hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Միջոցառումների ցանկ

Բուսաբուծության և բանջարաբուծության ամբիոն

Ամբիոնի վարիչ՝ 
Մելիքյան Անդրեաս Շմավոնի

Բուսաբուծության ամբիոնը ստեղծվել է 1924թ.-ին Երևանի պետական համալսարանի գյուղատնտեսական ֆակուլտետի կազմում: 1930թ. այն փոխադրվել է նորաստեղծ Հայկական գյուղատնտեսական ինստիտուտ (ներկայումս՝ ՀԱԱՀ): Ամբիոնը երկար տարիներ ղեկավարել են ակադեմիկոսներ Մ. Թումանյանը, Ա. Մատթևոսյանը, պրոֆեսորներ Ա. Թովմասյանը, Մ. Գյուլխասյանը: Բուսաբուծության և բանջարաբուծու-թյան վերանվանված ամբիոնը 2009-ից գլխավորում է գ.գ.դ., պրոֆեսոր Ա.Շ. Մելիքյանը:
Ամբիոնում ՀԱԱՀ բակալավրիատի 24, մագիստրատուրայի 5 և ասպիրանտուրայի 2 մասնագիտությունների առկա և հեռակա ուսուցման համակարգերում դասավանդվում է ավելի քան 17 առարկա:
Դասախոսների նախաձեռնությամբ ամբիոնում իր ողջ պատմության ընթացքում հրատարակվել են ավելի քան 35 դասագիրք և ուսումնական ձեռնարկ, 1200-ից ավելի գիտական հոդված և այլ աշխատանքներ: Ամբիոնն իր ավելի քան 90-ամյա պատմության ընթացքում գիտամանկավարժական բարձր որակավորում ունեցող աշխատակազմով մեծ ներդրում է ունեցել հազարավոր գյուղատնտեսների, բույսերի պաշտպանների, սելեկցիոներների, իսկ այսօր նաև ջերմատնային մասնագետների պատրաստման գործում:
busab_ev_banjarԱյսօր էլ ամբիոնն ուսումնական ծրագրերի կատարելագործմանը զուգընթաց իրականացնում է գիտական և ուսումնամեթոդական աշխատանքներ, որոնք շաղկապ-վում են ուսուցման նոր մեթոդների, առաջավոր տեխնոլոգիաների կի-րառմամբ, գնահատման կրեդիտա-յին համակարգի ներդրմամբ, պար-բերաբար նորացվում է լսարանա-յին ֆոնդը, հագեցվում հեռահար կրթական տեխնիկայով և ցուցադրական տարբեր նյութերով, լաբորատոր սարքավորումներով, հրատարակվում են մեթոդական նյութեր առկա և հեռակա ուսուցման համակարգերում օգտագործելու համար: Ստեղծվել է դաշտային փորձարարական բազա, որտեղ ուսանողներն իրենց ավարտական թեզերի հետազոտական փորձերն են կատարում: Դասավանդվող առարկաների գծով արտա-դրական պրակտիկաները կազմակերպվում են ճյուղային գիտական կենտրոններում, որտեղ վերջերս ստեղծվել են ամբիոնի կից լսարաններ:
Ամբիոնը գիտաուսումնական բազմակողմանի համագործակցության կապեր ունի հանրապետության և արտերկրյա համալսարանների, միջազգային կազմակերպությունների և գյուղատնտեսական գիտական կենտրոնների (FAO, UNDP, EUCARPIA, IFAD, VIR, IKARDA, VOCA-VISTA AA, ECPIGR, IPGRI/ Agrobiodiversity և այլն) հետ: Ամբիոնի մասնագետները գիտագործնական աջակցություն և խորհրդատվական աշխատանքներ են կատարում Հայաստանի Հանրապետության մարզերի ֆերմերային և գյուղացիական տնտեսություններում:
Միջազգային և տեղական տարբեր կառույցների ֆինանսավորմամբ (FAO, GIZ, IPGRI, GEF, IFAD) բազմաթիվ ծրագրեր են իրականցվում կապված գյուղական տնտեսության ենթակառուցվածքների կատարելագործման, ներքին տնտեսական ներուժի առավել արդյունավետ օգտագործման, նորագույն ագրոնոտեխնոլոգիաների ներդրման, բնական խոտհարքների և արոտավայրերի մակերեսային բարելավման, բույսերի գենետիկական ռեսուրսների պահպանման, սելեկցիայում օգտագործման և այլ խնդիրների լուծման ուղղությամբ:
Կիրառական հետազոտություններ են կատարվում նոր դաշտային և բանջարային մշակաբույսերի մշակության մեջ ներդնելու ուղղությամբ, ինչպես նաև մշակության մեջ հայտնի բուսատեսակների նոր սորտերի և դրանց մշակության առաջավոր տեխնոլոգիաների փորձարկմամբ:
Հետբուհական կրթական համակարգում՝ ասպիրանտուրայի միջոցով շարունակվում են գիտական կադրերի պատրաստման աշխատանքները, այդ թվում նաև արտերկրի հայցորդներից (Իրան, Սիրիա): 

