hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Ապրիլ 10

Կարողությունների զարգացման դասընթացներ ՀԱԱՀ գիտահետազոտական կենտրոնների և ինստիտուտների աշխատակիցների համար 

ՀԱԱՀ միջազգային գիտական ծրագրերի համակարգող, կենսաբանական գիտությունների դոկտոր Արմինե Աբրահամյանը դրամաշնորհային ծրագրեր մշակելու կարողությունների զարգացման դասընթացների շարք է նախաձեռնել ՀԱԱՀ գիտահետազոտական կենտրոնների և ինստիտուտների

աշխատակիցների համար: Նախօրեին դասընթացների մեկնարկը տրվեց «Հ. Պետրոսյանի անվան հողագիտության, մելիորացիայի և ագրոքիմիայի գիտական կենտրոն» մասնաճյուղում, որին մասնակցում էին նաև «Ագրոկենսատեխնոլոգիայի գիտական կենտրոն» մասնաճյուղի աշխատակիցներ:


Նախքան դասընթացը սկսելը գիտական կենտրոնների ղեկավարներ Գայանե Գասպարյանն ու Գայանե Մելյանը ներկայացրեցին կենտրոնների SWOT վերլուծությունները: Երկու կենտրոնների թույլ և ուժեղ կողմերը, հնարավորություններն ու սպառնալիքները զգալի ընդհանրություններ ունեն: Ուժեղ կողմերից հարկ է առանձնացնել գիտական կենտրոնների մարդկային ներուժը՝ տարեց և երիտասարդ գիտնականներ, ովքեր իրենց գործի գիտակներն են, ունեն հետաքրքիր գիտական նվաճումներ, որոնք կարող են ներդրումների հնարավորություն դառնալ: Ուժեղ կողմերից է նաև կենտրոններում լաբորատորիաների առկայությունն ու տեխնիկական ներուժը, որը միաժամանակ նաև թույլ կողմերից է, քանի որ դրանք մեծամասամբ հնամաշ են և կարիք կա ժամանակակից տեխնոլոգիաներով հագեցնելու:


Կենտրոնների թույլ կողմերից ղեկավարներն առանձնացրեցին նաև աշխատակիցների մեծ մասի՝ համակարգչային տարբեր ծրագրակազմերին բավարար չափով չտիրապետելն ու օտար լեզուներ չիմանալը: Վերջինս սահմանափակում է մեր գիտնականների՝ միջազգային գիտական պարբերականներում տպագրվելու, արտասահմանյան աշխատաժողովներին մասնակցելու հնարավորությունները։ Սպառնալիքներից առանձնացրեցին օրենսդրական դաշտի անկատարությունը, գիտական նվաճումների՝ որպես ներդրումային ծրագրերի իրականացման հանդեպ պետական հոգածության ցածր մակարդակը:


Երկու կենտրոններն էլ, լինելով եզակի ոչ միայն Հայաստանում, այլև տարածաշրջանում, մեծ հնարավորություններ ունեն դառնալու տարածաշրջանային գիտական գերազանցության կենտրոններ, ընդունելու և իրենց փորձը փոխանցելու ոչ միայն Ագրարային համալսարանի, այլև արտերկրի ուսանողների, ֆերմերների, ագրարային ոլորտի արտադրողների, ինչպես նաև նրանց պատվերով իրականացնել հետազոտություններ և ձևավորել արտաբյուջե: «Մեր հնարավորություններից մեկն էլ Ագրարային համալսարանի մասնաճյուղ լինելն է, ինչը նշանակում է, որ համալսարանի հնարավորությունները նաև մեր հնավարություններն են»,-նշեց Հողագիտության, մելիորացիայի և ագրոքիմիայի գիտական կենտրոնի տնօրեն Գայանե Գասպարյանը:


ՀԱԱՀ գիտական երկու կենտրոնների ուժեղ և թույլ կողմերին ծանոթանալուց, հնարավորություններն ու սպառնալիքները վերլուծելուց հետո Արմինե Աբրահամյանը որպես թույլ կողմ առանձնացրեց նաև գիտական կենտրոնների՝ միմյանց հետ արդյունավետ գործակցության պակասը: Նա երկու կենտրոնների շուրջ 30 մասնակիցների համար անցկացրեց կարողությունների զարգացման դասընթաց՝ փոխանցելով միջազգային գիտական դրամաշնորհային տարբեր ծրագրերի դիմելու վերաբերյալ գիտելիքներ և հմտություններ:


