hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Կիրակի, Ապրիլ 08

Փանոս Թերլեմեզյանին նվիրված դասախոսություն Ագրարայինում 

Կյանքի մեծ մասը դժվարությամբ ու աղքատության մեջ ապրած, 20-րդ դարի հայ անվանի նկարիչ Փանոս Թերլեմեզյանն իր ամբողջ ունեցվածքը՝ 2 մլն. ռուբլի արժողությամբ ստեղծագործական ժառանգությունը և բանկերում կուտակած 27.000 ռուբլի դրամական խնայողությունը

կտակել է Հայաստանի ազգային պատկերասրահին: Թերևս հենց դա է պատճառը, որ Թերլեմեզյանի անունն է կրում Երևանի գեղարվեստի պետական քոլեջը: Հայրենասեր նկարչի ու հասարակական գործչի կյանքն ու ստեղծագործական ուղին Ագրարայինի  փոքր դահլիճում արվեստասեր դասախոսներին և ուսանողներին ներկայացրեց ՀԱԱՀ պատմության թանգարանի վարիչ, արվեստաբան Սյուզաննա Փիլոսյանը: Դասախոսությունն ուղեկցվում էր տեսաշարով և նկարչի մասին հետաքրքիր, ուշագրավ պատմություններով: Վանի Այգեստան թաղամասում ծնված, դառը մանկություն ու պատանեկություն ունեցած երիտասարդը մեծ դժվարությամբ կարողանում է հասնել իր երազանքին՝ ընդունվել Պետերբուրգի գեղարվեստի ակադեմիա, ապա և Խրիմյան Հայրիկի աջակցությամբ ուսումը շարունակել Փարիզի Ռուդոլֆ Ժյուլիանի գեղարվեստի ակադեմիայում՝ աշակերտելով անվանի նկարիչներ Ժան Պոլ Լորանսին և Բենժամեն Կոնստանին, մասնակցել նկարչական մի շարք մրցույթների՝ զբաղեցնելով պատվավոր հորիզոնականներ և արժանանալով ոսկե մեդալների: Ապրելով տարբեր երկրներում՝ ի վերջո նախընտրում է նորից վերադառնալ հայրենիք, «որպեսզի իր ճակատի քրտինքը խառնի հայ շինականի քրտինքին, որպեսզի մեր երկիրը միասին վերաշինենք»:

Նա եղել է նաև ակտիվ հասարակական գործիչ, ֆիդայի, դեռ երիտասարդ տարիներից հարել սուլթանական կառավարության դեմ պայքարող երիտասարդական խմբավորմանը, մասնակցել Վանի ինքնապաշտպանությանը, պայքարել անարդարության դեմ, որի համար էլ միշտ հետապնդվել է իշխանությունների կողմից, մի քանի անգամ ձերբակալվել, սակայն անգամ ձերբակալված` շարունակել ստեղծագործել: Թերլեմեզյանը մտերիմ է եղել Հովհաննես Թումանյանի, Դանիել Վարուժանի, Գրիգոր Զոհրապի և ժամանկաշրջանի մյուս հայ մեծերի հետ, իսկ Կոմիտասի հետ մի որոշ ժամանակ Կ. Պոլսում վարձով բնակվել են նույն տանը: Նա նկարել է Թումանյանին որսի ժամանակ, Կոմիտասին՝ ծննդավայր Քոթահիայում՝ ծառի ստվերում նստած գիրք կարդալիս, որն ի դեպ միակ կտավն է, որտեղ Կոմիտասը հանդես է եկել որպես բնորդ: Նրա ստեղծագործական ժառանգության մի մասը կորել է 1915թ.-ին Վանից Թիֆլիս գաղթի ճանապարհին, սակայն եղած գործերն էլ բավական են փաստելու, որ նա հայ բնանկարչությունը հասցրել է մի նոր բարձունքի: Ս. Փիլոսյանը վերլուծեց նաև նրա կտավների մի մասը՝ բնանկարներ, դիմանկարներ, նատյուրմորտներ…
Միջոցառման վերջում ներկաները շնորհակալություն հայտնեցին Ս. Փիլոսյանին՝ հետաքրքիր և հագեցած դասախոսության համար՝ կարևորելով նման միջոցառումների դերը մարդու գեղագիտական աշխարհայացքի ձևավորման հարցում:
«Արդեն բարի ավանդույթ է դարձել Ագրարային համալսարանում տիկին Սյուզիի կողմից ժամանակ առ ժամանակ կազմակերպվող դասախոսությունները՝ նվիրված մշակույթի ու արվեստի հայ գործիչներին: Շնորհակալ ենք թեկուզ մեկ ժամով մեզ առօրյայից կտրելու և արվեստին մոտեցնելու համար»,-ասաց ՀԱԱՀ վարչատնտեսական դեպարտամենտի պետ-պրոռեկտոր Պարույր Էֆենդյանը՝ հույս հայտնելով, որ հաջորդ դասախոսությունը չի ուշանա:


Նազելի Ավագյան

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10