hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆ

ՀԱԱՀ արհմիութենական կազմակերպությունը ստեղծվել է 1995թ. նախկին երկու՝ Հայկական գյուղատնտեսական և Երևանի անասնաբուծական - անասնաբուժական ինստիտուտների արհմիութենական կազմակերպությունների միավորման արդյունքում: Միացյալ արհկոմիտեի առաջին նախագահն է եղել դոցենտ Ռ.Ա.Թովմասյանը, հետագայում՝ դոցենտ Հ.Ա.Զաքարյանը, պրոֆեսոր Տ.Զ. Պապոյանը: Ներկայումս արհկոմիտեի նախագահն է պրոֆեսոր Վ.Վ.Աբրահամյանը:

ՀԱԱՀ-ի բոլոր ֆակուլտետներում և ստորաբաժանումներում ստեղծված են արհմիութենական սկզբնական կազմակերպություններ, որտեղ ընդգրկված են ավելի քան 1200 անդամներ:
Արհկոմիտեն աշխատանքներն իրականացնում է իր կազմում գործող հանձնաժողովների միջոցով: Լայն է արհմիության գործունեության ոլորտը. կոլեկտիվի անդամների և ուսանողության սոցիալ-տնտեսական և աշխատանքային հարցերի լուծում, հանգստի կազմակերպում, բուժման և աշխատանքի անվտանգության ապահովում, աշխատողների իրավունքների և դրանցից բխող շահերի պաշտպանում:
Իրականացվող սոցիալական ծրագրերում նշանակալի դեր ունի արհկոմիտեի հետևողական հովանավորչությունն առավել կարիքավոր անհատների նկատմամբ՝ նրանց պարբերաբար տրամադրելով նյութական օգնություն: ՀԱԱՀ-ի աշխատակիցներին տրամադրվում են Աղավնաձորում գտնվող «Զարթոնք» հանգստյան տան (տնօրեն` Գագիկ Կարապետյան) ուղեգրեր՝ զեղչերով, իսկ առավել կարիքավորներին` 5-օրյա անվճար ուղեգրեր: Այնտեղ կազմակերպվում են նաև ամանորյա միջոցառումներ:
Ուշադրության կենտրոնում են  նաև ուսանողական հանրակացարանը, այնտեղ բնակվող ուսանողների կենցաղային պայմանների բարելավման հարցերն ու  հանգստի կազմակերպումը: Արհկոմիտեի նախաձեռնությամբ և անմիջական մասնակցությամբ սկսվել է ՀԱԱՀ-ի մասնաշենքերի շրջակա տարածքների կանաչապատումը:
Արհկոմիտեն, նշում է բոլոր աշխատակիցների հոբելյանները: Ուշադրության են արժանանում նաև ուսանողական գիտաժողովներում, սպորտային մրցումներում և ինտելեկտուալ խաղերում մրցանակային տեղեր գրավող ուսանողները: Խրախուսվում է նաև ՀԱԱՀ-ի շախմատի ակումբի /ղեկավար` Ռ.Չատինյան/ գործունեությունը: Կազմակերպվել են  հանդիպումներ հայ օլիմպիական չեմպիոնների, կին շախմատիստների հետ: Ռեկտորատի հետ համատեղ ամեն տարի նշվում է մայիսի 9-ը՝ Շուշիի ազատագրման օրն ու հաղթանակի և խաղաղության տոնը: Այդ օրը ՀԱԱՀ-ի վետերանները պարգևատրվում են պատվոգրերով, շնորհակալագրերով և ստանում ֆինանսական օգնություն: Մեծ հանդիսությամբ նշվում է նաև կանանց միջազգային տոնը` մարտի 8-ը: ՀԱԱՀ-ի բոլոր կանայք ստանում են նվերներ, իսկ առավել արժանավորները՝  նաև պատվոգրեր: Երեխաների պաշտպանության օրը` հունիսի 1-ը, նշվում է երաժշտական հեքիաթային ներկայացումներով, կազմակերպվում է շնորհալի երեխաների գործերի ցուցահանդես, տրվում են մրցանակներ: Երեխաների համար կազմակերպվում է նաև ամանորյա հանդես` Ձմեռ պապի, Ձյունանուշի, հեքիաթային հերոսների մասնակցությամբ և իհարկե նվերներով:

Զգալի աշխատանք է կատարվել մշակութային կյանքի աշխուժացման ուղղությամբ: Մշակույթի կենտրոնը /դոց. Պ.Սերոբյան/, գրադարանը /Վ.Մելքոնյան/, հայոց պատմության և փիլիսոփայության ամբիոնը /դոց. Ա.Գլջյան/ արհկոմիտեի հետ համատեղ կազմակերպել են հանդիպումներ մշակույթի և գրականության հայտնի գործիչների հետ: Նշվել են հայ ժողովրդի ականավոր զավակների հոբելյանական տարեթվերը: Կնքվել են պայմանագրեր հանրապետության համարյա բոլոր թատրոնների հետ, ինչպես նաև անվանի բանաստեղծների հոբելյանական երեկոներ կազմակերպող «Զարթոնք» ընկերության հետ: Արդյունքում ՀԱԱՀ-ի աշխատակիցներին անվճար տրամադրվել են բազմաթիվ ներկայացումների և համերգների տոմսեր:
ՀԱԱՀ-ում արհկոմիտեին կից գործում է երգի-պարի համույթը, որի գեղարվեստական ղեկավարն է Ռ.Աբաղյանը: Համույթը մասնակցում է համալսարանում կազմակերպվող բոլոր միջոցառումներին, բազմաթիվ ելույթներ է ունեցել համերգային դահլիճներում, զորամասերում, ծերանոցներում:

Հետադարձ կապ
ՀԱԱՀ, II մասնաշենք 
Հեռ. (37410) 56-17-90, ներքին՝ 2-35

 
ԱԳՐՈԼՈՒՐ

Իրադարձությունների օրացույց

Հոկտեմբեր 2014
Կիր Երկ Երք Չրք Հնգ Ուբթ Շբթ
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Գրանցվեք նորությունների համար

10