Գիտահետազոտական կարևոր օ-ղակ է ամբիոնին կից գործող Բույսերի գենոֆոնդի պահպանու-թյան և սելեկցիայի գիտահետա-զոտական լաբորատորիան, որի աշխատանքների կենտրոնում շա-րունակում են մնալ մշակովի բույսերի (հացազգիներ, բանջարա-յին և արոմատիկ բույսեր) և դրանց վայրի ազգակից աբորիգեն ներ-կայացուցիչների պահպանման և արդյունավետ օգտագործման խըն-դիրները: Ներկայումս շարունակ-վում են դրանց տեսակային բազմազանության ուսումնասիրությունները, սերմնային բանկի հարստացումը, տվյալների էլեկտրոնային բազայի ստեղծումը և վայրի տեսակների գենոֆոնդի օգտագործմամբ նոր, արժեքավոր սորտերի բուծումը:
Այսօր լաբորատորիայի ex situ սերմնային հավաքածուն, որը ՀՀ-ում ամենամեծն ու հարուստն է պարունակում է 4500-ից ավելի նմուշներ, դրանցից 2250-ը վայրի, մնացածը արտասահմանյան գիտական կենտրոն-ներց ստացված և հայկական տեղական (աբորիգեն) սորտանմուշներն են: Պահպանվում է նաև տարբեր բույսերի հերբարիումային շուրջ 1000 թերթ: Լաբորատորիայի գիտաշխատողների կողմից վայրի ծնողական ձևերի հետ տրամախաչմամբ բուծվել են աշնանացան ցորենի Ոսկեհասկ, գարու Արարատի-7, Մարինա, Հայկ-1, ցորենաշորայի Սիս-1, Սիս-2, հաճարի Արփի և Արևիկ, աշորայի Սյունիք-1 սորտերը, սոխի Արմավիրի, սխտորի Ձյունիկ, որոնք շրջանացված են Հայաստանում: Այժմ շարունակվում են աշխատանքները հացահատիկային և բանջարային բույսերի մի շարք նոր հեռանկարային գծերի ստացման ուղղությամբ:

