hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

Անասնաբուծության ամբիոն

Ամբիոնի վարիչ՝
Չիթչյան Տիգրան Ժիրայրի

Մասնավոր անասնաբուծության ամբիոնը ստեղծվել է 1930թվին, որի հիմնադիրն ու ղեկավարը եղել է ակադեմիկոս Ա.Զ. Թամամշևը (Թամամշյան): Տարբեր տարիներ ամբիոնը ղեկավարել են պրոֆեսորներ Յու.Գ. Մարմարյանը, Շ.Ս. Ներսիսյանը, Գ.Հ. Գիլոյանը, Ռ.Թ. Սարգսյանը, իսկ 2009թ.-ից մինչ օրս այն ղեկավարում է դոցենտ Տ.Ժ. Չիթչյանը: Իսկ գյուղատնտեսական կենդանիների բուծման և կերակրման ամբիոնը (մինչև 2005թ.` ընդհանուր անասնաբուծության ամբիոն) կազմավորվել է Երևանի անասնաբուծական-անասնաբուժական ինստիտուտի գյուղատնտեսական կենդանիների կերակրման, գյուղատնտեսական կենդանիների բուծման և Հայկական գյուղատնտեսական ինստիտուտի անասնաբուծության ամբիոնների միավորմամբ: 1997-2017թթ. ամբիոնը ղեկավարել է դոցենտ Վ.Ա. Աբրահամյանը:
2017 թվականին կառուցվածքային մասնակի փոփոխությունների արդյունքում Մասնավոր անասնաբուծության ու Գյուղատնտեսական կենդանիների բուծման և կերակրման ամբիոնների միավորմամբ կազմավորվել է Անասնաբուծության ամբիոնը:
Ամբիոնում կատարվել են բազմաթիվ գիտաարտադրական աշխատանքներ, այդ թվում` Հայաստանում բուծվող գյուղատնտեսական կենդանիների և թռչունների ցեղերի ստեղծման և կատարելագործման, գյուղատնտեսական կենդանիների և թռչունների կերակրման, անասնապահության նորագույն արտադրատեխնոլոգիական խնդիրների, նախրի և հոտի վերարտադրության լուծումների, ինչպես նաև բնական ռեսուրսները (բենտոնիտային կավ, ցեոլիտ, տրավերտին) կենդանիների համար որպես հանքային լրացակեր օգտագործելու ուղղությամբ:
Ամբիոնի մի շարք դասախոսներ պետական բյուջեի ֆինանսավոր-մամբ իրականացնում են «Անասնաբուծական արտադ-րանքի արտադրության ավելաց-ման ուղիները ճյուղի վարման տեխնոլոգիաների կատարելա-գործմամբ» գիտական թեման: Ամբիոնի երիտասարդ գիտնական-ները զբաղվում են հանրապետու-թյուն ներկրված տավարի բարձր-արժեք ցեղերի մթերատու և կենսաբանական առանձնահատկությունների ուսումնասիրություններով, նաև մեղվաբուծության հիմնախնդիրներով:
Ամբիոնում առանձնահատուկ նշանակություն է տրվում ուսումնա-մեթոդական գրականության հրատարակմանը: Հրատարակվել են 171-ից ավելի դասագիրք և ձեռնարկ, 119 ուսումնամեթոդական ցուցում և 1521 գիտական հոդված, պաշտպանվել է 11 դոկտորական և 21 թեկնածուական ատենախոսություն, ստացել են 6 հեղինակային վկայական, 9 սելեկցիոն նվաճման հրամանագիր, մշակել են տասնյակ հանձնարարականներ:
Ամբիոնի դասախոսները սերտորեն համագործակցում են անասնապա-հական տոհմային և առաջատար տնտեսությունների հետ` իրա-կանացնելով նախրի և հոտի տոհմային մթերատու հատկանիշ-ների կատարելագործման, բուծ-ման, վերարտադրության, պահվածքի նոր և առաջավոր տեխնոլոգիաների արմատավորման աշխատանքներ:
Գյուղական համայնքների մանկապատանեկան ակումբներում «Ագրոբիզնես անասնապահությունում» ծրագրի շրջանակներում իրականացվում է պատանի ֆերմերների ուսուցում, մրցույթների և շնորհանդեսների անցկացում: Ամբիոնի աշխատակիցների նախաձեռնությամբ հիմնադրվել են ֆերմերների ազգային միությունը (ՖԱՄ), ֆերմերների միությունը (ՖՄ), որոնք համագործակցում են տարբեր հասարակական կազմակերպությունների (ԳԱՖ, Սպիտակ ֆերմեր, Հեյֆեր և այլն) հետ:
Վերջին տարիներին մեծ ուշադրություն է դարձվում բարձրորակ և անվտանգ մթերքների ստացման, կենդանիների բարեկեցության, ինչպես նաև կլիմայի փոփոխման հետ կապված անասնապահության խնդիրներին: Այս և նման այլ հարցերի շուրջ հանրապետության բոլոր մարզերի առաջավոր‎‎ ֆերմերների հետ խորհրդատվական աշխատանք է տանում ամբիոնի վարիչ Տ. Չիթչյանը: Ամբիոնի առաջնահերթ խնդիրներից է ուսումնական գործընթացում կիրառվող ժամանակակից տեխնոլոգիաների և մեթոդների ներդրումը:

