hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Հինգշաբթի, Փետրվար 01

Մասնագիտական կողմնորոշման այցեր Ագրարային համալսարան

Ագրարային համալսարանում մեկնարկել են հանրակրթական դպրոցների 2018թ. շրջանավարտների համար կազմակերպվող մասնագիտական կողմնորոշման այցերը: Հունվարի 31-ին համալսարանը հյուրընկալել էր Երևանի թիվ 2 ավագ դպրոցի ավարտական դասարանների աշակերտներին:

Համալսարանի գիտական խորհրդի նիստերի դահլիճում ապագա դիմորդներին ընդունեցին և ՀԱԱՀ-ի ընդունելության կարգը, ֆակուլտետներն ու մասնագիտությունները ներկայացրեցին Ուսումնամեթոդական կենտրոնի տնօրեն, պրոռեկտոր Սմբատ Դավեյանը և Ագրոնոմիական ֆակուլտետի դեկան Գագիկ Սանթրոսյանը:
«Սիրելի՛ աշակերտներ, բարի գալուստ Ագրարային համալսարան: Այսօր դուք կանգնած եք շատ կարևոր հարցի՝ ապագա մասնագիտության ընտրության առջև: Խորը մտածե՛ք, չէ՞ որ մասնագիտությունն ընտրում են ամբողջ կյանքի համար, և այն պետք է լինի հաճելի, սիրելի և պահանջված»,- նշեց պրոռեկտորը՝ ընդգծելով այն հանգամանքը, որ այսօր Հայաստանի Հանրապետությունում ամենից շատ պահանջարկ կա ագրարային ոլորտի բարձրորակ ու նորարար մասնագետների, քանի որ գյուղատնտեսությունը երկրի տնտեսության գերակա ճյուղերից մեկն է:
Ս. Դավեյանը և Գ. Սանթրոսյանը պատասխանեցին ապագա դիմորդներին հուզող հարցերին՝ կապված ուսման վարձավճարների և զեղչային ճկուն համակարգի, ՀԱԱՀ-ի գործընկեր արտասահմանյան մի շարք հեղինակավոր համալսարաններում ուսումը և պրակտիկան շարունակելու, բուհում առկա կրթական միջազգային մագիստրոսական ծրագրերի առավելությունների, կրկնակի դիպլոմներ ստանալու հնարավորության և ուսանողների տեղական ու միջազգային ակադեմիական շարժունության տարբեր ծրագրերի մասին: Հարկ է նշել, որ հանրապետության պետական բարձրագույն ուսումնական հաստատությունների շարքում Ագրարային համալսարանի ուսման վարձավճարները ամենացածրն են, և վերջին 15 տարիների ընթացքում ՀԱԱՀ-ից ոչ մի ուսանող դուրս չի մնացել ուսման վարձը չվճարելու պատճառով:
Այնուհետև աշակերտների համար կազմակերպվեց ճանաչողական փոքրիկ շրջայց. նրանք եղան համալսարանի գինեդարանում, այցելեցին ՀԱԱՀ պատմության թանգարան՝ ծանոթանալով 88-ամյա կրթական հաստատության հարուստ պատմությանն ու ձեռքբերումներին: Պատանիներն այցելեցին նաև ՀԱԱՀ Ագրոբիզնեսի ուսուցման կենտրոն, որը տարածաշրջանում անգլերենով դասավանդվող միակ մագիստրոսական ծրագիրն է ագրոբիզնեսի տնտեսագիտության բնագավառում: Կենտրոնում դասավանդում են ԱՄՆ-ի և Եվրոպայի առաջատար համալսարաններում գիտական աստիճաններ ստացած հայ և արտասահմանցի մասնագետներ՝ պատրաստելով ագրարային ոլորտում տնտեսագիտական, շուկայագիտական և կառավարման լայն մտահորիզոն ունեցող մասնագետներ՝ անգլերենի գերազանց իմացությամբ և հաղորդակցման արդիական հմտություններով: Կենտրոնի շրջանավարտները, ստանալով ՀԱԱՀ դիպլոմ և ԱՄՆ Տեխասի համալսարանի հավաստագիր, անցնում են բարձր վարձատրվող աշխատանքի Հայաստանի ագրոպարենային ոլորտում ու միջազգային տարբեր կազմակերպություններում: Աշակերտների շրջայցն ավարտվեց ՀԱԱՀ ուսանողական ճաշարանում սեղանների շուրջ: Ինչպես նշեցին Երևանի թիվ 2 ավագ դպրոցի աշակերտները, օրը հագեցած էր օգտակար տեղեկատվությամբ ու տպավորիչ էր, քանի որ առաջին անգամ նստեցին ուսանողական նստարաններին՝ փորձելով պատկերացնել ուսանողական կյանքն ու առօրյան:
Մասնագիտական կողմնորոշման այցերը, ինչպես նախորդ տարիներին, կլինեն շարունակական. առաջիկայում ՀԱԱՀ-ը կհյուրընկալի թե՛ մայրաքաղաքի, թե՛ մարզերի տարբեր դպրոցների բարձր դասարանցիների:

Նազելի Ավագյան

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10