hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Ուրբաթ, Մարտ 02

Իմ միջազգային փորձը Բուլղարիայում

Էրազմուս+ «Միջազգային կրեդիտային շար-ժունություն» ծրագրի շրջանակում Ագրո-բիզնեսի ուսուցման կենտրոնի 3-րդ կուրսի ուսանողուհի Անահիտ Պետրոսյանը չորս ամիս սովորել է Բուլղարիայում` Վառնայի մենեջմենթի համալսարանում, որտեղ կրթական միջավայրը, դասավանդման մակարդակը և ուսանող-դասախոս

հարաբերությունները, իր խոսքով, համանման էին ՀԱԱՀ-ի Ագրոբիզնեսի ուսուցման կենտրոնի պայմաններին: Դասերն անցկացվում էին բացառապես անգլերենով: Անահիտն առանձնակի ոգևորությամբ է ուսումնասիրել հատկապես «Հաշվապահություն» առարկան, որի դասախոսը փորձառու և հմուտ մասնագետ էր: Առհասարակ, թե´ դասախոսները, և թե´ համալսարանի աշխատակազմը շատ ընկերական հարաբերությունների մեջ էին ուսանողների հետ, մշտապես պատրաստակամ օգնելու նրանց մտահոգող հարցերում (Անահիտը սա շատ կարևոր է համարում): Բուլղարիայում Էրազմուս ծրագրի ուսանողական ցանցը շատ ակտիվ է: Մասնավորապես մեծ գործ է արվում միջազգային ուսանողներին տարբեր միջոցառումների շուրջ համախմբելու առումով: «Օտար երկրում, նոր միջավայրում ապրելը կյանքի լուրջ փորձություն էր ինձ համար: Ես ընդլայնեցի իմ գիտելիքները, ձեռք բերեցի նոր հմտություններ և, լինելով ընտանիքիցս հեռու, սովորեցի հոգ տանել ինքս իմ մասին: Ամեն օրս լի էր նոր հույզերով: Տարբեր երկրների շատ ուսանողներ ինձ համար լավագույն ընկերներ են»,- ասում է Անահիտը: Անահիտը նաև իր համար բացահայտել է արտասահմանում ապրելու հաճույքը՝ դառնալով իր ուժերի նկատմամբ ավելի վստահ և վերադարձել է հսկայական ոգեշնչանքով՝ իրականացնելու հետագա ծրագրերը: «Բուլղարիայում անցկացրած ժամանակը կյանքիս լավագույն ամիսներն են, որոնք լի են բազմաթիվ հաճելի հուշերով: Ուզում եմ դիմել մեր համալսարանի ուսանողներին. բաց մի թողեք արտերկրում սովորելու բացառիկ հնարավորությունը»,- ասում է Անահիտը:

***

Էրազմուս+ «Միջազգային կրեդիտային շարժունություն» ծրագրի շրջանակներում Վառնայի մենեջմենթի համալսարանում ուսանել է նաև «Ագրարային արտադրության էկոնոմիկա» մասնագիտության 4-րդ կուրսի ուսանող Գրիգոր Մարգարյանը: Ինչպես պատմում է Գրիգորը, Վառնայի համալսարանի հագեցվածությունը նոր սարքավորումներով ուսումնական գործընթացը դարձնում է ավելի արդյունավետ, ինչն իր հերթին ապահովում է ազատ մտածելու հնարավորություն, խմբային աշխատանքների միջոցով գաղափարների փոխանակում: «Կատարել ենք մարքեթինգային հետազոտական աշխատանքներ, ինչպես նաև իրականացրել շուկայական վերլուծություն` բացահայտելով կազմակերպությունների թերությունները, առավելությունները»,- ավելացնում է Գրիգորը: Նա նաև ցանկանում է, որ մեր բուհում ուսումնական գործընթացն առավել մոտեցվի միջազգային չափանիշներին, իսկ ուսանողները լինեն ավելի համարձակ ու նախաձեռնող:

Արտաքին կապերի դեպարտամենտ

 

