hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Երեքշաբթի, Հունիս 05

Շրջանավարտներին դիպլոմներ հանձնեց գյուղատնտեսության նախարարը

Հունիսի 5-ին Հայաստանի ազգային ագրարային համալսարանի մեծ դահլիճում տեղի ունեցավ ՀԱԱՀ Ագրոբիզնեսի ուսուցման կենտրոնի բակալավրիատի և մագիստրատուրայի, ինչպես նաև Երևանի Ի-Վի-Էն գինու ակադեմիայի այս տարվա շրջանավարտների ավարտական արարողությունը:


Ներկա էին ՀՀ գյուղատնտեսության նախարար Արթուր Խաչատրյանը, ԱՄՆ միջազգային զարգացման գործակալության հայաստանյան ծրագրի ներկայացուցիչ Լայլա Բաշամը, ԱՄՆ Տեխասի Էյ ընդ Էմ և Գերմանիայի Գայզենհայմի համալսարանների ներկայացուցիչներ, ՀԱԱՀ ռեկտոր, ԳԱԱ իսկական անդամ Արշալույս Թարվերդյանը, ԱՈՒԿ-ի տնօրեն Վարդան Ուռուտյանը, ուսանողներ, շրջանավարտների ծնողներ:
Ողջունելով ներկաներին հիշարժան օրվա առթիվ՝ ՀԱԱՀ ռեկտորը դահլիճ հրավիրեց օրվա 60 «հերոսներին»՝ ԱՈՒԿ-ի մագիստրատուրայի 17, բակալավրիատի 29 և Գինու ակադեմիայի 14 շրջանավարտներին:
«Սիրելի՛ շրջանավարտներ, այսօր դուք բացում եք ձեր կյանքի նոր՝ մասնագիտական կարիերա սկսելու էջը: Գյուղատնտեսությունը երկրի տնտեսության անկյունաքարային ճյուղն է, և եկել է ձեր գիտելիքները երկրի զարգացմանն ի նպաստ դնելու ժամանակը»,-շնորհավորելով շրջանավարտներին՝ ասաց նախարար Արթուր Խաչատրյանը:
Շրջանավարտներին շնորհավորանքի խոսքեր ասացին նաև Լայլա Բաշամը, ԱՄՆ Տեխասի համալսարանի պրոֆեսոր Ջոն Նիքըլզը, Գերմանիայի Գայզենհայմի համալսարանի ներկայացուցիչ Լինդա Բիչը, Ագրոբիզնեսի ուսուցման կենտրոնի տնօրեն Վարդան Ուռուտյանը՝ մաղթելով բարի երթ,նորանոր ձեռքբերումներ կյանքում և աշխատանքում:
Շրջանավարտներից Էլլա Աղաբաբյանը, Գևորգ Տեր-Գրիգորյանը և Հայարփի Շահինյանը երախտիքի խոսքեր ասացին ծնողներին, դասախոսներին, միջազգային դոնոր կազմակերպություններին և հովանավորներին, ովքեր ներդրում են ունեցել իրենց կրթության մեջ՝ ջանք ու եռանդ չխնայելով ագրոբիզնեսի և գինեգործության մրցունակ մասնագետներ պատրաստելու համար և հավաստիացրին, որ իրենց ստացած ժամանակակից, որակյալ կրթությունը անվերապահ կծառայեցնեն երկրի ապագան նորովի կերտելու հայրենանվեր գործին:
Այնուհետև ՀՀ գյուղատնտեսության նախարարն ԱՈՒԿ-ի շրջանավարտներին հանձնեց ՀԱԱՀ ավարտական դիպլոմներ, պրոֆեսոր Ջոն Նիքըլզը՝ Տեխասի Էյ ընդ Էմ համալսարանի հավաստագրերը, իսկ Գինու ակադեմիայի շրջանավարտները Լինդա Բիչից ստացան Գայզենհայմի համալսարանի վկայականներ:
«Սիրելի՛ շրջանավարտներ, ուր էլ որ գնաք, որ երկրում էլ լինեք, մայր բուհը միշտ սպասում է ձեզ: Ձեր առջև բաց են նոր դռներ, նոր հնարավորություններ ՀՀ ագրոպարենային ոլորտի առաջընթացն ապահովելու համար»,-բարի երթ մաղթելով շրջանավարտներին՝ ասաց ՀԱԱՀ ռեկտորը՝ վերջում կատակելով. «Եվ հիշեք, ի վերջո մասնագիտական կրթության ավարտական վկայագրերը դուք ստացել եք հենց ՀՀ գյուղատնտեսության նախարարի ձեռքից, ինչը ենթադրում է, որ ոլորտում աշխատանք գտնելու խնդիր այլևս չունեք»:
Իրականում ԱՈՒԿ-ի շրջանավարտները մրցունակ են ագրոբիզնեսի ոլորտի ժամանակակից աշխատաշուկայում. նրանց 90 տոկոսն ավարտելուց հետո մի քանի ամսում անցնում է միջինից շուրջ կրկնակի բարձր վարձատրվող մասնագիտական աշխատանքի Հայաստանում և արտերկրի միջազգային կազմակերպություններում: Երևանի գինու ակադեմիայի նախորդ երկու տարիների շրջանավարտները ևս ապահովված են մասնագիտական աշխատանքով: Այնպես որ ևս մեկ անգամ գալիս ենք այն եզրահանգման, որ կայուն ապագա ունենալու երաշխիքը ճիշտ մասնագիտություն ընտրելն ու որակյալ կրթություն ստանալն է:

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10