hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Հինգշաբթի, Հոկտեմբեր 04

Ուսումնական պրակտիկա «Հիդրոտեխնիկական կառուցվածքներ» առարկայից 

Համալսարանում ընթացող բարեփոխումների շրջանակներում առանձնակի կարևորվում է ուսումնական պրակտիկաների արդյունավետության բարձրացումը, երբ տեսական գիտելիքն ամրապնդվում է գործնականով: Այս առումով Հիդրոտեխնիկական կառուցվածքների և մելիորացիայի ամբիոնը (վարիչ, գյուղ.գիտ. դոկտոր, պրոֆ. Գ.Եղիազարյան) նորովի մոտեցում է հանդես բերում պրակտիկաների անցկացմանը՝ ելնելով նաև «Հիդրոտեխնիկական կառուց-

վածքներ» առարկայի առանձնահատկություններից: «Հողաբարելավում, հողային և ջրային ռեսուրսների օգտագործում և պահպանում» մասնագիտության 4-րդ կուրսի ուսանողները նշված առարկայից ուսումնական պրակտիկան անցկացրեցին Մարմարիկի և Ազատի ջրամբարներում, ինչպես նաև Երևանյան լճի տարածքում: Պրակտիկայի մասնակից 12 ուսանողներն էլ մոտիկից ուսումնասիրեցին ջրամբարների կոնստրուկտիվ տարրերը, կիրառված նորագույն տեխնոլոգիաները, ինչն իրոք, ավելի շոշափելի կդարձնի տեսական գիտելիքների խորացումը և կնպաստի ուսանողների կողմից կուրսային աշխատանքների կատարմանը:
Հնգօրյա պրակտիկայի ընթացքում ուսանողներին հիդրոտեխնիկական կառուցվածքներին մանրամասն ծանոթացնում և նրանց հետ մասնագիտական հարցեր էին քննարկում ՀՏԿ և մելիորացիայի ամբիոնի դոցենտներ Հայկ Ղազարյանը և Քոչար Մարտիրոսյանը:


Նկարագիր.

Մարմարիկի ջրամբար. գտնվում է Կոտայքի մարզի Մարմարիկ գետի վրա: Ջրամբարն ունի 55 մ բարձրության պատվար, 24 մլն խմ ընդհանուր ծավալ և 23 մլն խմ օգտակար ծավալ: Մարմարիկի ջրամբարի շահագործման շնորհիվ ջրի բացթողումները Սևանա լճից նվազել են տարեկան 23 մլն խմ: Կոտայքի մարզի 1055 հա գյուղատնտեսական հողատարածքները (Մեղրաձորի, Աղավնաձորի, Մարմարիկի, Փյունիկի և Հրազդանի բնակեցված տարածքները) ստանում են մոտ 9 մլն խմ ոռոգման ջուր:

Ազատի ջրամբար. ունի 24,5 մետր խորություն, կարող է 70 մլն խորանարդ մետր ջուր տեղավորել, որից օգտակարը սովորաբար լինում է 60 մլն խորանարդ մետր, մակերեսը 2,85 քկմ է: Երկնքից այն մեծ փշերով ու երկար պոչով ձկան տեսք ունի, գտնվում է 55 կմ երկարություն ունեցող Ազատ (Գառնի) գետի միջին հոսանքում: 

Jrambar_4


Երևանյան լիճ (Երևանյան ծով). արհեստական ջրամբար է, որը գտնվում է Երևանի հարավ-արևմուտքում՝ Հրազդանի կիրճում՝ 908 մ բարձրության վրա։ Կառուցվել է Հրազդան գետի հոսքը կանոնավորելու և ջրերն օգտագործելու նպատակով։ Պատվարը հողային է՝ երեսպատված երկաթբետոնե սալիկներով, երկարությունը՝ 480 մ, առավելագույն բարձրությունը՝ 29 մ։ Կամրջի դեր է կատարում Երևանի աջափնյա և ձախափնյա շրջանների միջև։ Ոռոգման ջուրը բաց է թողնվում աջ ափին կառուցված հատակային ջրթողքի միջոցով։ Լճի աջ ափի երկարությամբ (364 մ) կառուցվել է խրամատային ջրընդունիչ՝ լողացող մարմինները հեռացնելու նպատակով։ Լճի ափերը մասնակիորեն բետոնապատված են։ Երևանյան լիճը մեծ նշանակություն ունի շրջապատի միկրոկլիմայի և քաղաքային հանգստի գոտու ձևավորման համար։ Կանոնավորվել է Հրազդանի վերին հոսանքի ազատ հոսքը, լճից սկսվում են Էջմիածնի և Փարաքարի ջրանցքները։ Ձմռանը հազվադեպ սառցակալում է։


ՀՏԿ և մելիորացիայի ամբիոն

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10