AutoCAD ծրագրակազմի ուսուցման դասընթացներ

AutoCAD ծրագրակազմի ուսուցման դասընթացներ 

ՀԱԱՀ-ի «Կիրառական մեխանիկայի և գրաֆիկայի» ամբիոնը կազմակերպում է AutoCAD ծրագրակազմի կարճաժամկետ ուսուցման անվճար դասընթացներ՝ ապագա շրջանավարտների մասնագիտական մրցունակությունն աշխատաշուկայում բարձրացնելու նպատակով:
Մասնակիցները կսովորեն՝
• Ինքնուրույն իրականացնել փորձարարական և նախագծային աշխատանքներ,
• Նախագծել մեքենաներ, մեխանիզմներ, դրանց հանգույցներ և մեքենամասեր,
• Իրականացնել գեոդեզիական քարտեզների համակարգչային նախագծում,
• Մշակել տեխնիկական փաստաթղթեր, տեխնիկական պայմաններ և այլ նորմատիվային փաստաթղթեր:
Դասընթացները կկազմակերպվեն ս.թ. հոկտեմբերի 1-ից 30-ը՝ շաբաթական 3 անգամ, 1,5 ժամ տևողությամբ: Ցանկացողները կարող են դիմել ՀԱԱՀ-ի 2-րդ մասնաշենք, 509 սենյակ, Արմինե Մարտիրոսյանին: Գրանցման վերջնաժամկետն է սեպտեմբերի 25-ը՝ ժամը 17:00-ը:
Դասընթացներին ակտիվ մասնակցած ուսանողներին կտրվեն նաև վկայագրեր:

...

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կարճաժամկետ բիզնես դասընթացներ Կալիֆոռնիայի Լա Վերնե համալսարանում

Կալիֆոռնիայի Լա Վերնե համալսարանը (University of La Verne) առաջարկում է ամառային և ձմեռային կարճաժամկետ բիզնես դասընթացներ, որոնց մասնակցելու համար հնարավոր է դիմել կրթաթոշակի: Կրթաթոշակը կարող է ծածկել ծախսերի մինչև 70%-ը:
Կրթաթոշակին դիմելու վերջնաժամկետը ս/թ սեպտեմբերի 22-ն է: Դիմումը լրացնելու համար անհրաժեշտ է անցնել
հետևյալ հղումով: Դիմումին կից ուսանողները պետք է ներկայացնեն նաև CV և տեղեկանք համալսարանից:
(Մանրամասն տեղեկություններ կարող եք գտնել այստեղ:

...

Հարգելի գործընկերներ և ուսանողներ

Հարգելի գործընկերներ և ուսանողներ

ՀԱԱՀ-ի Միջազգային կապերի դեպարտամենտը ևս մեկ անգամ հրավիրում է բոլոր նրանց, ովքեր հետաքրքված են միջազգային ծրագրերի և տարաբնույթ գիտաժողովների վերաբերյալ հայտարարություններով, ցանկանում են ընդգրկվել Միջազգային կապերի դեպարտամենտի տվյալների բազայում և տեղեկատվությունը ստանալ անմիջապես իրենց էլեկտրոնային հասցեով, կարող են նամակ ուղարկել Միջազգային կապերի դեպարտամենտի ֆեյսբուքյան էջին , էլեկտրոնային հասցեին (inter@anau.am) կամ այցելել Միջազգային կապերի դեպարտամենտ՝ ներկայացնելով հետևյալ տեղեկությունը.


Աշխատակիցների համար՝
Անուն, ազգանուն,
Ստորաբաժանում /ֆակուլտետ/ամբիոն, պաշտոն,
Էլեկտրոնային հասցե:


Ուսանողների համար՝
Անուն, ազգանուն,
Ֆակուլտետ,
Մասնագիտություն,
Կուրս,
Էլեկտրոնային հասցե:

Հարգանքով՝ ՀԱԱՀ-ի Միջազգային կապերի դեպարտամենտ

...
ԱԳՐՈԼՈՒՐ

Իրադարձությունների օրացույց

Սեպտեմբեր 2019
Կիր Երկ Երք Չրք Հնգ Ուբթ Շբթ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Գրանցվեք նորությունների համար

10