hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը

ԱՆԱՍՆԱԲՈՒԺԱԿԱՆ ԲԺՇԿԱԳԻՏՈՒԹՅԱՆ ԵՎ ԱՆԱՍՆԱԲՈՒԾՈՒԹՅԱՆ ՖԱԿՈՒԼՏԵՏ

Դեկան՝ անաս.գ.դ., պրոֆ.
Ալբերտ Վիրաբի Վարդանյան

Անասնաբուժական բժշկագիտության և անասնաբուծության ֆակուլտետը հիմնադրվել է 1928թ. Անդրկովկասյան անասնաբուժական ինստիտուտի կազմում` որպես անասնաբուժական ֆակուլտետ: Հիմնադիր դեկանն է եղել պրոֆեսոր Բ.Ն.Միխայլովը: Հայկական գյուղատնտեսական ինստիտուտի անասնաբուծական ֆակուլտետը հիմնադրվել է 1930թ., ապա 1932թ. տեղափոխվել է Երևանի անասնաբուծական-անասնաբուժական ինստիտուտ: Հիմնադիր դեկանն է եղել Ա. Թամամշևը: 1994թ. Հայկական գյուղատնտեսական և Երևանի անասնաբուծական-անասնաբուժական ինստիտուտների միավորումից հետո ֆակուլտետը վերանվանվեց անասնաբուժական բժշկագիտության ֆակուլտետ, իսկ 2003թ. երկու ֆակուլտետների միավորմամբ կազմավորվեց անասնաբուժական բժշկագիտության և անասնաբուծության ֆակուլտետը:

2006 թ.-ից ֆակուլտետը ղեկավարում է պրոֆեսոր Ա.Վ. Վարդանյանը:

Ֆակուլտետի կազմում գործում են հետևյալ ամբիոնները.

Անասնաբուժական բժշկագիտության և անասնաբուծական ֆակուլտետը մասնագետներ է պատրաստում 3 մասնագիտությունների գծով`

Ֆակուլտետն ունի նյութատեխնիկական հարուստ բազա, եվրոպական նորագույն մասնագիտական գրականություն և սարքավորումներ: ՈՒսուցումը պատշաճ մակարդակով կազմակերպելու համար գործնական ուսուցումը տարվում է անասնաբուժական կլինիկաներում, փորձնական տնտեսություններում, մսի կոմբինատներում, կաթի գործարաններում, անասնապահական ֆերմաներում, ինչպես նաև համալսարանի ուսումնափորձնական տնտեսությունում: Ֆակուլտետին կից գործող անասնաբուժական կլինիկաներն ու լաբորատորիան ոչ միայն նպաստում են ուսանողների գործնական հմտությունների ձեռքբերմանն, այլև սպասարկում են բնակչությանը:

Բոլոր երեք մասնագիտությունների գծով ուսանողները մասնակցում են արհեստական սերմնավորողի դասընթացներին և ստանում «Արհեստական սերմնավորող օպերատորի» որակավորում:

Ֆակուլտետի շրջանակներում իրականացվում են տարաբնույթ ծրագրեր, այդ թվում և միջազգային, ինչպես ` «Տեմպուս-Տասիս», «Էրասմուս», «ՄՆՏՑ» և այլն: Ամբողջովին վերափոխվել և եվրոպական ստանդարտներին են համապատասխանեցվել ֆակուլտետի մասնագիտությունների կրթական պետական չափորոշիչները (ստանդարտներ) և ուսումնական պլանները, առարկայական ծրագրերն ու ուսումնամեթոդական գրականությունը:

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10