hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Չորեքշաբթի, Հոկտեմբեր 03

Իսպանացի գործընկերները ներկայացրեցին հաշմանդամ ուսանողների ներգրավման և պրակտիկաների կազմակերպման իրենց փորձը 

Հայաստանի ազգային ագրարային համալսարանի գործընկեր Միգել Հերնանդեսի համալսարանի (Իսպանիա) պրոֆեսորները հոկտեմբերի 2-ին և 3-ին բաց դասախոսություններ անցկացրեցին ՀԱԱՀ-ում, որոնց ներկա էին Իսպանիայով հետաքրքրվող դասախոսներ և ուսանողներ:

Հերնանդեսի համալսարանի Ճարտարագիտության ֆակուլտետի դեկան Ռիկարդո Աբադիա Սանչեսը, փոխդեկան Անտոնիո Մարտինեզ Գաբարրոն, Կենսաբանության ամբիոնի պրոֆեսորներ Սանտիագո Գարսիա Մարտինեզը և Մարիա դե լա Լուզ Գարսիա Պարդոն ներկայացրեցին Միգել Հերնանդեսի համալսարանը, նրա կրթական աստիճանները, մագիստրոսական և ասպիրանտական ծրագրերը, մասնակցությունը միջազգային ծրագրերին, ուսուցողական, հետազոտական հնարավորություններն ու գիտական հրապարակումները:
Ագրարայինցիներին հատկապես հետաքրքրեց «Հաշմանդամ ուսանողների կողմից կատարվող աշխատանքները սոցիալական ինտեգրման ուղղությամբ» թեմայով դասախոսությունը, որը պատմում էր հաշմանդամություն ունեցողներին մատուցվող ուսանողական ծառայության մասին, որի նպատակն է հատուկ կարիք ունեցող ուսանողներին ներգրավել համալսարանական կյանքին և խթանել նրանց մուտքն աշխատաշուկա: 16-21 տարեկան տարբեր խնդիրներ ունեցողները մասնակցում են դասերին, աշխատում համալսարանի ջերմատներում, աճեցնում բույսեր և իրականացնում տարբեր գործառույթներ, որի արդյունքում ձեռք են բերում որոշակի գիտելիքներ ու հմտություններ: Այդ ամենն օգնում է նրանց գտնել աշխատանք և ինտեգրվել հասարակությանը: Ներկաները նկատեցին, որ այս տեսակետից հայաստանյան համալսարանները դեռ լուրջ անելիքներ ունեն: Օրվա հաջորդ դասախոսությունը վերաբերում էր պտղատու այգիներում և գյուղատնտեսական ֆերմաներում օգտագործվող ժամանակակից սարքավորումներին, տվյալ ոլորտի ուսանողների համար ուսումնական գործընթացի կազմակերպմանն ու ինտեգրացված պրակտիկաներին:
Հոկտեմբերի 3-ին անցկացված դասախոսությունների ընթացքում ագրարայինցիները հնարավորություն ունեցան ծանոթանալու Իսպանիայի տավարաբուծական և ճագարաբուծական տնտեսություններում ինտեգրացված պրակտիկաների ընթացքում ուսանողների գործունեությանը, ձեռք բերված հմտություններին: Ներկայացվեց նաև ինտեգրացված պրակտիկաների ընթացքում պտղատու այգիներում մշակաբույսերի այլընտրանքային տարբերակները և դրանց կառավարումը, վնասատուների և հիվանդությունների վերահսկումն ու բուժումը, պարարտացման պլանավորումը և այլն: Վերոնշյալ դասախոսությունների կարևորությունն այն էր, որ իսպանացի հյուրերը ներկայացնում էին իրենց համալսարանում միջազգային ծրագրերի արդյունքում ներդրված պրակտիկաների կազմակերպման նոր մոդելը, որը կարող է ուսանելի փորձ լինել պրակտիկայի ոլորտում նոր մշակույթ ձևավորել ցանկացող մեր համալսարանի համար:

