hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Ուրբաթ, Փետրվար 23

Տեսականից՝ գործնականին. նոր
         ծրագիր ՀԱԱՀ-ում


2018թ. փետրվարի 19-20-ին Սամարղանդում (Ուզբեկստան) մեկնարկեց ՀԱԱՀ-ի համար միջազգային կարևոր նախագծերից մեկը՝ TOPAS-ը: Այն Էրազմուս+ ՀԳ2` կարողությունների զարգացմանն ուղղված ծրագրերից երկրորդն է, որում ընդգրկված է Ագրարային համալսարանը:

TOPAS-ի հիման վրա կմշակվեն այնպիսի մեխանիզմներ, որոնք էապես կբարելավեն Հայաստանի, Ուկրաինայի և Ուզբեկստանի մասնակից բուհերի ուսանողների պրակտիկաների անցկացումն ու կբարձրացնեն դրանց արդյունավետությունը: Որպես փորձնական բազա` կընտրվեն տնտեսագիտական մեկական մասնագիտություններ՝ բակալավրիական և մագիստրոսական կրթական աստիճաններից: Դրանց հիման վրա 3 տարվա ընթացքում կմշակվի կրթական յուրահատուկ մոդել, որով իրականացվող ուսուցումն առավելապես կնպաստի գործնական հմտությունների զարգացմանը:
Սամարղանդում կայացած հանդիպմանը մասնակցում էին ՀԱԱՀ-ում ծրագրի համակարգող, Արտաքին կապերի դեպարտամենտի պետ Գ. Համբարձումյանը և ծրագրի մասնակից, «Ագրարային մենեջմենթ» միջազգային մագիստրոսական ծրագրի մասնագետ Ն. Գասպարյանը: Հանդիպման ժամանակ ներկայացվեցին ՀԱԱՀ-ում պրակտիկաների տեսակները, կազմակերպման և գնահատման ընթացքը, թույլ և ուժեղ կողմերը: Ներկայացման ձևը հատկապես հետաքրքրեց արտերկրյա մեր գործընկերներին, ովքեր որոշեցին այն ընդունել որպես մոդել` հետագայում նման հարցերի ներկայացման համար: Քննարկվեցին նաև TOPAS-ի կազմակերպչական բազմաթիվ հարցեր, ինչպես նաև որոշվեց առաջիկա հանդիպումների ժամանակացույցը:
TOPAS-ի գլխավոր համակարգողը ՀԱԱՀ-ի երկարամյա գործընկեր Վայհենշտեֆանի կիրառական գիտությունների համալսարանն է, որին այդ հարցում օգնում են Վռիթելի համալսարանական քոլեջը (Մեծ Բրիտանիա), Վրոսլավի բնական գիտությունների համալսարանը (Լեհաստան) և Յաշիի գյուղատնտեսական գիտությունների և անասնաբուժական բժշկագիտության համալսարանը (Ռումինիա): Ծրագրը առանձնահատուկ դեր կարող է խաղալ մեր համալսարանի ուսումնական գործընթացի կազմակերպման հարցում, քանի որ ուսանողների մասնագիտական հմտությունների զարգացմանն ուղղված հարցերը ներկայումս խիստ արդիական են և մտահոգում են բոլոր բուհերին:


Գ. Համբարձումյան
Արտաքին կապերի դեպարտամենտի պետ
Ն. Գասպարյան
«Ագրարային մենեջմենթ» միջազգային մագիստրոսական ծրագրի մասնագետ

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10