hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Ուրբաթ, Հոկտեմբեր 05

Արդյունավետ հանգստյան օրեր Ագրոնոմիական ֆակուլտետի ուսանողների համար 

Ագրոնոմիական ֆակուլտետի ուսանողներն անցած կիրակի օրը՝ սեպտեմբերի 30-ին, մեկնել էին էքսկուրսիա դեպի Հաղարծին և Պարզ լիճ: Նրանց հետ էր նաև ֆակուլտետի դեկան Գագիկ Սանթրոսյանը: Նախաձեռնությունը ֆակուլտետի ուսանողական խորհրդինն էր, նպատակը՝ ոչ միայն ծանոթանալ տարածաշրջանի պատմամշակութային

հուշարձաններին ու բնության առանձնահատկություններին, այլև առաջին կուրսեցիներին ինտեգրել ակտիվ ուսանողական կյանք:
Հագեցած և բովանդակալից օրվա ընթացքում ուսանողները եղան 12-13-րդ դարերում կառուցված Հաղարծին վանական համալիրում, մոտիկից ծանոթացան ժամանակաշրջանի հայկական ճարտարապետությանը, որից հետո օրը շարունակվեց անտառներով շրջապատված Պարզ լճի շրջակայքում: Սողանքաարգելափակոցային ծագում ունեցող Պարզ լիճն իր հարակից տարածքով ապագա ագրոնոմների համար իսկական հետաքրքրությունների և ուսումնասիրություների աղբյուր էր: Օգտակարին ավելացավ նաև հաճելի ժամանցը՝ երեկոյան խարույկի շուրջ ուրախ երգ ու պար, ասմունք ու անկեղծ զրույցներ, և տպավորություններով հագեցած հանգստյան օրն այլևս ուսանողական կյանքի անմոռաց հուշերի շարքում է:
Ագրոնոմիական ֆակուլտետի ուսանողական խորհրդի նախագահ Արմեն Բաբայանի խոսքով՝ էքսկուրսիայի ընթացքում շատ կարևոր էր, որ առաջին կուրսեցիներն անմիջականորեն շփվեցին բարձր կուրսեցիների հետ և ավագ ընկերների հետ միասին բացահայտեցին տարածաշրջանի բնության հրաշքները: Ֆակուլտետի «Ագրոնոմիա, սելեկցիա, գենետիկա» մասնագիտության առաջին կուրսի ուսանողուհի Մարիամ Մագթաղյանը, մեզ հետ կիսվելով էքսկուրսիայի տպավորություններով, նշեց. «Այդ օրը ես ձեռք բերեցի ավագ ընկերներ, որոնց հետ շփումն այնքան անմիջական էր ու հետաքրքիր, որ կարծես վաղուցվա ընկերներ լինեինք: Էքսկուրսիայի ընթացքում, նրանց հետ լինելով բնության գրկում, ես նորովի արժևորեցի ագրոնոմի մասնագիտությունը՝ հասկանալով, որ մասնագիտական ընտրության հարցում չեմ սխալվել»:
Հետաքրքիր և արդյունավետ հանգստյան օրեր ենք մաղթում բոլորին:

Նազելի Ավագյան

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10