Ներկայացված դասախոսությունների և պրակտիկ փորձի փոխանակումը հատկապես կարևոր էր, քանի որ ՀԱԱՀ ընդգրկված է TOPAS Էրազմուս+ ՀԳ2 ծրագրում, որի նպատակը հենց պրակտիկաների և կրթության գործնական բաղադրիչի նորացումն ու խթանումն է: Այդ պատճառով դասախոսություններին մասնակցեցին նաև TOPAS-ի աշխատանքային թիմի անդամներն ու թիրախային կուրսերի ու մասնագիտություների ուսանողները: Քննարկումերի ընթացքում հյուրերին ներկայացվեցին TOPAS-ի հիմնական նպատակերը, որից հետո քննարկվեց երկու համալսարաններում պրակտիկաների անցկացման ձևերը: Այն մեծապես կօգնի աշխատանքային խմբին` ագրարային մենեջմենթի կրթության մոդելում պրակտիկաների նոր ձևաչափի մշակման հարցում:
Նշենք, որ «Էրազմուս+ միջազգային կրեդիտային շարժունություն» ծրագրի շրջանակներում Հայաստանի Ագրարային և Իսպանիայի Միգել Հերնանդեսի համալսարանների միջև համագործակցությունը կշարունակվի մինչև 2020 թվականը, որի շնորհիվ ՀԱԱՀ-ի ուսանողները, դասախոսական և վարչական անձնակազմը հնարավորություն կունենան սովորելու, դասավանդելու և վերապատրաստվելու գործընկեր համալսարանում:

 

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...

Նիդեռլանդների կրթաթոշակային ծրագիր 2020

Նիդեռլանդների կրթաթոշակային ծրագիր 2020

Orange-Knowledge-Programme-in-the-Netherlands-2Նիդեռլանդների կառավարության կողմից տրամադրվող Orange Knowledge Programme (OKP) կոչվող կրթաթոշակային ծրագրի շնորհիվ Հայաստանի ակադեմիական ոլորտի ներկայացուցիչները կարող են հնարավորություն ստանալ մասնակցելու Ջրային կրթության Դելֆտի համալսարանի 2020 թվականի մագիստրոսական ծրագրերին և կարճաժամկետ դասընթացներին:
Կարճաժամկետ դասընթացներին մասնակցելու համար կրթաթոշակային ծրագրին դիմելու վերջնաժամկետը ս.թ. սեպտեմբերի 23-ն է: Մանրամասն տեղեկություններ կարող եք ստանալ՝ անցնելով
հետևյալ հղմամբ: Մագիստրոսական ծրագրերի հայտադիմումների ընդունումն սկսվելու է ս.թ. հոկտեմբերի 15-ին, իսկ կրթաթոշակային ծրագրին դիմելու վերջնաժամկետը 2020 թվականի փետրվարի 23-ն է: Մանրամասն տեղեկություններ կարող եք գտնել անցնելով հետևյալ հղմամբ:
Ջրային կրթության Դելֆտի համալսարանի բոլոր կրթական ծրագրերին կարող եք ծանոթանալ՝ այցելելով պաշտոնական կայք և ներբեռնելով ուղեցույցը

...

Ֆուլբրայթի կրթաթոշակային ծրագրին դիմելու հնարավորություն

Ֆուլբրայթի կրթաթոշակային ծրագրին դիմելու հնարավորություն 

Հայաստանում Ամերիկայի Միացյալ Նահանգների դեսպանատունը հայտարարում է գիտաշխատողների համար նախատեսված Ֆուլբրայթի կրթաթոշակային ծրագրի մրցույթ 2020 -2021 ուսումնական տարվա համար: Ծրագիրը դրամաշնորհներ է տրամադրում օտարերկրյա գիտնականներին՝ ԱՄՆ բուհերում մեկ ուսումնական տարվա ընթացքում հետբուհական դոկտորանտուրայի հետազոտություն անցկացնելու համար:
Հետաքրքրված դիմորդները պետք է լրացնեն առցանց հայտը
այստեղ: Դիմելու վերջնաժամկետ՝ 2019 թվականի նոյեմբերի 8: 

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10