hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Ապրիլ 17

«Կրթություն և կարիերա էքսպո-2019» միջազգային ցուցահանդեսում Ագրարային համալսարանը ներկայացավ նորովի 

«Երևան էքսպո» ցուցահանդեսային համալիրում այսօր բացվել է «Կրթություն և կարիերա էքսպո-2019» միջազգային մասնագիտացված ցուցահանդեսը, որին մասնակցում են 80-ից ավելի կրթօջախներ՝ բուհեր, քոլեջներ, ուսուցման կենտրոններ, այդ թվում Հայաստանի ազգային ագրարային համալսարանը:

ՀԱԱՀ-ի՝ «Ճիշտ մասնագիտություն, բարեկեցիկ ապագա» խորագիրը կրող տաղավարն աչքի է ընկնում բուհի առաքելությանը համահունչ գյուղատնտեսական թեմատիկ ձևավորմամբ, բուհի մասնագիտությունների, կրթական ծրագրերի ու ձեռքբերումների ներկայացման հետաքրքիր լուծումներով և այցելուների տպավորիչ հոսքով:


Ագրարային համալսարանում ընթացող բարեփոխումները, կրթական նորարարական ծրագրերն ու աշխատաշուկայում մեծ պահանջարկ ունեցող արդիական մասնագիտությունները ներկայացված են տեսաֆիլմերի, ցուցապաստառների ու տեղեկատվական թերթիկների միջոցով, որոնք համալսարանի գրավիչ և հյուրընկալ տաղավար են բերում ոչ միայն մասնագիտական կողմնորոշման փնտրտուքի մեջ գտնվող ապագա դիմորդներին, այլև միջազգային մասնագիտացված ցուցահանդեսի գրեթե բոլոր այցելուներին: Նպատակ ունենալով հանրության ուշադրությունը սևեռել նաև բնապահպանական խնդիրների վրա՝ այս տարի Ագրարայինի տաղավարում առաջին անգամ ներկայացված են ՀԱԱՀ անատոմիական թանգարանի ցուցանմուշներից հայկական մուֆլոնը և կովկասյան ընձառյուծը: Ցուցահանդեսում առաջին անգամ լայն հանրությանը ներկայացվեցին ՀԱԱՀ Ոսկեհատի գինեգործության ուսումնաարտադրական կենտրոնում մեր ուսանողների արտադրած կարմիր, սպիտակ և վարդագույն գինիները:


ՀՀ կրթության և գիտության նախարար Արայիկ Հարությունյանը, այցելելով ՀԱԱՀ տաղավար, նշել է, որ քաջատեղյակ է և ողջունում է համալսարանում ընթացող բարեփոխումները: Նախարարի ուշադրությունից նույնպես չեն վրիպել Անատոմիական թանգարանի բացառիկ նմուշները. Արայիկ Հարությունյանը կարծիք է հայտնել, որ թանգարանի վերաբացումը կարող է մեծ հետաքրքրություն առաջացնել հասարակության, հատկապես՝ դպրոցահասակ այցելուների շրջանում: Ի պատասխան, ՀԱԱՀ աշխատակազմի ղեկավար Լուսինե Մնացականյանը նշել է, որ համալսարանն այդ ուղղությամբ նույնպես քայլեր է ձեռնարկում:


«Կրթություն և կարիերա էքսպո-2019» ցուցահանդեսը կշարունակվի մինչև ապրիլի 19-ը՝ հնարավորություն տալով այցելուներին ծանոթանալու Ագրարային համալսարանում սովորելու առավելություններին, գիտական, կրթական, արտադրական նորություններին, միջազգային ծրագրերին, ուսումն արտերկրում շարունակելու բազմաթիվ հնարավորություններին և իհարկե ագրարային ոլորտի՝ արդի աշխատաշուկայում պահանջարկ ունեցող մասնագիտություններին:

 

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...

Նիդեռլանդների կրթաթոշակային ծրագիր 2020

Նիդեռլանդների կրթաթոշակային ծրագիր 2020

Orange-Knowledge-Programme-in-the-Netherlands-2Նիդեռլանդների կառավարության կողմից տրամադրվող Orange Knowledge Programme (OKP) կոչվող կրթաթոշակային ծրագրի շնորհիվ Հայաստանի ակադեմիական ոլորտի ներկայացուցիչները կարող են հնարավորություն ստանալ մասնակցելու Ջրային կրթության Դելֆտի համալսարանի 2020 թվականի մագիստրոսական ծրագրերին և կարճաժամկետ դասընթացներին:
Կարճաժամկետ դասընթացներին մասնակցելու համար կրթաթոշակային ծրագրին դիմելու վերջնաժամկետը ս.թ. սեպտեմբերի 23-ն է: Մանրամասն տեղեկություններ կարող եք ստանալ՝ անցնելով
հետևյալ հղմամբ: Մագիստրոսական ծրագրերի հայտադիմումների ընդունումն սկսվելու է ս.թ. հոկտեմբերի 15-ին, իսկ կրթաթոշակային ծրագրին դիմելու վերջնաժամկետը 2020 թվականի փետրվարի 23-ն է: Մանրամասն տեղեկություններ կարող եք գտնել անցնելով հետևյալ հղմամբ:
Ջրային կրթության Դելֆտի համալսարանի բոլոր կրթական ծրագրերին կարող եք ծանոթանալ՝ այցելելով պաշտոնական կայք և ներբեռնելով ուղեցույցը

...

Ֆուլբրայթի կրթաթոշակային ծրագրին դիմելու հնարավորություն

Ֆուլբրայթի կրթաթոշակային ծրագրին դիմելու հնարավորություն 

Հայաստանում Ամերիկայի Միացյալ Նահանգների դեսպանատունը հայտարարում է գիտաշխատողների համար նախատեսված Ֆուլբրայթի կրթաթոշակային ծրագրի մրցույթ 2020 -2021 ուսումնական տարվա համար: Ծրագիրը դրամաշնորհներ է տրամադրում օտարերկրյա գիտնականներին՝ ԱՄՆ բուհերում մեկ ուսումնական տարվա ընթացքում հետբուհական դոկտորանտուրայի հետազոտություն անցկացնելու համար:
Հետաքրքրված դիմորդները պետք է լրացնեն առցանց հայտը
այստեղ: Դիմելու վերջնաժամկետ՝ 2019 թվականի նոյեմբերի 8: 

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10