Դոկտ․ Աբրահամյանը, որը միջազգային գիտական ծրագրեր մշակելու և կառավարելու մեծ փորձ ունի, արժեքավոր խորհուրդներ տվեց ներկաներին. «Միայն լավ գաղափար ունենալը բավարար չէ, հարկավոր է այդ գաղափարը լավ ներկայացնել՝ համապատասխանեցնելով տվյալ դրամաշնորհի պահանջներին: Մի՛ վախեցեք չշահելուց, մի անգամ չշահած ծրագիրը ամենևին էլ ժամանակի կորուստ չէ, դա նոր, ավելի լավ ծրագիր մշակելու նախադրյալ է:

Մի վախեցեք նաև ձեր գաղափարները բարձրաձայնելուց ՝ մտածելով, թե ուրիշները կգողանան»,-ասաց նա՝ մեջբերելով Բեռնարդ Շոուի խոսքերը. «Եթե դուք միմյանց հաղորդակից դարձնեք ձեր գաղափարներին և անգամ չհաջողեք, իրարից կհեռանանաք՝ ձեզ հետ տանելով առնվազն երկու գաղափար, իսկ եթե փոխանակվեք խնձորներով, ամեն մեկդ կունենաք մեկ խնձոր»: Ծրագրեր մշակելու տեսական նյութին ծանոթանալուց հետո սեմինարի մասնակիցները բաժանվեցին խմբերի՝ փորձելով նշված ժամկետում մշակել գիտական ծրագրերի փորձնական հայտ, որն էլ հնարավորություն տվեց օրվա ընթացքում ստացած գիտելիքներն ամրապնդել գործնականում: 
ՀԱԱՀ գիտահետազոտական կենտրոնների և ինստիտուտների աշխատակիցների կարողությունների զարգացման դասընթացները լինելու են շարունակական:

 

Կրթաթոշակ Ղազախստանի բուհերում սովորելու համար

ՀԱԱՀ-ի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը

ՀԱԱՀ-ի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը

anaulogoՀԱԱՀ-ի գիտական խորհրդի վերջին նիստում հաստատվեց Հայաստանի ազգային ագրարային համալսարանի պրոֆեսորադասախոսական անձնակազմի գիտական գործունեությունը խրախուսող լրավճարների հաշվարկման և վճարման կարգը: Ըստ նոր կարգի, լրավճարները վճարվում են հրապարակված հոդվածների, թեզիսների, պաստառների, մենագրությունների, դասագրքերի, ուսումնական ձեռնարկների, գյուտերի համար ստացած արտոնագրերի, ինչպես նաև տեղական և միջազգային դրամաշնորհներ շահելու համար: Գիտական գործունեության՝ սահմանված տեսակների համար նախատեսվող լրավճարների չափերին և լրավճարների վճարման սկզբունքներին մանրամասնորեն կարելի է ծանոթանալ համալսարանի կայքի «Փաստաթղթեր» բաժնի «Կանոնակարգեր» ենթաբաժնում:   

...

Կրթաթոշակի մրցույթ (ՀՕՖ)

Կրթաթոշակի մրցույթ բակալավրի առաջինկուրսեցիների համար

Մաթևոսյան ուսանողական կրթավճար 2019-20 ուս․ տարի
Հայ օգնության ֆոնդը (ՀՕՖ) «Մաթևոսյան կրթավճար» ծրագրի շրջանակում Երևանի պետական համալսարան, Հայաստանի ազգային պոլիտեխնիկական համալսարան, Հայաստանի պետական տնտեսագիտական համալսարան, Հայաստանի ազգային ագրարային համալսարան և դրանց մասնաճյուղեր ընդունված սոցիալապես անապահով, բարձր առաջադիմություն ցուցաբերած բակալավրի առկա բաժնի առաջին կուրսեցիների համար հայտարարում է մրցույթ:

...
ԱԳՐՈԼՈՒՐ

Իրադարձությունների օրացույց

Հուլիս 2019
Կիր Երկ Երք Չրք Հնգ Ուբթ Շբթ
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Գրանցվեք նորությունների համար

10