Ամբիոնի դասախոսական և ուսումնաօժանդակ կազմը

Ամբիոնի վարիչ՝ Մելիքյան Անդրեաս Շմավոնի - գ.գ.դ., պրոֆեսոր

  1. Հարությունյան Հենրիկ Մկրտչի - գ.գ.թ. դոցենտ
  2. Մարտիրոսյան Համլետ Սարգսի - գ.գ.թ. դոցենտ
  3. Թովմասյան Գագիկ Ազատի - գ.գ.թ. դոցենտ
  4. Նազարյան Ռուդիկ Նազարի - գ.գ.թ. դոցենտ
  5. Գրիգորյան Ստասիկ Մնացականի - գ.գ.թ. դոցենտ
  6. Թադևոսյան Ալինա Մելիքի - գ.գ.թ. դասախոս
  7. Տերտերյան Հասմիկ Զադիկի - գ.գ.թ. դասախոս
  8. Սիսեռյան Ռուբեն Զարեհի - գ.գ.թ. դասախոս
  9. Գասպարյան Նաիրա Աշոտի - գ.գ.թ.ասիստենտ
  10. Պետրոսյան Լաուրա Լևոնի - ասիստենտ
  11. Սարդարյան Անժելա Վրեժի - 1-ին կարգի լաբորանտ
  12. Դարբինյան Իռա Գարեգինի - 1-ին կարգի լաբորանտ
  13. Գրիգորյան Արմիկ Արշակի - 1-ին կարգի լաբորանտ
  14. Ալեքսանյան Գոհար Ալեքսանի - 2-րդ կարգի լաբորանտ

Դասավանդվող առարկաները
«Բուսաբուծություն», «Բանջարաբուծություն», «Պաշտպանված գրունտի բանջարաբուծություն», «Սելեկցիա և սերմնաբուծություն», «Մարգա-գետնաբուծություն», «Կերարտադրություն», «Հատիկաբանություն», «Ագրոկենսաբազմազանություն», «Բուսական ծագման մթերքների ապրանքագիտություն» և այլն:

Համագործակցությունը միջազգային կառույցների հետ
FAO, UNDP, EUCARPIA, IFAD, VIR, IKARDA, VOCA-VISTA AA, ECPIGR, IPGRI/ Agrobiodiversity և այլն:

pdf_logo

2015-2016 ուստարվա ուսումնական գործընթացի կազմակերպման բազմագործոնային բաղադրիչները կրեդիտային համակարգով՝ ըստ դասավանդվող կուրսերի և առարկաների:

Հետադարձ կապ
ՀԱԱՀ, I-մասնաշենք, 218 սենյակ
Հեռ. (37410) 58 00 65, ներքին՝ 3-43
E-mail: Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

 

ՀԱՅՏԱՐԱՐՈՒԹՅՈՒՆ

Լոնդոնի համալսարանական քոլեջը կազմակերպում է 2016-2017 թթ. Ամառային դպրոց, որին կարող են մասնակցել ուսանողներ ամբողջ աշխարհից:
3-ից 6 շաբաթ տևողությամբ Ամառային դպրոցը կկայանա Լոնդոնի սրտում` հնարավորություն տալով ուսանողներին ձեռք բերել եզակի փորձառություն:
Դիմում-հայտը կարող եք ուղարկել 2016 թ.-ի դեկտեմբերի 1-ից, և մինչև 2017 թ.-ի մարտի 1-ը դիմում-հայտ ներկայացրած մասնակիցները կազատվեն մասնակցության վճարից: Դիմում-հայտերը կարող եք ուղարկել էլ. փոստի հետևյալ հասցեին` summer@ucl.ac.uk

...

Ուշադրություն

ՀԱՅՏԱՐԱՐՈՒԹՅՈՒՆ

Լատվիայի գյուղատնտեսական համալսարանը 2017թ. մայիսի 10-12-ը հրավիրում է մասնակցելու BALTIC SURVEYING'17 միջազգային գիտամեթոդական գիտաժողովին:
Գիտաժողովի նպատակն է իրականացնել փորձի փոխանակում հողաշինարարության, հողօգտագործման, կադաստրի, գյուղական զարգացման, գեոդեզիայի, քարտեզագրության և այլ թեմաների շրջանակներում: Աշխատանքային լեզուներն են անգլերենը և ռուսերենը:
Մասնակիցների հոդվածները կտպագրվեն գիտաժողովի ամսագրում: Գիտաժողովը չի հոգում մասնակցության հետ կապված ծախսերը:

...
Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
ԱԳՐՈԼՈՒՐ

Իրադարձությունների օրացույց

Դեկտեմբեր 2016
Կիր Երկ Երք Չրք Հնգ Ուբթ Շբթ
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Գրանցվեք նորությունների համար

10