Ամբիոնի դասախոսական և ուսումնաօժանդակ կազմը

Ամբիոնի վարիչ՝ Չիթչյան Տիգրան Ժիրայրի - գ.գ.թ., դոցենտ

  1. Մարմարյան Յուրի Գիգոլի - գ.գ.դ., պրոֆեսոր
  2. Սարգսյան Ռաշիդ Թևոսի - գ.գ.դ., պրոֆեսոր
  3. Փամբուխչյան Սարգիս Արշալույսի - գ. գ.դ., պրոֆեսոր
  4. Ղահրամանյան Ջևիկ Արսենի - գ.գ.թ., դոցենտ
  5. Մկրտչյան Համլետ Հայկազի - գ.գ.թ., դոցենտ
  6. Ոսկանյան Իրինա Կարապետի - գ. գ.թ., դոցենտ
  7. Հարությունյան Արթուր Սարգսի - գ.գ. թ., դոցենտ
  8. Փամբուխչյան Զորիկ Սլավիկի - գ.գ.թ., դոցենտ
  9. Տեր-Իսահակյան Լևոն Գեղամի - գ. գ. թ., դասախոս
  10. Ազիզյան Արևիկ Վաղիկի - գ.գ.թ. դասախոս
  11. Չիթչյան Ժիրայար Տիգրանի -գ.գ.թ. , դասախոս
  12. Աբաջյան Արաքսյա Սլավիկի - առաջատար մասնագետ
  13. Մկրտչյան Նարինե Հմայակի - 1-ին կարգի լաբորանտ
  14. Ջիլավյան Արմինե Ռոբերտի - 1-ին կարգի լաբորանտ
  15. Ներսիսյան Անահիտ Շավարշի - 2-րդ կարգի լաբորանտ
  16. Շահբեկյան Կարմեն Արշավիրի - 1-ին կարգի լաբորանտ
  17. Թարջումանյան Ալինա Պերճի - 1-ին կարգի լաբորանտ
  18. Մովսիսյան Սուսաննա Ալբերտի - 1-ին կարգի լաբորանտ

Դասավանդվող առարկաները
«Տավարաբուծության տեխնոլոգիա», «Ոչխարաբուծության տեխնոլոգիա», «Խոզաբուծության տեխնոլոգիա», «Ձիաբուծության տեխնոլոգիա», «Թռչնաբուծության տեխնոլոգիա», «Ճագարաբուծության տեխնոլոգիա», «Մեղվաբուծության տեխնոլոգիա», «Ձկնաբուծության տեխնոլոգիա», «Անասնաբուծություն» «Անասնաբուծական արտադրանքի արտադրության տեխնոլոգիա», «Մասնավոր անասնաբուծություն», «Անասնաբուծական մթերքների և հումքի ապրանքագիտություն և ստանդարտացում», «Գյուղատնտեսական կենդանիների բուծում», «Գյուղատնտեսական կենդանիների կերակրում», «Տոհմային գործ», «Անասնաբուծության փորձնական գործի մեթոդիկա», «Անասնաբուծության հիմունքներ»:

pdf_logo

Ուսումնական գործընթացի կազմակերպման բազմագործոնային բաղադրիչները կրեդիտային համակարգով՝ ըստ դասավանդվող կուրսերի և առարկաների:

Հետադարձ կապ
ՀԱԱՀ, III մասնաշենք, 216(ա) սենյակ
Հեռ. (37412) 52 92 72, ներքին՝ 2-13, 3-92
E-mail: Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10