբուծության ֆակուլտետում. հենց նրանց թիմը հաղթող ճանաչվեց «Ուրախների և հնարամիտների ակումբ» մրցույթում:

Երգի մրցույթում առաջին մրցանակը նվաճեց Ագրարային ճարտարագիտության ֆակուլտետի ուսանող Սեդրակ Հակոբյանը: Պարենամթերքի տեխնոլոգիաների ֆակուլտետի Սարգիս Գևորգյան - Լիզաննա Կարապետյան զույգը իրենց կատարած գեղեցիկ զուգերգով արժանացան երկրորդ տեղին, իսկ երրորդ մրցանակն Անասնաբուժական բշկագիտության և անասնաբուծության ֆակուլտետի համար նվաճեց սփյուռքահայ ուսանող Մեղեդի Բեդրոսը: Ագրոնոմիական ֆակուլտետի ուսանողուհի Մարիամ Մագթաղյանն էլ ճանաչվեց լավագույն պարուհին:

ՀԱԱՀ-ի ուսանողական խորհրդի նախագահ Կարեն Ղարախանյանը, շնորհակալություն հայտնելով խաղերի բոլոր մասնակիցներին և աջակիցներին, ամփոփեց մեկ ամիս տևած միջֆակուլտետային խաղերի արդյունքները և ըստ նվաճած մրցանակների քանակի՝ հայտարարեց «ՀԱԱՀ միջֆակուլտետային ուսանողական խաղեր 2019» մարզամշակութային, մտավոր մրցույթներում առաջին երեք մրցանակային տեղերը զբաղեցրած ֆակուլտետների անունները. երրորդ հորիզոնական՝ Ագրարային ճարտարագիտության ֆակուլտետ, երկրորդ հորիզոնական՝ Անասնաբուժական բժշկագիտության և անասնաբուծության ֆակուլտետ, առաջին հորիզոնական՝ Ագրոբիզնեսի և շուկայաբանության ֆակուլտետ, որն էլ դարձավ Ուսանողական խաղերի հաղթողն ու գավաթակիրը:

 

Կրթաթոշակ Ղազախստանի բուհերում սովորելու համար

ՀԱԱՀ-ի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը

ՀԱԱՀ-ի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը

anaulogoՀԱԱՀ-ի գիտական խորհրդի վերջին նիստում հաստատվեց Հայաստանի ազգային ագրարային համալսարանի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը: Ըստ նոր կարգի, լրավճարները վճարվում են հրապարակված հոդվածների, թեզիսների, պաստառների, մենագրությունների, դասագրքերի, ուսումնական ձեռնարկների, գյուտերի համար ստացած արտոնագրերի, ինչպես նաև տեղական և միջազգային դրամաշնորհներ շահելու համար: Գիտական գործունեության՝ սահմանված տեսակների համար նախատեսվող լրավճարների չափերին և լրավճարների վճարման սկզբունքներին մանրամասնորեն կարելի է ծանոթանալ համալսարանի կայքի «Փաստաթղթեր» բաժնի «Կանոնակարգեր» ենթաբաժնում:   

...

Կրթաթոշակի մրցույթ (ՀՕՖ)

Կրթաթոշակի մրցույթ բակալավրի առաջինկուրսեցիների համար

Մաթևոսյան ուսանողական կրթավճար 2019-20 ուս․ տարի
Հայ օգնության ֆոնդը (ՀՕՖ) «Մաթևոսյան կրթավճար» ծրագրի շրջանակում Երևանի պետական համալսարան, Հայաստանի ազգային պոլիտեխնիկական համալսարան, Հայաստանի պետական տնտեսագիտական համալսարան, Հայաստանի ազգային ագրարային համալսարան և դրանց մասնաճյուղեր ընդունված սոցիալապես անապահով, բարձր առաջադիմություն ցուցաբերած բակալավրի առկա բաժնի առաջին կուրսեցիների համար հայտարարում է մրցույթ:

...
ԱԳՐՈԼՈՒՐ

Իրադարձությունների օրացույց

Հուլիս 2019
Կիր Երկ Երք Չրք Հնգ Ուբթ Շբթ
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Գրանցվեք նորությունների համար

10